الوسم: النت!!

الجزأ الثالث والاخير ان شاء الله (من شوفو بشرتي عقب خلطات التبييض من النت) تخلصي من السمنة

اول شي دشو هالمواضيع قبل عشان تعرفون شو سالفتي…

الجزأ الاول: تاريخ 25/12

https://forum.uaewomen.net/showthread.php?t=846512

الجزأ الثاني: تاريخ 26/12

https://forum.uaewomen.net/showthread.php?t=847235

والحين هذا الجزأ الثالث يارب والاخير بأذن الله

الحمد الله الحبوب خااازت وبقت الاثار…

وهالاسبوع عندي موعد عند الدكتور بشوف شو يقولي بخصوص الاثار

وبعدني قاعده استخدم الخلطه اللي من الدكتور مره ووحده في الليل قبل النوم

هالصور من قبل العلاج ومع استخدام العلاج

[/

وهالصوره اليوم

الحمدالله يارب تحسنت وايد وفي مدة شهر ونص تقريبآ

ادعولي خواتي

واللي تعرف شي زين للاثار تخبرني

وهل ممكن جلسات فيشل تخوز الاثار؟؟

ووين احسن مكان للفيشل بالعين

الحمد لله على سلامتك هلا احسن
و ان شاء الله ترجع بشرتك احسن من الاول

الدكتور نفسه بيعطيج كريم مقشر واااايد اوكي..بيخوز الجلد وبيظهرلج جلد ثاني..
الله يشفيج

انا متابعة الغالية
الحمدلله بشرج اتحسنت عن اول

ويارب تصفى وتغدي شرات بشرة البي بي

عندج غسول البشره من بيتادين وايد زين مايخلي الحب يطلع
وفيه كريم اول ماتطلع حبه تحطينه وتروح كلداري واصفنه لريلي بشووووفه وبحط اسمه

ما شاء الله التحسن واضح
1- خلج مستمرة ع الادوية بشكل يومي و اهم شي نصيحتي لا تسوين فيشل خاصة ان فيج حبووب ترى يزيد انا مجربة و راجعي الدكتور اول بأول
2- وحطي ماي ورد ف غرشة و خليها ف الثلاجة عسب تكون باردة و رشيها ع ويهج كلما مريتي صوب الثلاجة بتعطي نتيجة حلوة
3- لا تنسين الروووب انا دومي احط روب البااارد ع ويهي ترى لو ما يفيد ما يضر

كملي علاجج و عطي نفسج فترة 6 شهور عسب تشوفين نتايج احلى و احلى و لا تستعيلين و تسوين امور ثانية شرات التقشير و الفراكسل ليزر و هاي الامور خلصي علاج و ادويتج و عقب تفرغي لهاي الامور

الجزأ الثاني >>> شوف ويهي كيف التهب عقب خلطات النت!!! هنا الحل

بسم الله الرحمن الرحيم

امس حطيت هالموضوع
https://forum.uaewomen.net/showthread.php?t=846512

واشكر البنات كلهن اللي نصحني

اليوم الصبح سرت عيادة الجاهلي

ويوم دشيت ع الدكتوره قالت لي بشرتج وااااايد ملتهبه عندج التهاب شديد!! وفي حبوب بعد والتهاب تحت الجلد!!

قالت لي لاتستخدمي شي هالفتره غير العلاج

عطتني مضاد حيوي Minocycline حبوب لمدة اسبوعين مرتين باليوم

وعطتني zineryt استخدمه مرتين باليوم لمدة اسبوعين

وقالت لي اذا ماشفت تحسن ارجع لها

<ادعولي خواتي يزاكن الله الف خير!!>

وبغيت اقول للبنات اللي كانو يقولون خلطات البيت جي تسوي<<< انا ماطريت خلطات البيت

بالعكس خلطة البيت من صنع ايدج ومضمونه

للاسف انا كنت ماخذه خلطه عباره عن كريم للتبييض…

ياريت كل وحده تدش تدعي لي

هاي صورة العلاج وشوشتها بالفوتشوب لان اسمي ع العلاج السموحه منكن

ها صورة ويهي اليوم

تابعوني كل يوم بحط صوره مع استمرار العلاج

الحمدلله ع السلامه. والحمدلله انج سرتي الدكتور وماجربتي شي على الوجه الملتهب
ان شاءالله تتحسن حالة بشرتج وترتاحين
وثقي حالة بشرتج مع استعمال الادويه بالصور
اشكرج جدا انج مانسيتي تخبرين البنات بالتطورات الحاصله وياج
الله يشفيج يارب ويبعد عنج الهم ويرتاح بالج على بشرتج

ان شاء الله تحصلين نتيجة مرضية و ترجع بشرتك ارووع من الاول

تسلمون خواتي

وبأذن الله بكون معاكن وتأثير العلاج بالصور

من باجر بحط الصور بعد ماابدى فيه اليوم

يارب ..
إجعلني أعيش حلمي واقعاً ..

