شخباركم حبيت احط الكم فطورنا البارحه اتمنى يعيبكم .. ولاتنسوني بدعوه حلوه,,,
نبدا بالمقادير:
بصل جوانح
طماط مقطع مكعبات
دجاج مغسول ومقطع
روب
معجون الثوم مع الزنجبيل و الفلفل الاخضر
فلفل اخضر
ماجي- ليمون
ماي
البهارات(كاري+غرام مسالا+فلفل احمر +كركم)
الطريقه:
اول شي نقطع الدياي وبعدها نضعه في طاسه ونحط عليه ليمون ملح وثوم بودره والهارات اللي ذكريتها فوق وكوبين ماي عليه واخليه لمدة ساعتين
بعدها اقلي البصل واحط عليه الفلفل الاخضر والثوم والزنجبيل واقليه لين يصير لون البصل ذهبي
بعد مايصير البصل ذهبي احط عليه الدياي بس من دون الماي واحركه واتركه قليل لين تشوفون الماي مال الدياي طلع
بعد ثواني احط عليه بهاراات اللي ذكريتها فوق كركم وكاري وغرم مسالا وماجي واحرك واحط عليه عقب الطماط وخليه شوي واحط الروب عقب واخلي تقريبا 5 دقايق
اخر شي احط الماي اللي كنت مودنه فيه الدياي واذا كان شوي ضيفي ماي لحد مايتغطى الدياي,, مب وايد وضيفي اللون الاحمر( الصبغه)
و هذا الشكل النهائي
وهذا عيش الكمون
الجتني
وهني وعافيه .. ولا تنسوني بدعوه
تسلم ايدج اختي وعساج ع القوه^^..
تسلمين على هاي الاكله ..يووووعانه
بِسْمِ اللهِ الرَّحْمَنِ الرَّحِيم
رب اشرح لي صدري .. ويسر لي أمري .. واحلل عقدة من لساني .. يفقهوا قولي ..
أبدعتي أختي 
تسلم الأيادي
ان شاء الله نجربها