يعني افرك البيكروبونات ع الاسنان وعقب افركها وبفراولة ،!
اختي سمعت عنه بس البكربونات مفعولها سؤيع يعني من اول يوم تبان نتيجة ومع الاستمرار كانك مسوية ليزر
اختي سمعت عنه بس البكربونات مفعولها سؤيع يعني من اول يوم تبان نتيجة ومع الاستمرار كانك مسوية ليزر
يمكن البعض منكم قرى موضوعي هذا
https://forum.uaewomen.net/showthread.php?t=886337
بعد هاللي صار حبيت ابين لريلي اني صدق مقدره تغييره ولازم انا بعد بالمقابل اتغيرله …
خلوني اخبركم عن نفسي قبل
في الفتره الاخيره يمكن سنه اهملت نفسي شويه بسبب ضغوطات الحياة وكنت مخليه كل اهتمامي البيت والعيال والريل …
طبعا احمد ربي ومب ندمانه لانه عيالي وريلي كل شي في حياتي
بس الحينه فكرت افضي نفسي وارد اهتم بعمري اكثر لهالسبب قررت اسوي make over
اول خطوه سرت سويت تبييض لضروسي اللي كانوا عقدة حياتي لانه في كل حمل كانوا ضروسي ينكسرون لدرجه فظيعه ونص ضروسي تركيب وحشوات والسبب اني مااشرب الحليب ولا منتجات الحليب ..
اول نصيحه لكل الحوامل علشان ما يعانون مثلي كثروووا من البيض والحليب والالبان والجبن علشان تحافظون على صحة العظام والاسنان وهن اهم شيئين في حياتج انا الحينه عرفت قدر هالشي
المهم اول امس دقيت عياده من العيادات واخذت موعد للتبييض وكان السعر شامل التبييض والتنظيف 1550 درهم
اللي بتلوع جبدها لا تكمل ههههههههههه
اول شي يسوونه لج في التبييض هو عملية التنظيف من الجير وهي شويه تعور مثل الوخزات بس عادي تتحملينهن
والتنظيف ياخذ وقت تقريبا ربع ساعه
بعدها تحط لج جل على اللثه وهالجل وظيفته انه يحمي لثتج من اشعة الليزر لانه الليزر بيحرق اللثه لو يت عليه
وخلاف تحط شرات الضوء على الجل علشان ينشف
وطبعا بتحط لج قطن وبلاوي علشان تغطي منطقة الفم كلها وما يظهر غير ضروسج
عقب تبدا تحط السايل المبيض على الضروس
طبعا يباله من نص ساعه الى 40 دقيقه على حسب حساسية الضرس
يعني انا حطته لي 3 مرات كل مره تنظف السايل وتشوف درجة البياض وترد تحطه مره ثانيه
لين وصلت لدرجه خلاص حسيت بكهرباء في ضروسي وهذا معناته خلاص الضروس ما تتحمل اكثر
وهاي النتيجه بعد التبييض
عقب تعطيج جل تستعملينه مره في الاسبوع في البيت سووري نسيت اصوره
الممنوع اول 48 ساعه اي شي ملون
صالونه-منبهات-بيبسي -حلويات-
فقط تاكلين الابيض
يعني عيش-خبز-جبن-حليب
العصاير ممنوعه المسموح فقط العصير الطبيعي اللي تسوينه في البيت فقط فقط
الاعراض
على طول اول ساعتين بتحسين بنغزات مثل الكهرباء في ضروسج بس تروح وترد وكل شويه تخف
انا عني اخذت بنادول وخلاص الحمدلله ما حسيت بشي
اليوم الثاني احس بكهرباء تحت وين اللثه بس خفيييييييف وعادي
تقول الدكتوره الافضل نستعمل سنسوداين للاسنان الحساسه وما بنحس بشي
بس انا لاني رديت وكنت تعبانه رقدت ونسيت اشتري …….
الرضاااء:
عن نفسي مب راضيه عن النتيجه لانه اللي بالي كان غير كنت ابغي بياض اكثر بس المشكله في ضروسي مب في العياده لانه مثل ما قلت نص ضروسي حشوات والتبييض ما يغير لون الحشوات
لهالسبب الحينه مقرره اسير عيادة ابتسامة هوليوود اشوف لو يقدرون يشوفون لي حل خخخخ
———————
عقب ما خلصت من التبييض سرت سويت ليزر للوجه والرقبه
انا من النوع اللي شعرانيه وااااااااااااااااااااايد كل اسبوعين اشل شعر ويهي ..واحس تعبت نفسيا من هالشي
والليزر بالنسبه لي مفيد وايد وهاي مب اول مره اسويها وعادي يكمل عندي شهرين او ثلاث لين الشعر يظهر بس ما كنت استمر قبل الحينه قررت اني استمر في جلساتي وسعر الجلسه 500 درهم
هيه نسيت اقول في العياده اللي انا اسوي الليزر ما يشلون الشعر بالموس ودايركت يسوون ليزر وانا في نظري اشوف هالشي احسن لانه شفت بنات يسوون ليزر والمنطقه لونها متغير بسبة الموس
بس براويكم شي من قريب تشوفون شي شعر بعده وهالشعر روحه بيطيح وعقب اسبوع لازم اردلهم لجلسة الرتوش يعني الباقي اللي ما طاح يردون يسوون له ليزر وتكون مجانيه
—————————–
خلاف سرت بوادي مووول اشتريت لي قمصان وبلاوي لانه كل ملابسي وقمصاني القديمه بطلعهن ومابغي اي شي قديم عندي وصح وايد محلات مسوين خصومات لين 70% وعندهم سوالف حلوه تستاهل انكم تروحون تشوفون ..