يارب .. وإني لأثق بك ..
فرسم في قلبي انواع الفرحة والسعادة ..
وأمطرني بحبك وقربك ..

و إرزقني حسن التوكل عليك ..

أفوض أمري إليك ..
سبحانك لا ملجأ منك إلا إليك ..

اللهُمْ آمِينْ

الحمدالله ع سلامتج فديتج

بس نصيحة اقري ع ويهج الفاتحة 7 مرات + المعوذات 3 مرات + آية الكرسي 3 او 7 مرات

حطي كفوفج على فمج و انفثي بعد الفاتحة وامسحي ويهج وبعدها انفثي بعد المعوذات وامسحي ويهج …إلخ

هل شي راح يرجع بشرتج لما كان كانت عليه بسرعة

بس يا ريت تكتبين الخلطة عشان البنات يتحذرن منها

اقتباس المشاركة الأصلية كتبت بواسطة سـمو الامجـاد مشاهدة المشاركة
الحمدالله ع سلامتج فديتج

بس نصيحة اقري ع ويهج الفاتحة 7 مرات + المعوذات 3 مرات + آية الكرسي 3 او 7 مرات

حطي كفوفج على فمج و انفثي بعد الفاتحة وامسحي ويهج وبعدها انفثي بعد المعوذات وامسحي ويهج …إلخ

هل شي راح يرجع بشرتج لما كان كانت عليه بسرعة

بس يا ريت تكتبين الخلطة عشان البنات يتحذرن منها

تسلمين غاليتي ويزاج الله الف خير

الخلطه خلطة تبييض ماقدر اقول عنها واخرب سمعت التاجره

يمكن ناسبت غيري وانا لا

الله يستر عليهاا

حجز تذكرة سفرعن طريق النت.. وبطاقة بوظبي الإسلامي؟ في الامارات

السلام عليكم..

بناات..

ابا احجز عن طريق النت تذكرة على طيران الإتحاد..

بغيت أسألكم لو وحدة جربت وحجزت من بطاقة مصرف بوظبي الإسلامي..

الــلي مكتوب عليها Visa Electron

وهل تم الحجز ولا؟ وسحبو من البطاقة على طول؟ ولا حجزت بس وعقب الدفع كاش يوم السفر؟!!

أتمنى تفيدوني بأسرع وقت بلييز..

وميغسي بوكوو..

حبيبتي هذي البطاقه مايحجزون منها لان مايرومون يسحبون منها انتي الوحيده الي ترومين تسحبين منها ,في نوع ثاني اسمها كردت كار هذي ممكن يسحبون منها ,, بس لازم تطلبين من البنك يسوولج اياها
انا بصراحه استخدم بطاقه النت اخذها من بنك ابوظبي الوطني واحط المبلغ الي اريده فيها بدون فوايد بدون خرابيط (الفيزا الي ذكرتلج اياها عليها فوايد سنويه )

اهاااا مشكووورة

انزين الغالية بغيت أسألج..

انا عندي بطاقة اخوي كريديت كارد.. وعطاني كل الأرقام اللي فيها وقالي استعمليها..

بس يوم بكتب اسم حامل البطاقة.. اكتب اسمه ولا كيف؟

وهذا هو نفس الإسم اللي بيكون في حجوزات الفنادق والسيارة والتذاكر..

وعادي يوم بنسير نطلع فيزا الشنغن ونييب اوراق الحجوزات وفيها اسم اخوي.. عادي ما بيقولون شي ولالازم اسمي انا او اسم ريلي؟!!!

هلا حبيبتي
البطاقة اللي بتحجزون منها الفنادق والاشياء الثانية .ز مب مشكلة عادي لو كانت باسم اخوج

بس يوم بتوصلون الفندق بيطلبون البطاقة نفسها
يعنى شلي بطاقة اخوج احتياط معاج عسب البيانات

اب اب اب

اقتباس المشاركة الأصلية كتبت بواسطة أم خالد الحلو مشاهدة المشاركة
هلا حبيبتي
البطاقة اللي بتحجزون منها الفنادق والاشياء الثانية .ز مب مشكلة عادي لو كانت باسم اخوج

بس يوم بتوصلون الفندق بيطلبون البطاقة نفسها
يعنى شلي بطاقة اخوج احتياط معاج عسب البيانات

جربناها وضبطت معانا

هنووده

أشكرج الغالية على الموضوع الرائــــــــعـ ^_^

:: :: ::

