الوسم: السفر.

السلام عليكم و الرحمة

بنات ابي احجز تذكرة سفر لي و لماماتي .. و هذي اول مرة اروح احجز تذاكر لشهر 12

ابي اعرف شو يطلبون منا عشان اروح و انا مجهزة كل شي ..

بليييز

الجوازات بس

جوازاتكم

….. رحله موفقه

مرحبا خواتي شحالكن ..

عندي سؤال

اذا سرت كم يوم اغير جو برع البيت .. يعني في الفندق . شو اقدر اسوي حق بنتي اكل .. عمرها سبع اشهر .. كيف بطبخ … ماقدر …

تقدرين تعطينها من علب جاهزة شي خضرا وفواكه

خذي جهاز فيليبس لتحضير الاكل بالبخار وياج
انا دوم اشله ويايه اذا رحنا فندق

اكل جاهز في العلب خضروات, فواكه, كراميل

وحتا فيه العصاير
وفيه الاكل البودرة تخلطينه بماي حار بعد..خضروات , عيش, فواكه

وفيه البسكوتات يعتبر سناك

هالاشياء دايما استخمها في السفر واريح

أنا أخذ معاي دائماً جهاز فيلبس لهرس الأكل وعادي من غدانا لهرس لها يعني أحط العيش والدجاج واهرسه بالجهاز وعطيها تأكله وإذا كلنا برع اطلب لها شوربه كتصبيره وإذا في فالمنيو بطاطس مهروسة بعد اطلب لها أو اسالهم إذا عندهم وجبات للأطفال أو إذا في إمكانية يسون لها اكل مهروس وإذا ما كان فيه عادي أخذ لها تيكوي للفندق واهرس لها الأكل وإذا كميه ممكن احطه بالثلاجة واسخنه بعدين بالميكرويف عادي يعني سهاله واخذ لها بعد فواكه ونفس الشي اهرسها لها بالجهاز أو أخذ لها الأطعمة الجاهزة بس أنا ما أفضلها وايد بس كتصبيره أعطيها سيريلاك أو العيش البودره من ميلوبا
الجهاز بصراحه وايد حلوه عندي إياه من ٥ سنوات استخدمته لعيالي ال ٣ وايد حلو وسعره فيه تقريبا ١٥٠ وهو ايج مثل العصا ومن تحت فرامه تهرس الأكل عدل

ان شاء الله أستفدتي أختي

أنا يوم سافرت كنت اسوووي تفاح وكمثرا احطه عالنار وعقب اخلطه بالفرامة واحطه فالعلبة ويكون ريوق او ممكن اتشلين فارليز وبعد توست بالحليب مع شوية زبدة وغدا عيش مهروس بالفرامة وعشا سوي لها سيريلاك مهلبية شوفان بالحليب وشلي وياج بسكوت وكريم كراميل الجاهزة

وينكم بنات ؟؟؟

اختي هوى الروح – انا عندي بيبي كنت اشيله في ها الحامل ألين صار عمره سنه وبالعكس كان مرتاح
لكن لازم تختارين حامل يكون مريح يعني فيه حشوه اسفنج واجد عشان يرتاح البيبي ومايكون بين الرجول مقوي او كرتون عشان ماتعورها رجليها
وعلى فكره انا كنت اشيل البيبي وجهه لقدام يعني ظهره على صدري ووجهه لناس وشافني طبيب اطفال وأيدني على هذا الوضع وقال انه افضل من لما يكون وجهه لوجهك
اتمنى اكون ساعدتك
والله يخليه لك

بالتوفيق اختي وان شاء الله البنات بيفيدونك

بس بتكون صغيرره فديتها على السفر

هلا الغالية ،أنا لما كنت مسافرة بهدلتني العربانة بس لازم اخذ العربانة لان بنتي عمرها سنتين وولدة 6 شهور ، بس جفت محل ويبع عالحامل وخذته وايد مريح بس تميت حاطة ايدي عليه ؟ لاني اول مرة واخافه يطيح خخخخ

انا اشتريته بس ما انتبهت ع الاسفنج >< الحين مادري وين مفرور خخخخ

ومفكره اذا كانت واعيه اخليها مجابله الدرب و اذا راقده ع صدر ابوها يكون راسها ^_^

اختي اصلا ياهل عمره 3 شهوور مب مال سفر

بتهتمين فالياهل او بتستانسين فالسفر ؟؟!!

