بنات انا مالجه من شهر 9 وعرسي بيكون شهر 7 بذن الله
<< دعواتكم ربي يتمم علي بالخير
بنات من ملجت ولا يوم ريلي تذكرني بشي .. من ملجت ما يابلي حتى ورده ..
انا ادري ان هو يحبني وايد .. يعني لو فخاطري بشي بيعطيني بيزات ..
كان شي فخاطري وقتله اباه .. وقالي انشاء الله ولين هالدقيقه ما شفته .. معني من 3 شهور قايتله
اذا بتقولوون ما يقدر او ميزانيته ما تسمح .. انا اقولكم يعطيني بيزات بالالللف مب انه ما عنده ولا انه ما يقدر يدفع ..
من شهر كان عيد ميلادي .. قالي كل عام وانتي بخير .. وقالي بييبلج الي كان فخاطرج .. ولين اليوم ما شفته ..
لدرجه انه خواتي الكبار كلهم يقولولي .. غريبه ريلج ولا يوم يا عندج وبيده شي !!
كلنا ملجنا ورياييلنا غرقونا بالهدايا ><
ما عرفت شقووول .. تميت ساكته
انا ادري انه يحبني ويموت فيني بس بعد هالاشيااا احسه تزيد من حبنا
بتقولوون انتي هاتيله ..
يبتله والله يبتله .. وانا ما ابا اعوده اني انا الي اييب وهو لااا
ومن فتره .. خواته كلهن كانن عندي وقاعدين وسوالف وضحك ..
واخته الكبيره لابسه سااعه .. قتلها ساعتج حلوه .. قالتليي ريلج يايبنها لي انا جيه @_@
عقب اكتشفت انه يايب هدايا حق كل خواته .. ولا قالي ولا فتح وياي الموضوع
انا مب معارضه انه اييب حق خواته شي بالعككس .. هذيلا خواته قبل ما اكون انا حرمته
بس ليش جيه !!
هل انا مبالغه !! او كلامي صح !!
انا ما ابا كل ما ابا شي يعطيني فلوووس .. ابا الشي ايي منه هووو
خطفن علينا مناسبات حلووه ولا حتى تذكرني بشي ..
مب عارفه ش سوي ><
مادري ايش اقول بس احس ان الوقت بدري ع الهاديا يمكن يستحي او عنده مشكله اوعقده من هالاشياء بعض الريايل مايعرفون طبع الحريم حاولي تتقربي منه بالكلمه الحلوه
الله يوفقج
بالنسبه انه ريلج ما ييب لج هدايا ترى فيه وايد رياييل جيه
مب انه ما يحبج ولا يباج لا تخلين الهدايا مقياس للحب والتقدير
انا عندي اخويه العود متزوج صار له اربع سنين اييب للكل هدايا يعني اذا فيه احد من الاهل عرس يروح يشتري للمعرس وعروسته ذهب او ساعات او غيره
بس تصدقين حق حرمته مول ما يشتري هدايا الا نااااااااااااادر
بس يوم تطلب شي او شي بخاطرها بس تقوله يعطيها الفلوس تسير روحها تتشرى
وفيوم زعلت وخبرتني وناقشته بالموضوع قلت له حرمتك ما تباك تعطيها فلوس تباك انت تذكرها وتشتري لها هدايا
وقالت انك تتشرا لكل الناس الا هي شمعنى
قالي تصدقين انه من كثر حبي لها اشوف كل شي بهالدنيا قليل عليها واخاف ما ارضي ذوقها فانا اعطيها اكثر عن قيمة الشي اللي تباه عسب تشتري على ذوقها
وقالي والله انها تسوى عيوني مب هديه بس احتار بهديتها هي بالذات مب قل اهتمام بالعكس ها حب قال وانا لو عيوني تباها اعطيها
فانتي اشوف انج نفس الوضع دام ريلج يعطيج فلوس ولا ييب لج هدايا
اخذي الامور بايجابيه اكثر ولا تتحسسين من الموضوع زياده عن اللزوم
وهو اكبر هديه الله عطاج اياها كافي انه بيكون وياج طول العمر ان شا الله وابتسامته بويهج ها اغلى من الف هديه ^^
الله يسعدكم ياارب
والحمدلله عاايشن بحب
يمكن مايعرف شو اييبلج ولا يستحي اتريي لين عقب العرس بتعرفين السبب
وانا اتوقع مايعرف يختارلج شي
قولي الحمدالله انه مب بخيل
قولي له ابغيك انت تشتري لي بدال لا تعطيني فلوس بس مايباله تضايجين
لا تقارنين نفسج بوحده ثانيه شوفي الجانب الاجابي
