الوسم: الوطنية

السلام عليكم يا امهاات ..

بنتي بعد حووووسة طويلة عريضة قررنا ندخلها مدرسة دبي الوطنية اللي بالطواار ..

شو رايكم فيها .. واللي عندها او بدخل حدمن عيالها في الكي جي 1 هنااك يااليت نتعااارف ونتواااصل لمصلح عياالنا ..

شكرا عزيزاتي ..

هلا يالغاليه
أنا ولدي في مدرسة دبي الوطنيه ونفس الفرع وحمد الله خلص المرحلتين أحين صف أول إبتدائي
صراحه المدرسه أكثر من رائع
من كل نواحي دراسيه وأخلاقيه
أنصحج إذا بسجلسنه أو سجلتيها أول يوم مدرسه أختاري صف العصافير لبنتج عند مدرسه العربي مس صباح صراحه أسلوبها وايد جميل مع الأطفال حتى بتحبين ترابيعنها حتى بنتج بتحبها وسلوبها في تدريس أكثر من رائع
أي أستفسار أنا حاضره يالغاليه

خوات ريلي مدخلين كل عيالهم في دبي الوطنية …

الحين 2 منهم بيسيرون الصف الثالث … وواحد بيسير KG2

والحمد لله أشوفهم مرتاحين من المدرسة ويبون يخلونهم فيها …

المدرسة حلوة وعندهم أنشطة وفعاليات وايدة … وان شاء الله ترتاحين وياهم …

أنا عيالي في الوطنية فرع البرشاء.. مدخلتنهم من الكيجي …والحين ما شالله grad2 ,grad4…والمدرس ممتازة وتأسيسهم ممتاز…بس وااااايد يعطونهم واجبات ووااااااااايد كوزات …هلكوهم طول السنه ..طبعا هذا مب من الكيجي يعني من صف ثاني..تبدا الواجبات تكثر عليهم…

مشكورين عزيزااتي حمستوني واايد والله .. وانتظر الباقيات ..

انزين شو نظام الكي جي؟؟ في مساعدات مع المدرسة حق الحماام ؟؟ ولا كيف ؟؟ لأن اخااف بنتي تنحرج وتسويها بعمرها ..

حبة فوووق ..

نفس اسألت الخت هل في مجال اسجل هالفترة ؟؟؟

انا عندي اعيال اخوي زوجي بالاتحااد

بس يمدحوونها وااايد

وخاصة الادارة يقولون عنها مواطنه

للرفع

انا ولدي في كي جي ون … بس اللي في بوظبي .. لين الحين كل شي تمااام والحمدالله …

ماعندي فكرة اولادي بالاضواء

أهلين موضوع حلو كان في موضوع نفسه بس ما استمر وان شاءالله هذا يستمر بشكل اطول ان شاء الله

و أكيد لـي رجعه مرة ثانيه

اختيه كانت مديرتهم شيخه وشلوها والحين خوله لكن من ناحية الاداره كلهم وافدين
هم من ناحية الدين ماعليهم كلام لكن يوم تسالينهم عن الطالب يمدحون ويشكرون لكن يوم انشوف الشهاده شي ثاني
لكن لازم الواحد يتابع مع الطالب اول باول

انا ربيعتي معلمه هناك

بغيت منكم كتابة بطاقة تهنئة لشعب الامارات بمناسبة اختيار الشيخ خليفه بن زايد حفظه الله رئيسا لدولة الامارات
اارجووووووووو منكم مساعدتي و مراسلتي على الخاص

ما عرف المدرسة الصراحة السموحة بس بنتج اذا عادي وراضية وتحس هالمدرسة أوكي انقليها واذا مو راضية لاتنقليها حتى لو المدرسة زينة علشان لا تنزل درجاتها والله يوفقج انتي وبنتج انشالله

السلام عليكم اخواتي رجا ابغي كتب صف السادس العربي والاسلامي والتربية الوطنية ادا حد في عنده حتي مستعمله من السنه الي طافت ضروري والله يجزيكم خير

وين ساكنه ؟

في دبي

السلام عليكم خواتى

ممكن تساعدونى بنموذج لامتحان التربية الوطنية للصف الاول للفصل الثانى
وشكراااااااااااااااااااااااااااااااااااااااااااااا ااااااا

أخواتي حبيت أفيدكم بإنه مدرسة الإمارات الوطنية والموجودة في مصفح..تم افتتاح فرعها الجديد داخل أبوظبي في شارع الدفاع عدال معسكر آل نهيان..