اكشخي فالعيد باليديد… WOOW من اسواق النت…# 2 شيك

هذي مجموعة من الفساتين والأحذيه والقمصان والشنط الماراكات … اخترتها ع ذوقي.. اكشخي باللي يناسبج وخذي فكره…
اتمنى تعيبكن

صبرن خواتي لا تردن لين ما اخلص الموضوع بعده في صور ثانيه

الاساور

الأحذيه

لاتنسني بدعواتكن الطيبه

تحياتي

رووووووووووووعة

روووووووووووووووووووووووووووووووووووووعه

عجيبة

وكلهم حلووويييين

حلوين جدا بس فين الاقي زيهم براس الخيمة

ما شاء الله ذوووق

تعيبني شنط الدلع أكثر من الماركات المكتوبه "ملينا منهااا"

يسلموو فديتج ^^

السفر والنت!! تعليم الامارات

السلام عليكم ورحمة الله وبركاته

الغاليــــــــــــــــــــــات بغيت أعرف أبا أشل اللاب ويايه في سفرتيه ..بس المكان اللي بسكنه ماشيىء نت ..كيف أستخدم النت إذا في الفندق ما شيىء !؟؟؟

اذا في الفندق ماشي نت خلاص ماشي مجال تستخدمينه .. و ابدا لا تفكرين في بطاقة اتصالات للانترنت خارج البلاد .. لنه صرفها فظييع .. بالآلاف ….

عندج البلاك بيري جان تبين النت .. اظني اشتراك شهري للتجوال الدولي ميتين و شي … اسألي اتصالات قبل ..

أنا بسكن في بيت ..

ماشيىء غير البلاك البيري عيل ..

مشكوورة غناتي..

ما انصحج اتسوين خدمة النت برع بتيج فواتير وايد
بعدين انتي مسافره بتطلعين وبتتمشين ماضنتي بتتفيجين حق اللاب

ما ادري لأن الصرااحه مب في خااطريه أسير الهند ..أمي تباني أسير وياها ما أحبها الهند):عشان خااطر الوالدة بسير وياها..

عشان جيه قلت بقضي وقتي على النت..

أبغي آخذ الآيلتس والآي سي دي إل ..قلت أتعلم على النت على الأقل..

شو تشورون عليه!؟

دخييلكن للي تعرف تحجز عن طريق النت.. احتياجات خاصة

بنااااااااات اشحاالكم..؟

انا ابا احجز فندق فتايلند عن طريييييق النت،،
انا دخلت موقع booking بس مااافهمت له خخخ

بليييييييز ابا وحده تعلمني اذا ما عليييكن كلاااافه وفميزان حسناتكن لاني صج محتايه
وضروري…

اختي ادخلي بوكينج اكتبي اسم المنطقه و التاريخ اللي تبينه وبعدين اضغطي على بحث
بتطلعلج صفحه فيها لسته الفنادق بالتقييم و الشرح و الموقع و كل شي

اضغطي عالفندق اللي عيبج بتطلعلج صفحه كامله عنه انزلي تحت بتحصلين فالبوكس الازرق الغرف و المبالغ و شرح بسيط

اذا بغيتي خلاص تحجزين حددي عدد الغرف 1 او 2 اللي تبينه و عقب حطي على (احجز الان )

بتطلعلج صفحه فيها تفاصيل الحجز و التواريخ وتحت لازم تكتبين الاسم و حاولي تكتبين الاسم اللي فالجواز عشان تثبتون انه الحجز الكم

بعد ما تكتبين الاسم تحت تكتبين رقم البطاقه الائتمانيه و تاريخ انتهائها و الاسم اللي فالبطاقه ورمز السي في سي اللي هو اخر 3 ارقام و را البطاقه

وبس… يوصلج الحجز عالايميل و خليه وياج

اتمنى انج فهتي عشرحي و اي سؤال حاضره

مشكوووره الغلااااا

بالتوفيق

العفو حبيبتي

ما قصرت الاخت … و السالفه بسيطه ما يبالها شي .. لكن حاولي عقب ما تسوين البوكنغ تتصلين برقم الفندق و تسألينهم اذا استوا الحجز او لا

اكشخي فالعيد باليديد… WOOW من اسواق النت… مكياج عصري

وانا اتصفح النت شفت هالاشياء وعيبتني … اتمنى تعيبكن…

الأساور

الشنط

SHOES


ودمتن

واااااااو

روووووووووووووووعه

هذي روووووووووعه شوماركتها ؟؟؟؟؟

ناااااايس

عيبتني السوارة الاولى

والشنطة الملونه عجيييييييييييية