اشحالكن بنات عساكن بخير
اول شي مبرووووك لكل حامل و ربي يثبت حملكن و يرزق كل محرومه
انا حامل الحين و صارلي شهرين وكلها كم يوم و بدش فالثالث
ما تتخيلون بنات كيف ذابحني الوحام … لوعه و عوار راس و امساك و زواع كرمكن الله و كله احس اني هلكانه
و مب مقصره حسنت من اكلي وايد كله عشان البيبي … بس صار اللي ما توقعته
الاسبوع اللي الطاف و انا فالدوام يتني لوعه قويه … و رجعت مرتين و كنت شاربه بس حليب دافي و كلت بسكوت
و بعد ما ريحت شوي ما ادري شو صارلي
ما دريت بعمري الا الموظفات شايليني من الممر و مدخليني المكتب و اللي تقرا عليه و اللي تصحيني و الي تشربني عصير
اغمى عليه يا بنات …. والله ما دريت بعمري كيف طلعت من المكتب و كيف طحت ما اتذكر شي جني كنت مغيبه الحاسيه
الله ستر اني طحت فالممر مب فالحمام والا جان محد شافني و لا درو شو صارلي
شلني ريلي و نقلوني المستشفي سوولي تحاليل و حطولي مغذي و امي و عمتي كانو معايه و انا كل تفكيري فالبيبي خايفه يكون تأثر من الطيحه …… بس الحمدلله ما صار شي
تحاليلي طلعت سليمه بس كان فيني ويع بطن فظيع
طلع عندي امساك حاد … و ضغطي كان نازل
بخبركم بشو نصحتني الدكتوره :
1- الاكثار من الخضار و الفواكه خصوصا الخيار حق الامساك
2- الاكثار من العصاير
3 – اللبن و الروب
4- موز حق اللوعه
5- شوية شراب زنجبيل حق اللوعه
6- بسكوت ساده او مالح
7- قالتلي كا ما ترجعين كلي او شربي شي لازم تعوضين اللي طلع
و هذا كل شي حبيت افيدكم خواتي ……. وما اريد منكم الا دعوه حلوه
اللهم ثبت حملي و ارزقني طفلا صحيحا معافى و اجعله من عبادك الصالحين و احفظه و زوجي من كل مكروه .. آمين
بس الزنجبيل يقولون زين بس اخااف اخذه عشان حار لووولز ..
بارك الله فيج على المعلومات القيمه الغاليه
بس بغيت اضيف شي مهم الي هي الراحه لازم الحامل ترتاح ترا هالشي وايد مهم
و ان شاء الله الكل يستفيد
احس حتى اللوعه تكون خفيفة
تسلمين حبيبتي ع النصايح
بموت من اللوعه حتي وانا راااقده فليل انش لايعه جبدي
غير جيه احس بخمووووول ودوره راااااس وماااكل شي عايشه
على اللومي والملح والمااي
