السلام عليكم ورحمة الله وبركاته
انا حااااااااااااااااابه اني اشتغل
بس متردده
وقلت بشوف اخبااااااااااااار اللي يشتغلن؟!!!!!!!!!
تعالي؟!
شخبااااااااااارج؟!
شو نفسيتج؟!!
عندج وقت حق عمررررررررررررج؟!!! ولا تحسين الشغل تعب؟!!
واتقولين خلاص مابا استمر؟!!
ولا مرتاحه؟! وتعتبرين الدوام تغيير جو؟!وقوة شخصيه
شخبار عياااااالج؟!!
غامضينج؟! ولا اتحسين انج قادره؟وعاطتنهم حقهم؟!!
اهم شيء
شخبار ريلج؟!!
حاس بتقصيررررج
متفيجه له؟!!عاطتنه حقه من رعايه ودلع ومجابل او تطبخين له؟!!
بشكل عام شو تحسين
الاحسن وحده تداوم
ولا تقر في بيتهاااااااااااا؟!!!!!!!
انا ابا اداوم
عشان اغير جو…واكبر علاقاتي…واشوف الدنيا شوي..
واحس الوحده يوم تداوم شخصيتها تتغير..تستوي للأحسن
واهم من هذاااااااااا….ابا اساعد ريلــــــي في البنياااااااان
صدق ان البنياااااااااااان هم
شورايكم؟!!!!!!!!!!
الله يرزقنااااااااااااااا ويرزق الجميع بالمسكن الواسع والآمن
انا شراتج افكر ادوام
صح بيتغير واااااايد اشيه لكن احس اني بكون مقصره مع ولدي وريلي
محتارة والله مااعرف شو اسوي
ابي ادوام عسب اساعد ريلي اشوي
يالله يالموظفات خبرونا
لاسف انا افكر اظهر من الدوام …لانه تعب احس اني مب عاطيتنه حقه ولا عاطيه ولدي حقه ….الدوام ضغط عليه …صح انه يطور الوحده …بس تعب نفسيا وجسديا وكله على حساب ريلها وعيالها ….يمكن هذا يعتمد على نوعيه الدوام …بس انا وكل اربيعاتي المتزوجات نشتغل و نحسد يلي يالسه في البيت نحس انه نحن ماعندنا وقت لشى دوم مشغولات ….انا ارمس من واقعي انا ومن يلي حولي والله اعلم يمكن غيري يفضل الدوام والله يوفق الجميع يارب
,,والله يلست البيت حلوه تنشين متى ما تبين وترقدين متى ما تبين
على راحتج
وتربين عيالج أحسن تربيه
ودلعين ريلج أخر دلع
الغالية نصيحتي لج بأنج تقعدين في البيت اولا اكرم لج وثاني شي بتحسين شويعني بيت واسرة
وبعدين صدقيني ما راح يكفيج الراتب ابدا حتى لو كان 30 الف مع انج كنت تاخذين من ريلج مصروف اقل ويكفي ويزيد
خلج في بيتج استر لج
لا والف لا
انا اكلمج صارلي تسع سنين اشتغل وشوه استفدت ؟؟؟!!!!!!!!!!!!!!!!!
ولا شي صح الشغل نعمه والمعاش بركه بس كله كان على حساب صحتيه وصحة ولدي وريلي
معاشي كله على الشنط والماركات والهدايا… يعني كله تفاهة في تفاهه
حتى عبادتي لربي مش مثل اول كله الا اركض اركض مثل المينونه
مش قادره الحق على شي …
ريلي مهملتنه احاول اوفق بينه وبين شغلي ومش قادره …
خلاص ان شاء الله بصلي استخاره وبختار ولدي وبيتي وصلاتي وعبادتي ، حتى في رمضان كله تعبانه وهلكانه وما اقدر اسوي شي
نصيحة من محبه لج ولاسرتج لا تشتغلين….
وأنا مع الأخت أم محمد 78 ، نصيحة ريحي عمرك ولا تفكرين تشتغلين .. اذا انت مش محتاجة .. نحن نشتغل وشوه محصلين من الشغل غير الكراف والتعب ونشة الصبح وعيالنا مهيتين مع الشغالات والا نسحبهم من بيت لبيت ، لاهين عن ريايييلنا لان ريلج يباج تتفيجين له تالي النهار وانت بتكونين مهدودة وتبغين ترقدين وتحاتين دوام باكر ، غير بيتك الذي بتهيت فيه الشغالة على كيفها وما بتعرفينها شو سوت وشو حطت ..
والصراحة انا من حوالي سنتين افكر جديا في الاستقالة ، لكن ظروفي المادية شوي ، الله المستعان ويفرج علينا ان شاء الله ..
المشاركة الأصلية كتبت بواسطة دوده ومحوشه 
