الوسم: dress

شحالكن خواتي الكشيخات والأنيقات ؟

احم انا عندي قطعة تور مشغوله كاامله باللؤلؤعلى شكل سلاسل

و هذي صورها (السموحة الاضاءة ضعيفه والتصوير ظالمنها شكلها على الطبيعة وايد احلى)

السالفة ومافيها اني ابغي اسويها فستان سهرة بس محتااره في لون البطانه

انا يوم خذتها كنت حاطه فبالي لون ديرتي بينك Dirty pink حسيت انه واايد اليقنت مع اللولو

و دوّرت بطاانه هاللون بسس للأسف ما حصلت !!

و يوم سرت عند المصمم قال لي هاللون راقي مع القطعة بس صعب تحصلينه بطانه + تور نفس الدرجة

و اقترح عليه اللون البيشي (الخوخي) peachy

يقول دارج موضة هالسنة مع الاوف وايت و الذهبي و الترابي

و انا فكرت في اللون الكحلي لانه يبرز اللؤلؤ عليه و التناقض بين اللونين يطلع واااو

بس بعدين صرفت النظر عنه لأني ضعيفة (بس رشيقة مب سلق خخخ) و الالوان الغامجة تضعفني اكثر بعكس الالوان الفاتحه اللي تعطي امتلاء

و حالياً محتااره بين البيشي اقتراح المصمم او الديرتي بينك اللي فخاااطريه ..

براويكن صور اللونين و كل وحده تقول شو احلى ويا القطعة لوول

اول شي Peachy Color

و اللون الثاني Dirty pink

:

:

شو رايكم أي لون احلى ويا القطعة ؟؟

و اللي عندها اقتراح ثاني لا تبخل عليه ^.^

و لا تحبطوني لني تعبت وانا اسوي سيرج و اظلل الصور و اعدلها اهيء اهيء