عل اقل 6 شهور بيكون احسن

السلام عليكم حبيباتي
أنا حامل في الشهر الثاني وهاد أول حمل لي وأحب اسألكم أذا السفر بيضر اذا ضمن الأمارات يعني من العين لأبو ظبي أو دبي خاصة أني أجهضت الحمل اللي فات وأنا سألت الدكتورة قالتلي مافي مشكلة بالسفر بس بعدني خايفة أفيدوني من خبراتكم في الحمل بانتظار ردودكم

ما اعرف الصراحة
ان شاء الله حد يفيدج حبوبة
للرفع

اسالي الدكتوره لان هي ادرى تقدر تفحصج وتقولج اذا تقدرين التسافرين او لا

uuuuuuuuup

انا بدش سادس ان شاءالله قريب
اول كنت ف 2 و3 وكنت اسير دبي والعين سرت وابوظبي بس حاولي ماتجهدي عمرج والحرمه على حرمه تفرق والله يثبث حملج وحملنا على خير يارب

أنا كنت أسير عادي ،، ولو الدكتورة طمنتج توكلي على الله

لا اتحاتي حبيبتي
اذا قليل ما يضر
بس حاولي فالسيارة اتنزلين الكرسي
واتحطين مخدات مريحة
واتريحين عقب ما توصلين قد ما تقدرين
واكيد عطتج الدكتورة حبوب مثبته
^^
والرب حافظنه يارب
لا اتوسوسين واايد

هلا خواتي ..

الغاليات ان شاء الله في شهر واحد ناوية اسافر ويا ريلي .. بس محتارة وين اسير ..

لاني حامل .. وبكون في الخامس باذن الله .. فكرت اسير مكان قريب .. يعني 3 ساعات او بهذي الحدود مب اكثر ..

فكرت اسير لبنان .. بس مااادري مترددة شوي .. مع اني سايرتنها من قبل بس بدون ريلي ..

ابا مكان حلو ورومانسي بما انه سبب السفر رومانسي

سيري اليمن

في شهر واحد

لبنان حلوة

وجوها ارحم عن اوروبا
وفي مناطق بيكون فيها ثلج

وعندج بعد مصر ومنتجعاتهم الحلوة

وعندج دول الخليج حلوة في الشتاء

نفس الحاله بالضبط

بسافر شهر واحد + مع ريلي + بكون حامل في الخامس + استبعدت لبنان مع انها وااااو في الشتا لأني سايرتنها قبل لا أعرس + ابا بلاد قريبه

و اتريا اقتراحات لأن بنات المنتدى سوولي طاف و موضوعي انهجر لووول

مع اني بحاجة لاقتراحات لكن ما بظهر بدون ما اقترح عليج ^_^

تركيـــــا .. بس زايغه يخرب عليكم و "علينا "^_* البرد مانروم نتمشى !!

شكرا على الاقتراح حبيبتي .. ان شاء الله بفكر

منوره يالغلا ..

لااااااا اوروبا فظييييعة في الشتاء وخاصة شهر واحد .. طحت طيييح العام في الثلج .. اخااااف الصراحة وانا حامل ..

والله مصر فكرت فيها بعد .. ان شاء الله خير

ههههههههههه والله زين .. الله يثبت حملنا ان شاء الله ..

الغالية تركيا في شهر واحد الصراحة باااااردة بس برودتها حلوة .. بس مشكلة تركيا انه لازم تمشين .. مب شرات لبنان ممكن تتحوطين في السيارة ..

وتركيا حلاتها تسيرين مناطقها مب بس في اسطنبول .. بس مافيني على يلست الباصات بالساعاات و الطيايير الداخلية ..

اححححب تركيا .. وشكلي اذا سرت بسير بس اسطنبول ..

السموووووووووووووووووووحة

امممممم
اذا غرفتكم قديمه غيري الاثات بالكاااامل والوان الحجره
او غيري مواقع الاثاث
اشتري لعبه زوجيه
وغيري اللوك مالج
صبغ قص الخ……
اممم تراني مدوووووخه فيا ارقااااااد وهذا اللي طلع وياي
السموووحه^_^

غيري استايلج ..

وحاولي تغييرين شوي فالبيت

ويوصل بالسلامة

مرحبا صبايا …

منو باجر الجمعة بتكون ويايه على متن طيران الفرنسية

من دبي إلى فرنسا ..

