اليوم رح فرجيكم اكلة الفلافل الطيييييييييييييييييييبة كيف ساويتها وطعمها غيييييييييييييييييييييير
جربوها ورح تدعولي ….
بسم الله نبدأ
المقادير :
الكمية انتو بتزيدو او بتنقصو على كيفكم
حمص حب يابس منقوع قبل بيوم ( انا استعملت كيس)
بقدونس . كزبرة . شبت ( انا حطيت 3 حزم من كل وحدة )
بصل عدد 2
توم ناعم قدر معلقتين صغار
بالنسبة للبهار بس ملح وبزر كزبرة يعني انا مابفضل تحطولها بهارات كتير مشان طعمة ضلها متل ماهي اطيب
الطريقة :
نفرم الحمص ناعم بالمولينكس والبقدونس والكزبرة والشبت كلو مع بعض
نضيف الملح وبزر الكزبرة والتوم الناعم ونخلطهم منيح
وهي صورتهم لما يخلصو شايفين كيف لونهم اخضر حلو والريحة احلى
وهلا نجي للقلي اذا عندكم من قالب الفلافل بكون سهل عليكم واذا مافي ممكن تكوروها بايدكم حجم صغير مافي مشكلة هي صورة القالب
اقلوهم بالزيت الحار ( انا هي المرحلة نسيت اصورها سوري) وبعدها صفوهم بورق النشاف وحطولهم سمسم
بيتقدم مع اللبن بالطحينة والمخلل والبقدونس والبندورة والخس والمسبحة ( الحمص)
هي سندويشة عالماشي :
والطعم يممممممممممممممممي
وصحتين وهنا
شوفو معجناتي على هادا الرابط
^___________________________________*
تسلم ايدج حبوبه …
تسلم ايدك ……ويعطيك العافيه عزيزتي
الوصفات جميلة تستحق الشكر