———————————
انزين هاي الحلقه الاولى
في الحلقه القادمه خياطة وتجميل المنطقه الحساسه لوووووول كونوا معي لاخر الستجدات
سواره بي بي ان ههههههههههههههه
———————
بلييييييييييييييز لا تسالوني عن اسامي العيادات لاني مااحب اوصي بمكان انا روحي مب راضيه عنه 100%
يللا الباقيات تشجعن وشاركونا بالاشيا اللي تسوونها
عندي استفسار اذا اي وحده سارت مركز السهول لتقويم وطب الاسنان في الشارجة الي في الكريستال بلازا
(العيادة لها فرعين في دبي والشارجة لكني اسال عن الي في الشارجة بالذات)
مع اي دكتور تعاملتوا وكيف هي العيادة واسعارها
لاني محتارة بين عيادتين الي هم سني ومركز السهول
ابى عياده زينة للثة وتبيض الاسنان والتقويم ويكون تعاملهم زين
واذا عندهم نظام الدفع بالاقساط للتقويم
اتريا مشاركتكم وتجاربكم
ربى يسعدكم ويوفقكم يارب
ولكن عند دكتور معروووووووووووف
انا سويته مرتين في مستشفى توام عند دكتور شوفاني (تخصصه زراعة)
والحمد لله الامور عال العال
توكلي ع الله
شحالكن يالغاليات عساكن بخير وبنعمه
حد منكن تساعدني ابا اعرف شو احسن عياده تبيض الاسنان
ومنوو سوت تبيض حق اسنانها وشو نتيجه بليز ساعدني
متردده اسير اسوي تبيض ولالا رغم ضروسي عاديات بس اباهن بيض يلمعن
بس لين الحين من البنات الي ساعدني
عيادة المحيط و عيادة الظفرة الي فالمرور اظني حكومية !
وبس
مشكوره احلىا ورده ع رفع
انا جربت الليزر ومانصحج فيه لان بعد 6 شهور اترد الاسنان القبليه ونسبة التبيض اتكون بدرجة او درجتين طبعن كيف ترجع من شرب القهوه وبعض المشروبات اللي ترجع الاسنان لحالتها قبل التبيض انا عن نفسي افكر اجرب تركيب قشر السراميك على الاسنان في عيادة لبرتي في دبي …..
بعد ماربي وبكتب تجربتي لكم انشالله
– لإزالة الروائح غير المرغوب بها من اليد ( خاصةً بعد تقطيع البصل و الثوم ) .. تدعك اليد بالقليل من معجون الأسنان ثم تشطف .
– يمكن استخدام المعجون لإزالة بقع الطعام ( خاصةً بقع الفواكه و العصائر ) من على الثياب و المفارش . و لكن ينصح بعدم استخدام أنواع المعجون المبيّض للأسنان , لأنه قد يبهت اللون الأصلي للملابس أو المفروشات .
كما يستخدم معجون الأسنان لتنظيف البقع من على السجاد و الموكيت , و ذلك بأن يوضع على البقعة , ثم يفرك بفرشاة خشنة , و يمسح بعدها بفوطة مبللة معصورة جيداً .
– يمكن استخدامه لتنظيف الفضيات , و الحلي و الإكسسوارات الفضية , ليعطيها لمعاناً و بريقاً جذاباً ( دي أنا جرّبتها فعلاً , و النتيجة رائعة )
– يمكن استخدام معجون الأسنان لتنظيف أظافر اليدين . و ذلك باستخدام فرشاة أسنان قديمة .
– يستعمل أيضاً لإزالة ألوان الشمع التي قد يرسم بها طفلك على الجدران و الحوائط , و ذلك عن طريق فوطة مبللة بها القليل من معجون أسنان أبيض اللون ( يعني مثلاً مش سيجنال أو غيره من اللي فيهم الوان أحمر و أخضر .. ) . ثم تمسح الجدران بفوطة نظيفة
اذا عجبكم ردوا
مرحبا خواتي
شو تجاربكن مع التبييض .. ينفع ولا يضر مستقبلا
ياريت التجارب بالذات اللي مسوية حشوة وتلبيس وهل اثر على الاسنان بعد فترة
كم شهر يتم البياض ومتى يزول .. ووين سويتيه وكم سعره
وكم ساعة خذ منج العلاج ..
وشو اسم الجهاز لان احتمال اختلاف بالاجهزة والجودة ..
اتريا تجاربكن ويزاكن الله خير
مادري اذا هذا هو القسم المناسب حق موضوعي خخخخخ
شحالكم عساكم الا بخير
حبايبي بغيت استفسر منو جربت تبييض الاسنان في عيادة دبي سمايل ؟؟؟؟؟
موعدي بعد كم يوم بس بغيت اعرف اذا حد مجرب التبييض عندهم!!
و السموووووحه
بنات ابيكم تفيدوني اريد البس اسناني الي جدام كلهم لانهم مرقعين اريدهم يبينون بيض قالوا لي ما ينفع معك التبييض لان اسناني ضعيفه لازم تلبيس بس ابي يبين شكلهم طبيعي مو يبين وانا خايفه وايد لان قريت وايد ان التلبيس يضعف الاسنان ويسوي ريحه في الفم هل هذا صحيح ؟؟؟؟
ارجو كل من سوت تلبيس او حد من قرايبها تخبرني بالتفصيل
الي تعرف عياده كويسه وشغلها مضبوط في العين تخبرني واذا ممكن تقولي بكم الاسعار
ارجو مساعدتي ياخواتي فانا في امس الحاجه لكم فانتم اهل الكرم والجود
منتظرتكم حبيباتي