ع الساعة 12 و شوي اظن ^^

ادعولي الله ييسر اموري

أكيد مش انا
رحلة سعيدة و تتهنون فيها و تردون بالسلامة ان شاء الله

ولـآا أنـآا ..
بـ السلــآامـه يـآارب .. ))

اهلي اليوم بسافرون من مطار بوظبي ع طيارة الساعه 1 بوظبي فرنسا .. يلا تروحون كلكم وتردون بالسلامه ..
حليلي انا بتم برووحي فالعين ياربي هب عارفه كيف بعيد بروحي

فديتكم ،، يااارب تستانسون فالعيد و تكون أجواء البلاد حلوووه ^^

الله يهني كل سيدات الإمارات بإجازة العيد ^^

مرحبا حبيباتي
ناويه اسافر تركيا في شهر مارس ان شاء الله
وما اعرف شي عنها من حيث
الفنادق واسعارها ؟
والتذاكر واسعارها ؟
والمناطق السياحيه ؟
واسواقها ؟
وكيف يكون الجو في مارس وابريل ؟
يعني بالمختصر المفيد ( كل شي عن تركيا )
سامحوني طولت عليكم
اتمنى الرد على موضوعي مع شكري وتقديري لكم جميعا

مووووووووووووووفقة

جو تركيا هالفتره من احلى الاجواء لان الربيع عندهم لو برد بس مب نفس الشتا والثلوج
وعندج بورصه ويلوا واسطنبول من اهم المدن عندهم

مررررحبا اختي
انا من عشاق تركيا … وصدقيني ما راح تندمين لو زرتيها ..
ع كثر سفراتي .. تركيا غييييييييييييييير حسيت بالمتعه فيها واايد ،،
أول سفره لي كانت مع ريلي وعيالي (رضيعه عمرها شهر وطفل عمره سنتين ونص ) وبصرااااحه استانسنا وااااايد حتى ولدي مع انه صغير بس كان مستانس
والسفره الثانيه لي كانت مع اهلي قبل 4 أيام راجعه منها … وبعد كانت رحله ممتعه …
راح أخبرج عن كل شي : عن نفسي السفره الاولى ما خسرت شي فما أعرف التكاليف بالضبط كم كانت لانه زوجي يطول بعمره ما قصر
السفره الثانيه بما اني رايحه بدونه فكانت الميزانيه عندي … كانت التكاليف متضمنه التذاكر + الفنادق + المواصلات + الصرفيه = تقريباً 12 ألف درهم اماراتي..
اللي أكثر شي خسرني الأكل لأنه أكلهم شوي غالي كانت الوجبه الوحده تقريباً تكلف مش أقل عن 200 درهم بفلوسنا ..
… وكامل المواصلات لمدة 8 أيام مع رحلة بورصه لانه بورصه السايره تكون معاج فالباخره مع توصيل من وإلى المطار.. … فتكلفة المواصلات كانت 1900 دولار = تقريبا 7000 درهم وبما إني كنت مع قروب رايحه فالمواصلات كانت مقسمه ما بينا .. والسايق اللي حاجزين يكون مخصص لج طول اليوم من الصبح ليييين الليل .. أو بالاصح لين انتي ترخصينه يروح فالليل ع الساعه اللي انتي تبينها … وتتواعدين معاه الصبح ع الساعه كم يكون متواجد ..

بالنسبه للفنادق … أنصحج في بوكينج .. وكانت اختي يزاها الله خير هي مرتبه لنا الفنادق … فنادق منطقة السلطان أحمد غرفهم ضييييييييييقه … وراح تنصدمين منها يوم توصلين بتشوفين الصوره شي والواقع شي .. لكن تحملي هي بس للمبيت .. لأنه كل الفنادق في منطقة السلطان احمد بهذي الوسع ما راح تلقين أوسع مثل ما متعوده في الفنادق الثانيه ..لانه حسب ما قالولي انه الحكومه تريد تحافظ على طراز المباني القديمة فمش مسموح بعمل توسعه للمباني عندهم …
سكنت في 3 فنادق وكانت كالتالي : اسطنبول فندق سيبتيمام لمدة 5 ايام = 938.87 درهم – بورصه فندق بيوجازل شي جي اسمه خخخ المهم لمدة ليلتين = 545.30 درهم- اسطنبول لمدة ليلة في فندق اميرالد = 1804.24 درهم