هذا موقع المدرسة

https://www.ens.sch.ae/

التسجيل بدأ واليوم استفسرنا عن الكي جي1..والقسط شامل الكتب والمريول والباص ووجبتين = 19500

الأسعار بالتفاصيل هنا:

https://www.ens.sch.ae/ens-adm-fees.htm

وعندهم اختبار للكي جي1 فقط للتأكد من قدرات الطفل وأنه لا يعاني من أي مشاكل..واللي طفلها يستحي من الناس تحاول قبلها بعدة أيام تهيأه للامتحان أو تييب من البيت قصة أو كتاب هو متعود عليه حتى يسولف شوي..

وبالتوفيق

– خواتي المشرفات أتمنى إبقاء الموضوع قليلا حتى يستفيد الجميع قبل دمجه مع موضوع المدارس

مرحبا….ابغيت أستفسر اذا حد شاف المبنى الجديد لفرع أبوظبي و شو رايكم فيه….و متى ببيكون الاختبار

مشكوره يالغاليه على الخبر الحلو عشااااااااااان تخف الزحمه في المدرسه لاني كل سنه اسجل عيالي ويقولون فل ان شاء الله يكون لهم نصيب

خبر حلو بالتوفيق ان شاء الله بس الأسعار نااااااااار

مشكوره يالغاليه على الخبر الحلو عشااااااااااان تخف الزحمه في المدرسه لاني كل سنه اسجل عيالي ويقولون فل ان شاء الله يكون لهم نصيب

مشكوره

تسيرون المدرسة..والتسجيل في فرع المدرسة في مصفح..والمقابلة هم بيتصلون ويحددون التاريخ

الغالية ابغي …قصيدة نحن جميعنا عرب ….ضروريمطلوب على بنتني تحفظ القصيدة لليوم الاحد بس هي ناسية الكتاب ..بليز اكتبولي القصيدة ….ضروري فيديتكن

معقولة ما حد دخل يحاول يساعدني

هلالالا اختي انا عندي كتاب العام بس ما فيه هاي القصيدة كنت حابه اساعدج
يمكن في منهج السنه بحاول ادور لج وسامحيني اذا ما لقيتها

اهلين اختي

انا دورت القصيده اللي تبيها مب موجوده بالكتاب

انا دورت كتاب بنتي الفصل الاول والثاني مافيه شي عن القصيده هذي

والسموحه منج

مشكورات حبايببي ..خلاص حصلت تسلمون وما قصرتو يزاكم الله خير

مرحبا خواتي أبغي لو حد منكم عنده شى عن التربية الوطنية على شكل بور بوينت أو صور ضرووووووووووووووري بليز:22 (12):

ان شاء الله تحصلي الاجابه

ويييييييييييييينكم ؟؟؟

بنات لاتنسونا

ان شاءالله الخوات مابيقصرن وياج

السموحة ع التاخير

باجر بحاول انزل لكم شغلات للتربية الوطنية

:1 (25): :1 (25): اخواتي ياليت الي عندها خبرة و تجارب بالمدرستين اتخبرني شو الاحسن في المرحلة التاسيسية يعني يكون الولد متاسس صح ولدي الحينة في الصف الاول والله احترت اخلية ولا اطلعة من النهضة و ادخلة المستقبل النموذجية:1 (25):

ما عندي فكرة حبيبتي

اولادي في النخبة النموذجية

هذولي المدرستين في ابوظبي ومشكورة اناناسه على الرد

العفو فديتج

مرحبا اختي انا بنات اخت ريلي في النهضة وحدة صف اول والثانية كاجي1 والام وايد تمدح مدرسة النهضة ومناهجها بس هي بعد ادور مدرسة ثانية للبنات في العام الدراسي المقبل لان النهضة مصاريفها مرتفعة شوي

صدقج ام خويلد اسعارهم مرتفعة بس شو انسوي نبى اناسس عيالنا صح بس مشكلتنا المصاريف و خاصة نحن ما عندنا بدل تعليم ( الدوائر الاتحادية) ,
وعلشان جذا محتارة انقله للمستقبل ولا اخليه في النهضة .
مشكورة سحايب الخير على الموقع وصج انج اسم على مسمى .