الوسم: الواحه

مرحبا حبوبات….الغاليات بغيت استفسر اذا ما عليكم امر…
بغيت اعرف كيف اسعار مستشفى الواحه اللي بالعين اللي هي المستشفى الكندي………..
اذا براجع فيها …كل مراجعه كم ياخذون من غير الادويه..وبكم يولدون طبيعي مع الخياطه وكل شي…وبكم القيصريه….

ومع خصم ادنوك((الضمان الصحي)) كم يستوي اذا عندكم فكره……

والاهم الاهم شو رايكم فيها من ناحية مراجعات الحمل والولاده..وكيف تعاملهم..
واكون شاكره لكم…
بليز لا تهملون سؤالي والله ينولها اللي فبالها ويسعدها اللي تعرف وترد…

على حسب الضمان الي عندج وهل يغطي الولادة او لا مثلا ربيعتي عندها ضمان من شركة ابوظبي الوطنية للتامين وتدفع بس 50 درهم للزيارة الواحدة والباقي على الضمان ويغطي الولادة بعد بحدود 5000 درهم فقط

الصراحة انا ربيت عندهم اول ولادة وكنت مستانسه عليهم وامدحه بس احس انهم اختربواا مواعيدهم تقهر واااااااااااااااااااااااااايد واحس ان جهازهم جديم بالمقارنة بمستشفيات وعادات خاصة الصراحة قهررر مستشفى الكل كان يمدحه احس الحين كل حد زعلان على فكره الاسعار زينة للضمان وكل شي نصيب

ثانكس على مروركن حبايبي….مها العين العاليه شو تقصدين اي مستشفى؟؟؟؟

وشو رايكم بتوام؟؟؟؟…..

هلا غناتي

انا عمتي ربت فيها وتقريبا كان السعر 5000 بدون ضمان
ونزلوا لها شوي لان باخر شهورها تمت تراجع عندهم
وقالوا لها لو كنتي تراجعين من اول ماحملتي جان نزلنا وايد
وهي ربت ولاوده طبيعيه
بس فحوصات الياهل خذوا عليها وايد
فحوصات الياهل بروحهن سعر وفحوصاتها هي بروحن سعر
بس الواحه وايد استوى مب شيء واسمعهم ما يمدحونه

وانا اعرف وحده ربت في توام بالخاص وعاملوها اوكي

السلام عليكم حبيباتي

بغيت اسال منو راحت الواحه او لايف ستايل

وشو نزلوا في الواحه من اغراض مدرسيه وقطع مراييل واشياء تخص المدرسه؟

ومنو راحت لايف ستايل وحصلت اكسسوارات للشنط وشنط مدرسيه؟

يا ريت تفيدوني ويزاكم ربي الف خير

واقل شي ادعولي

والله ماعندي اي معلومه

بس ف لايف ستاايل اللي في بوظبي

منزلييين شنط مدرسه و كباار

عندج لايف ستايل في صحارى.. بس اذا تبين قرطاسيه حلووووه حق المدرسه سيري المجرودي.. في السيتي او في الفستيفال…. شغلاتهم حلووه

؟؟؟؟؟؟؟؟؟؟؟
؟؟؟؟؟
؟؟
؟

للرفع

لايف ستايل دايما اغراضه مميزة لكن ما يضر نشوف اماكن ثانية
بالتوفيق

انزين بكم الاسعار عندهم في لايف ستايل؟

.

..لآيـــف ستايــــل الشنـــط ما بتكفي حق الكتـــب ؤاايد صغـــار وبعد نحن نظام ساعات و 5 كتب بعد ما بتكفي..

..اشكالهم حلؤؤه و كيؤؤت بس للاسف ما تكفي للكتب واذا تبين مقالم خذي من عندهم ونا رحت لايف اللي فـ الريف ما خذت شي واايده يعني اتحسين الكوكليشن مال قبل..

..

