السلام عليكم … اشتقتولي بنات خخخخ
كلاراسونيك مكينه للويه تسوي غسيل عميق للويه نفس الفيشل يعني
وهي تشتغل بالبطاريه يعني بس تشحنينهاا واتم معاج تقريبا اسبوع بدون ما تشحنينها <<< بس يعتمد كم مره تستخدمينهاا
والصراحه جربتها وايد عيبتني بس لاحضت اني يوم استخدمهاا وايد ويهي ينشف وايد فقمت استخدمها مرتين في الاسبوع بس <<< بشرتي مختلطه
ولاحضت بعد انه في البرد بشتري تجف ويكون في اماكن جاافه ولازم ارطبها ع طول فقمت استخدمها مره في الاسبوع او يوم احس اني احتاجها وفي الصيف مرتين في الاسبوع والحلو فيهااا جربي عقب ماتنزلين المكياج بمزيل مكياج استخدميها وشوفي الللي بيطلع لووول صدق عجيبه بس اعرفوو كيف تستخدمونها لبشرتكم
نبدأ
الصور اللي فوق هالموديل القديم وهالزر للسرعه، القديمه فيها 3 درجات واليديده فيها 4 اللي هي فيها اللون الازرق هي اليديده
انا عندي اللي فيها 4 درجات وترى مابينهم فرق الفرش نفسهم يتركبون ع الثنتين بس الدرجه الرابعه اقوى شي وتعتبر للجسم مش للويه وهاي الغسولات اللي اتيي وياها للبشره الجافه والدهنيه والحساسه ( الغسولات بدون حبيبات ولو تبين تستخدمين غسولج عادي بس اهم شي مايكون فيه حبيبات ) والعلبه الكبير اللي ورى سكرب حق الجسم ريحته وااااو
حتى الفرش انواع
طبعا للبشره الحساسه والعاديه والكبيره للجسم
والشي الحلوووو عندهم الكلاراسونيك ميني ( مافيها سرعات هي درجه وحده وسرعه رقم 2)
اللي هي الحجم المصغر من هالمكينه خخخ حلوو شكلها وفي منها الوان وااو بس انا شريت الكبيره اللي سرعتها ليين 4 لاني ابغي فرشه الجسم لريولي عشان مشكله الشعر تحت الجلد والحمدلله خف وايد
انزييين الحين انيي للسعر ومن وييين
انا شاريه مالتي من استراليا فمااعرف وين تقدرون تحصلونها في الامارات >_<
وسعرها كان ب300 دولار استراليا <<< ترى استراليا جيي اسعارها مالت عليهم يدبلون الشي والمشكله شريتها من صالون لانه اليديده مش متوفره في السوق بس عند الصوالين
وسمعت والله اعلم انه سيفورا يبيع الميني روحو وشيكو لوول يمكن تحصلونها وطبعا تنباع اونلاين ^_^
اخيرا وليس اخرا خخخخ
اختي قالتلي مالت جاان استخدمتي فرشه اسنان اللي بالكهرباا بدل هااا كله <<< فشلتني بس يالله ماعلينا خخخخ هاي اكبر واخلص بسرعه بس فرشه الاسنان حلوه للرؤوس السودا في الويه عند الخشم
وبعد قاريه كمن ريفيوو عند الاجانب انهم يشترون الصغيره لانها اسهل في السفر وارخص ويستخدمون فرشه الويه لجسمهم بس يخلون فرشه البشره العاديه للجسم وفرشه البشره الحساسه للويه لانه فرشه الجسم الكبيره ماتركب عليها ^_^ توفير صح
والمفروض كل 6 شهور او 3 شهور تغيرين الفرشه بس حسب تنظيفج ليهاا يعني كل مااستخدمتيها غسليها بشويه صابون لايف بوي وبس وبعد كل البيت يروم يستخدمها لانه كل واحد له فرشته الخاصه فمافي اي مشكله… انا ماغيرتها لين الحين لووول مافيها شي نضيفه خخخخ
وفي وايد مكاين في السوق نفسها بس هاي احسن وحده
واي استفسارات انا حاضره ^_^
سوري ع الكلام الملخبط لاني ماحب اكتب اصلن احب اسولف بس لوول
اتحفووناااا بالردود الحلوه
اووه ماخبرتكم فوائدها لوول
– تاخر التجاعيد وتخففها
– لعلامات السترتش ماركس
– للمسامات الواسعه تصغرها
– للي بشرت ويهم دوم محمره الل ييسمونه بلمشز
– للرؤوس السوداء وحب الشباب
– للعلامات الدارك سبوتس يعني
بس مابتحصلون كل هذاا بسرعه طبعا بعد شهور لانه تنظيف عادي بس عميق والحلوو لوو تستخدمين كريمات او زيوت عقب ماتسوينها البشره تمتصهاا اكثر واسرع … وترى هي للاستخدام اليومي ومرتين بعد بس انا شفت انهاا جففت بشرتي في مناطق معينه من ويهي فقمت خففت استخدامهاا لمرتين في الاسبوع بس .. كل حد ونوع بشرته وانتي اعرفي لبشرتج وانا شريت فرشه البشره الحساسه لاني خفت مالت البشره العاديه تكون قويه ع ويهي ^_^
ودورو عنها في اليوتيوب وقوقل احسن تخصلون معلومات وايده
يعطيج العافيه موضوع حلو ومفيد
يزاج الله كل الخير الغاليه
هووووووووووووووووب
مشكوره فديتج على المعلومات و عيبتني وايد بدورها وبخبركم ادا لقيتها …. لانها اصراحه عجيبه
