حبيت اشد انتباهكم من العنوان
المهم حبايبي والله ضااااااااايجه واحس خلاص قربت اضيع ريلي من ايدي
بقولكم ريلي يبا وحده شخصيتها قويه وانا داااااااون ياربي شخصيتي مب قويه
يباني اكون رزه وانا دووومي اتلوم صح كشيخه واتيكيت وكل شي عدل بس خجوله وشخصيتي مب قويه
وفي شي ثاني كل مره ابي اطلع مع ريلي فرحتي اتكون ناقصه واضحك وشوي متكدره يسألني ليش اقوله عيالي
كل مره عيالي وعيالي اطلعهم بس ريلي احيانا يباني اروح وياه مثلا سينما او نتسوق بروحنا بس كله قلبي يعورني واقوله ابي عيالي واحيانا اصيح اقول انا امقصره ما اعطيهم اكلهم عدل ما العب وياهم المشكله انا فشقه مب ساكنه مع هله وهلي مب وياي بعيد ياربي احس ريلي بدا يتعقد مني وامس عصب قاللي انتي مب امقصره معاهم يعني شو فيج غيرج مايسوي شي بس انتي حارمه نفسج من اشيا وكله عيالي وعيالي حسيته بدا يتغير واحيانا اكون قويه واحيانا لا وتدروون احيانا اقول خلاص مابي شي غير اني اقعد مع عياااااااالي وجان يبا يعرس يعرس لانه يبا وحده شخصيتها غيييير حاولت بس كله اخاف واستحي اسوق سيارتي بالاسبوع جم مره بس ليش اخاف يصير فيني حادث وايتم عيالي يا هالعياااااااااااااال
بنااااااااااات ساعدوووني احتاي طبيبه نفسيه والا شووو
دخيييييييلكم بدون تجريح واتعورولي راسي ابي كلام يخفف علي واللي ضايجه من تصرفي لاترد
ترى كلها ساعتين ثلاث برا البيت مابيستوي بهم شي عيالج .. حطوهم بالالعاب وتسوقوا بروحكم ولا دشوا السينما وهم فالالعاب ويا الشغاله .. تراقبهم ..
بيدورله غيرج
جوفي باين ان ريلج يستانس بالطلعات وياج لا تحاتين العيال حطيهم عند امج والا عمتج وطلعي وانتي مرتاحه وياه لا يدون وحده غيرج يحوط ويطلع معاها ويستانس
خليج دلوعه وكشيخه وطلعي واستانسي وياه ترا قليل الراياييل اللي نفس ريلج ماشاءالله عليه يحب يطلع حرمته
وانتي من نفسج اقترحي يوم يوديج ملاهي مع عيالج ولعبو وستانسون رباعه خليج مرحه مثل بنات ها الايام مب لازم في كل طلعه العيال وياج ترى الريااااااال يييييييمل ويحس ان حرمته كبرت وصارت ام عيال ومسألوه عن بيت وعيال وصارت مثل الحريم الكبار
وبجي يشوف غيرج الله لا اايب
الله يحفظج ويحفظ عيالج ..وبيتج وريلج ..
سبحان الله قلب الام دايما يحب الخير لعياله ..والله انتي نعم الام والله من كلامج
يبين انج حنونه …الله يبارك فيج
الريال يبي يطلع وياج ..ويفرج عن خاطرج ..
شوي طلعي وياه ..حتى ولو مرة في الاسبوع
وخلي اليهال عند امج ولا حد من اهلج ..ولا من اهله
ولا رقديهم واطلعي … حاولي شوي علشانهم ..
ولا تقولين خلي يعرس ..ما تدرين كيف
العيشة بعدين …يمكن تضر عيالج قبل ما تضرج..
توكلي على الله .. والله يوفقكم
لا تعليق
في رياييل ما يطلعون حريمهم
ويقولونهن انتن مالكن غير هالبيت وتربية العيال
فريلج يحب الطلعه معاج فلا تحرمينه من هالشي
واذا طلعتي لاتخربين عليه سوي روحج مستانسه وفكرج كله معاه لو انه عالشي عكس تفكيرج
والعيال ما عليهم شر ليش تخافين عليهم
خلي عندهم تلفون واتطمني بين فتره وفتره
حبيبتي نظمي وقتج وخلج ويا ريلج مالج الا ريلج …
ولا تخيلي ياب عليج حرمة لا سمح الله عاد هالحرمه بس بتفضى حقه
وعقبها بتتندمين انج ما سمعتي كلامه
وانتي ما تحتايين طبيب نفسي ولا شي
العيال ماعليهم شر
بس انتي نظمي وقتج مع عيالج وريلج وبس ^_^
والله يسعدج اختي
ادعولي الله ييسر امري وامر ريلي وعيالي ويغفر لنا ويهدي المسلمين والمسلمات
المشاركة الأصلية كتبت بواسطة بين نارين 
انا دوم افكر في ريلي واشك فيه وهذا الحساس تعبني وايد
مادري شو السالفة!! مع ان أكلي زين