خواتي الموضوع مبين من عنوانه هالصيف أول مرة اسافر الى النمسا والمانيا فياريت منكن مساعدتي في الاماكن السياحية اللي تستاهل اني ازورها عسب ما تفوتني واستانس ….
المناطق اللي بسير لها هي :-
ميونخ —- زلامسي —- سالزبورغ
دخيلكم خبروني وين اسير حتى الاسواق واسمائهم والاماكن السياحيه واسمائهم والمطاعق الحلوة عسب اعزم ريلي خخخخ
وشكرا
وين الردود
زيلامسي رووووووووووعة شي منطقة هناك فيها جبال ثلج بالتلفريك اتسيرولها ثلاث مراحل بس اذا اتزيغين من التلفريك لاتركبينه لان بتطولين فيه … بس رووووووووووووووووعة المكان
وانصحج تدخلين محل C & A موجود في كل أوروبا له افرع ، حلو حق الصغارية والكبار بعد
وجريب من السوق ( المارين بلاز) المحلات اللي في المارين هي الكوفهوف والسي اند ايه والاتش ام
في الساحة بتحصلين محلات وكافيهات ومطاعم
وفيه مجمع اسمه الهيرتي اعتقد غيرو اسمه وجريب منه مطعم بارس
الحدايق هي الاولمبك بارك والانجلش غاردن
شي مجمع اسمه الريم اركاديا ومجمع الأولمبك