لو سمحتو عايزه اعرف لو فيه دكتور متخصص ريجيم اتابع معاهف ى مستشفى الواحه
او الامارات الدولى
فى العين
لانى التامين بتاعى مايغطيش مستشفى النور
مستنيه ردودكن
وياريت موضوعى مايتنقلش

السلام عليكم
بنات شو رايكم بولادة مستشفى الواحه .. كند
في العين

انا بجريه و خايفه…

وو شوو رايكم بابرة الظهرر عندهم؟؟
تنصحوني ولا

اب اب اب

انا ولدت عندهم ثلاث مرات ممتازات القابلات ومتعاونات
وعن الابره ماقد جربتها

انا ربيت فيه بولادتي الاولى وممتاز الصراحة وإن شاء الله بربي فيه هالمرة
بس ابرة الظهر مايربتها ولا اريدها

حبيبي انا جربت كند
لا تبدلين عنه ولادته ممتازه وعنايه تووب
وعن ابرة الظهر انا خذتها في الخياطه
عندهم دكتور تخدير هندي شاطر عطاني اياها ولا حسيت بها
مستشفى الواحة للولاده توووب لج وللبيبي واحسن دكتوره انا عن تجربتي كريستل الامريكيه شاطره وخياطتها نظيفه
ربي يسهل عليييج

احسن مستشفى

السلام عليكم
حبوبات انا دبه وزني 93 وطولي 155
عندي طفل عمره سنتين ونص ربي يحفظه ماحملت فيه الا لمن ضعفت حاليا ويا الرجيم مره يطلع ومره ينزل الدوره لحمدلله منتظمه واحس بالم هالشهر فاليسار يارب يكون حمل والا شو توقعاتكم دورتي كانت 12-2 وطولها 35 يوم
شوه رايكم وين اتعالج عسب احمل شرايكم فالواحه وريلي مايبا يسوي فحوصات لحمدلله يقول مابه شي وهو السبب صدق مني لاني يوم ضعف حملت شرايكم الواحه والا دار الشفاء والا وين ترشحون لي ضروري ردت الله يجزيكن الجنه ودعم لي

الله يرزقج الغالية ويرزق كل محرومه من الضنا

حاولي تضعفين عشان صحتج و رشاقتج وعشان ريلج مب عشان الحمل لأن وزنج وايد أوفر الصراحة على طولج
انتي المفروض تكونين في الخمسينات حدج 60
ما عندي فكرة عن المستشفيات في بوظبي والعي
بس اسألي عن دكتورة شاطرة فالخاص وتابعي وياها الهرمونات افحصي التكيس
المستشفيات والدكاتره كلها أسباب والرزق من الله
الله يرزقج بالذرية الصالحة يارب

انتي شدي الهمة و سوي رجيم مع رياضة و خففي اكل
ترى المتن يسوي مشاكل للحرمة انتبهي

مستشفى الواحه اوكيه.. يسوي كااامل الفحوصات..

بس حاولي تضعفين.. لان المتن هو السبب فعلا..

انا اول ما عرست كنت ضعيفه ومتنت .. وهالشي منع عني الحمل.. مع ان كان وزني ٦٠ وطولي ١٥٨..
وضعفت كيلوين.. وامره حملت الحمد لله..

ربي يرزقج باللي تتمنينه.. بالتوفيق

السلام عليكم
شحالكم..؟
بغيت اسألكم يا بنات العين انا من ابوظبي بس ادرس فالعين وحامل وبربي على شهر 11 ان شاء الله وحابه افتح فابوظبي والعين ملف عشان اذا ياني الطلق وريلي تأخر اربي فالعين
– دخيلكم تنصحوني بأي مستشفى..؟ ومشكوووورين

شوفي حبيتي وايد ناس يمدحون الواحه بس انا اايد اتوام لانه لو صار لج اي شي لا سمح الله ع طول الواحه بيحولونج لتوام..

