الوسم: Laser

اليوم انا بكتب تجربتي مع الليزر الي ذكرت الاخت غرنوق رعبوبة تجربتها معاه.. وقريت امس تجربة الاخت فراولة وشذى راك..
اما بالنسبة للمترددات واولهم رحيقووووه هههههه تفضوا اقروا التجربة..
طبعا كل مرة اشوف ويهي للمنظرة تكون حالتي النفسية زفت حتى يوم احظ ميكب تبين ف ويهي الحفر ..
الحفر الي عندي بين السطحية والوسط ماعندي عميق الحمدلله.. رغم اني اخلي الحبه على راااحتها ما امسكها او اعصرها بس هاي بشرتي كريهة والحمدلله على كل حال..

المهم سرت عند الدكتور داني في عيادة ماجستيك قبل العيد بيومين وقلت دامنه اجازة طويلة فررصة خصوصا ان الدوام ما بيعطيني اجازة وسويت طاف للعيد لوول.. لاني سافرت فهلي ماشافو ويهي..

بديت الجلسة حطلي المخدر القوي الي بعشر دقايق البشرة تخدرت هههه .. المهم بديت الجلسة وانا خاايفة من الالم وقلبي يدق.. بس الحمدلله الالم كان خفيف لان المخدر قووووي..

خلصنا وعطاني مرهم لتخفيف الحساسية والحمار..
وسافرت ثاني يوم لوول..
المهم اليوم الثاني والثالث والويه يغمج ويصير بني وبني وععقب صار فيه مثل الدوائر الصغااار
خامس يوم بدا يتقشر والبشرة اليديدة لونها احمرر
بشرتي تحسنت 50% وحتى كان في شعر خفيف بويهي كله راح
سوويت الليزر بخدودي بس لان الدكتور قالي يبهتج وخشمج وايد حلوين ومشدودين حرام نرهقهم بالليزر..
والحين انا استخدم كريمات اوباجي لمدة اسبوعين عسب تطيح القشور عدل ومايتم شي..
الي تبا تجرب تتجرأ وتسوي اما الفراكسل ضياع وقت وفلوس ما انصحكم فيه..
الي تبا اي استفسار حااضرين..
غالي بس يستااهل وافتكوا بجلسة وحدة من هم الحفر والبقع والمساامات..
بنات لا تنسون تدشون اليوتيوب تشوفون كيف يسوون الجلسة والصور قبل وبعد..
تحيـــــــــــــــاتي..

الدكتورة قالت لي بتصير بشرتج مثل العباه سوده وعقب كله بيتقشر

انا خفت وما سويت