السلام عليكم و رحمة الله و بركاته
ابارك لكل عروس مقبله على حياة يديدة و ادعي من رب العالمين انه يتمم لها على كل خير يا رب
و ييسر امورها و يجعلها قرة عين لريلها و يسخر لها ريلها يا رب
و يرزقها بالذرية الصالحه
..
كل ما ادخل قسم دليل العروس….القى عروس محتاره بخصوص الزهبه و تجهيزات العرس
وتدور حد يساعدها و يرشدها…عشان ترتب زهبتها و شو تاخذ و شو ما تاخذ
وايد اتضايق يوم اشوف عروس محتاره و مب لاقيه حد يوجهها و يخفف حملها و يشل حيرتها
وعشان ما اتضايج و عشان ما تحتار اي عروس
قررت اني اهدي كل عرايس المدونة
جداول الزهبه وتجهيزات ليلة العرس
الجداول انا مسوتنها في ملف اكسل….لزبوناتي العرايس….وحاطه فيها اهم الاغراض والاشياء اللي العروس تحتاجها بشكل عام….لكن يوم ايلس مع العروس عشان ارتب لها فلوس زهبتها على الجداول…افصل لها الاغراض غرض غرض… ونسجل كل التفاصيل حسب احتياجاتها واستهلاكها…
الملف فيه 3 صفحات
– زهبة العروس
-تجهيزات العروس لحفلة وليلة العرس
-تجهيزات حفلة العرس
ومسويه خانات تعبيها العروس حسب حاجاتها من اعداد الاغراض اللي تحتاجها والمبلغ المحدد لكل غرض…وكم متبقي لها من كل مبلغ محدد بعد الشراء..وخانة التفاصيل لو حابه تكتب اي تفاصيل معينه
عشان ترتب و تعرف العروس شو خذت وكم صرفت و شو باقي لها وكم تبقى من المبالغ…ويكون كل شي مرتب..
فاللي تبغي الجدول خواتي ما عليها الا انها تطرش لي ايميلها على الخاص و بطرش لها الجدول
واي استفسار عن الجداول انا حاضره
والجداول هدية مني…..ومابغي مقابلها الا دعوة طيبه من اعماق قلب كل عروس
ومبروك مقدما لكل العرايس والله يتمم على كل العرايس بخير يا رب
uuuuuuuuuuuuuppppppppppppppppppppppp
t3jbeeeeeeeniiiiiiii
send me btzhb men al7een 😛
لا لا حقج ممنوع مب زين لوول
بطرش لج الغلا من عنوني >>> اخاف تتوحش علي لو ما طرشت ههههه
سبحان الله وبحمده
مشكووووووووورة ويعطيج العااااافية ^^
الحين بطرشلج الايميل عالخاص
تسلمييلي وآلله ويزآآج كل خير آلغلآلآ
بجد مجتـآآجـآآآت للترتييب ><
وج ـآآري آلـرسـآآل ^_^