فانا انصحج بتوام والحين توام الوحده من تدخل غرفة الولاده اتم واها الدكتوره لين اتربي واتجيك عليها وع البيبي يعني وايد اتغير.. والله يسهل عليج

ماعندي علم غير اني بربي في الواحه ^_^

صدقها أم عمهي يعني توام عنده كل الامكانيات لا سمح الله الوحده ما تعرف
ربي يسهل عليج

اذا ما عندج مشاكل ربي فالواحة عادي .. بس اذا عندج مشكلة لا سمح الله الافضل تربين فتوام
هذا كلام الدكتورة رخاء قالته لختيه يوم كانت تستشريها

مشكورين وربي يوفقكم وانتظر راي باقي الخوات

الحمدالله نحن من ولدت امى فينا كلنا من صغيرنا لين كبيرنا

كله فالواحه … والحين الحمدالله نحن بناتاها وراها كلنا الحمدالله

فالواحه … اصلاُ الواحه تحسين انج في بيتج والحمدالله رب العالمين

الاهتمام واااايد اوكى من جهتهم … بصراحه حرمت اخوى مربيه في مستشفى توام

موووووووووووووووووووول ما تمدحهم … مودرينها حليلها اله من فتره لفتره يطمنون عليها ..

لا وفوق كل هذا حاطينها في جمعيه … ياسلالالالالالالالالالالالالالالام

والله يسهل عليج ان شالله

والسموحه

هلا بنات شحالكم عندي سؤال عن مستشفي الواحه والدكتوره برندا حد جربها في العمليه القيصرية وبالنسبه للينج يشاوروني اي نوع ابغي يعني كامل او موضعي والا هم يحددون لو انا طلبت بنج كامل يعارضون هم بليززززز انتظر ردودكم

ما عندي اي خلفيه

انشالله البنات يفيدوونج غناتيه

يسلمووووو ع المرور

للرفع

Uuuuuuuuup

للررررررفع

شو رايكم في مدرسة الواحه وسمعة البنات اللي فيها؟؟ووين مكانها بالظبط ؟؟

والله كلهم بدووو وعيال نااس

الصراحه انا زرت المدرسه فيوم مفتوح وكانت حلوة

والبنات فنانااات

صح كلهم بدو
بنات خالي فيها وبنت خال اميه مدرسه
ماعليها رمسه المدرسه وشطار البنات الي فيها

المدرسه فنانه وحنا من اهلها
والمدرسات وايد زينات وعن الطريج سألي من توصلين ع العوير والكل بيدليج عليها..

أنا من خريجات هاي المدرسه …..

تسلمون خواتي ومشكورين على ردودكم بس بغيت اسأل عن المدرسه لأن بنتي مع كل بنات منطقتنا نقلوهم للواحه بس بغيت اطمن

انا دارسه في المدرسه وايد فنانه يكفيج مدرساتها وايد طيبات

السلام عليكم ورحمة الله وبركاته
شحالكن ماريد اطول عليكن بس ابا استفسر من الي ولدن بمستشفى الواحه بالعين يقوللي شو الولاده عندهم زينه وشو عنايتهم لاني صراحه فاتحه ملف عندهم لانه قريب لبيتي وبربي فيه بس حد يمدحه وحد يذمه وصرت متخوفه فياريت الي عندها فكره عنه او تعرف حد مربي فيه تخبرني والله يسهل على كل حامل ياربي وتشوف ذريتها كامله غير ناقصه ولا زايده ياربي

للرفع

تسلمن فديتكن عالمرور بس في بعض الحريم خوفني صراحه

كلامها صح وانا اتعالج عند هالدكتوره
وف الولاده حسب الدكتوره المناوبه

♥ڛبحٱڼ ٱڷڷـہۧ ۈبحمڍهـ ڛبحٱڼ ٱڷڷـہۧ ٱڷعظيم ♥

السلام عليكم ورحمة الله …

شحالكن ان شاء الله بخير ؟؟؟؟؟؟؟؟؟
خواتي اللي يربن في الواحه ياريت يردن عليه..

بغيت اسألكن بخصوص ابرة الظهر ( التخدير ) … منو جربتة في مستشفى الواحه … ياريت اترد علية ..

وبغيت اسأل بخصوص الطلق الصناعي يصير الوحده تطلب ابرة الظهر وإلا مايصير …؟؟؟

عليكم السـلام والرحمه ~

حبيبتي اظن عـأدي تطلبين الابره بس انتي وحظج
ويـآ الدكتوره اللي بتكوؤن موجوده هناك

مشكورة حبيبتي ع الرد … بس قبل ابا اعرف تجارب البنات عندهم

عادي تطلبينها حتى لو طلق صناعي
ربي يسهل عليج

مشكورات فديتكن الله يسهل علينا جميعا ان شاء الله