ها الموضوع هو تكملة لسالفة ربيعتي اللي للحينه تعاني ويا ريلها
https://forum.uaewomen.net/showthread.php?t=756128
الله يسلمكم ربيعتي اشتكت في التوجيه الأسري و انرفعت القضية للمحكمة و كان القاضي المسؤول نسيت اسمه بس اهو سوداني … للاسف ما ثبت طلاقها و لا حلفه ولا طلب الشهود لان اونه عيالها و خدامتها هم من اهل البيت و لازم حد من برع يكون شاهد ( ليش لازم تنشره في الجرايد عشان يكون في شهود) المهم القاضي حدد لها مبلغ للنفقة اللي لازم يدفع لها المفروض 8000 بس طليقها قال ما عندي فخلاه 7000 … اهي استأنفت … و من أسبوع حولوها على القاضي و خذ بياناهم و قال بيحلفون طليقها … و من ردت البيت تم يظربها و يسبها سب وصخ جادم بناته و عياله و هددها ذا ما سحبت القضية بيتهمها و بيشتكي عليها و يشوه سمعتها و سمعة أهلها و بياخذ عيالها و لو بالقوة … اهي ما سحبت تخاف تعيش وياه بالحرام لان طلقها …. جان طليقها يسرق موبايلها و حط فيه أفلام و صور مخلة و اتهمها في الشرطة انها اتجوف هالأشياء ( اعتقد عشان ياخذ عنها الحضانة سوا جي ) … الحينه رفع ضدها ثلاث قضايا (1- دعوة بيت الطاعة و انها تسمع كلامه و تترك شغلها و ما تروح بيت أهلها الا بشوره 2- قضية بلاك بيري و الصور و الأفلام المخلة 3- قضية أونه سب حرمته الروسية ) …. انا خايفة عليها اخاف يستوي فيها شي و الله .. مب عارفة شو تسوي اتفكر في شو ولا شو …. و كل شوي ايي البيت و يحرق اعصايها و يسبها و اهي تطبخ و في رمضان … و يسب أبوها المطوع الشيبة و يقول عنه مينون و و و و … و أبوها مسكين وايد شيبة و مطوع و من أهل الدعوة … و كله يقول أبوج وايد عنده بيزات و بيخشه في قبره و ما دري شو ….
و من فترة قال لها خلينا نطلع بالطيبة اطلبي الطلاق و انا بتنازل عن القضايا ..
الحينه مب عارفة شو تسوي تخاف اذا كملت يتم يلعوزها و بيكمل وياها القضايا … و اذا تطلقت حقوقها و حقوق عياله بتظيع
انتو شو رايكم ؟
عندها وايد جلسات في المحاكم بعد العيد و فاضحنها في الدوام و حتى عند ريلي … حسبي الله و النعم الوكيل
بنات بلييييييز اللي تقرا على الأقل ترفع الموظوع بدعوة …. يا رب الله يفرج عليها و يحميها من شر هالريال
و بنات لو تعرفون وين مكتب المحامي ابراهيم التميمي بليز طرشولي لاني وايد سامعة عنه انه أوكي … انا ابا محامي شاطر في بوظبي
بالنسبه للتيلفوون يبله ويشرب ماايه 00هذااا كلااام المحامي فديتج 0
وبالنسبه لتشويه سمعتهاااا هذا الكلااام بيتحااكم وبينسجن عليه والدنيااا مب فوضى 0
وبالنسبه للعياال مااله حق يشلهم الا اذا عرست 00حبوبة لااازم تيلس عند اهلهااا
عسب ماا يتطااول عليهاا ويضربهااا ومن حقهاا تشتكي عليه لانه ضربهاااا 0
لا تخااف وتثق ان الله ماايحب الظلم والظاالم00انااا بنصحهاا ماا تطلق لكن
من هالنوعيه من الرياييل مااا يتعااشر ابدااااا 00لااازم توكل محاامي وبأسرع وقت 0
الله ايسر امورهاا ويااخذ حقهاااا وينصرهاا ياارب
خلها تسير المستشفى وخلهم يكتبون تقرير انه ضربها وتوديه الشرطه والشرطه بتستجوبه وبيكون من صالحها ان شاء الله وتقول انه يهددها ويضربها عسب تتنازل عن الطلاق عسب ما يصرف وينفق عليها والله يسترها وينصرها يارب بهالشهر المبارك
و الله اعرفها هالحرمة وايد زينة .. وايد كاسرة خاطري … و كان ريلها زين بس فجأة قام يتغير
الغلاا
مستحييييييييييييل ياخذ اعياله لا في حاله واحده فقط بسسسس اذ عرست
المهم غناتى خلييه ترفع راسه ولا تخاف منه وتررروح عند القاضي وتخبره بكل شي انه يسوى جي عسب ياااخذ اعياله والمهم انه الله ينصره منه الله المستعان ما نعرف ليش استوو الريايل جي الله يهديهم
ربي يفرج عنها يارب وييسر امرها الغالية انصحيها بالاستغفار