بالنسبة للجو : انا رايحه من تاريخ 1-8/12 بررررررررررررررررررد .. درجة الحراره تتراويح ما بين 10 -1 درجة سيليزيه .. وطبعااً بووورصه أبررررد عن اسطنبول درجة الحراره 5 وتحت .. وفوق جبل أولدووج المنطقه بيييضاااء مغطااااية بالثلوووووووووووج تحت الصفر الحراره …وأمطار عندهم ..
وبما انج مسافره في شهر 3 أعتقد الجو راح يبدأ يعتدل والبروده تقل … وتقدرين تشيكين أفضلج على درجة الحراره من مواقع متعلقة بالطقس ..

بالنسبة للأماكن راح أكتبها لج مثل ما نحن زرناها بحسب تقارب الاماكن من بعضها علشان تكسبون وقت وما تضيعونه في بعد المسافات .. وخاصه انه واايد زحمه عندهم ..
أول يوم – منطقة السلطان أحمد : مسجد السلطان أحمد ، آيا صوفيا، توب كابي .. وأنصحج بجوتي فلات لانه بتمشين وااااايد ><
ثاني يوم – الأكواريوم – بانوراما توب كابي – منطقه مرتفعه فيها مطاهم للشاي وجلسات مطله على بحر مرمره ( بالتركي يسمونه حسب ما قالنا الدريول بورتريه )
ثالث يوم : جزر الأميرات وتحتاج يوم كامل من الصبح لين المغرب تقريباَ
اليوم الرابع: ميني ترك – قصر دولما بهجة قصرررر ولا أرووع أنصحج بزياارته هو بالذااات .
اليوم الخامس : الذهاب إلى بورصة وفي الطريج تقدرون تمرون على شلالات يلوا
اليوم السادس: جبل أولدوج بالتلفريك .. أو بالسياره لانه على حظنا التلفريك كان في صيانه فرحنا بالسيارة ، مكان اسمه تشلر عند الشجرة التاريخيه الكبيره
اليوم السابع : شلالات بورصه مكان رووعه وكله مطاعم تقدرون تتغدون فيه وترجعون على اسطنبول .
اليوم الثامن : اسطنبول منطقة تقسيم ,, يوم للتسوق قبل السفر ،،، طبعاً نحن كان التسوق يومياً عندنا ^_^ تعرفين حريييم من نرجع وقت على طوول قلنا للسايق بزار ههههه ما نطوف ولا دقيقه خخخ .. وترا سوقهم يسكر بسرعه ع الساعه 8 تقريبا مسكرين اغلب المحلات ..
بامكانكم تروحون رحله على الباخره في البفسفور ..

هذا كل اللي عندي أتمنى أفدتج وأي استفسار انا حاضرة …

بالتوفيق

شي منتديات خاصه بالسياحه سوي سيرج عنها وبتحصلين قسم مخصص لتركيا وبتحصلين كاتبيلج كل شي بالتفاصيل

كلامها روووووووووووووووووووووووووووووووعه

بس نصيحه لاتروحين جزيرة الاميرات مب شي

اوريدي المناظر كل مكان احس رحنا عالفاضي

قعدنا بعربه وجرتنا الخيول والريحه خااااااااايسه لان يحطون شي تحت الحصان عشان الفضلات عزج الله

مرحبا
انا حامل بالشهر الر ابع هل يجوز لي السفر والله خاطري بالسفر بس ابا اطمن

اسالي الدكتوره اذا ما في خطر على البيبي

مرحبتين الي اعرفه اول 3 شهور خطر السفر على الحامل
الصراحه أنا سافرت في الشهر الثامن
اسألي الدكتوره احسن والله يوفقج

الي اعرفه عادي بس اذا كان اول حمل لج صبري مو لازم تسافرين

اممممممممم فديتج اذا كان طبيعي قصدي عادي مافيج شي الحمد لله عادي انا سافرت فالشهر 2 ورحت لين المغرب يعني 8 ساعات بالطيارة
بس اذا بر صعب عليج ومادري سالي الدكتورة

عادي حبيبتي انا سافرت اول يوم في الرابع ومارديت الا نص الخامس مادري اول السادس..عادي

كل وحدة وطبيعة جسمها

بس انا افضل انج ماتسافرين

السفر لاحقة عليه اهم شي صحه البيبي..