بغيت اخبركن عن بشكارتنا شو سوت فينا اليوم
عدنا 3 بشاكير فلبينيات وحده مسلمه وثنتين مسيحيات الله يسلمكم المسلمه من كمن يوم ويها مصفر ومب رايمه تشتغل ولا رايمه تنش من فراشها الكل مستغرب محد يعرف شو فيها المهم امي قالت بنوديها العياده
وديناها عياده خاصه يوم شافوها قالو ما نقدر نستقبلها شكلها تتعاطى مخدرات ودوها طوارئ الحكومه شلينا بعمارنا ووديناها طوارئ مستشفى الرحبة يوم شافوها قالولنا نفس الكلام ويوم دخلوها غرفة الفحص طلعت البلاوي الاخت مب رامه تمشي عدل النيرس شكت في الموضوع قالت خلوني معاها وعابلت فيها لين ما عقت ثيابها ووصلت للاندروير وخلتها تعق الاندروير الاول طلع تيلفون عقت الثاني طلع تيلفون ثاني ويوم وصلت للثالث لقته مخيوط وبشكل فظيع حاطه فيه بيزات وتيلفون ثالث بس مب هاي المشكله يوم سووولها فحوصات طلع عندها فقر دم حااااااد بس مب هاااااي المصيبه تدرون شو الطامه الكبرى
الحلوة طلعت حاااااااااااااااامل وفي الشهر الثالث والجنين ميت في بطنها طبعا نحن انصعقنا مب مصدقين من وين وكيف وهااااي المسلمه الصايمه المصليه كيف تسوي جي يت امي واتصلت في البشاكير اللي في البيت جااان يقولون انها من كمن يوم تركب وتناقز من على الشبريه وتركض الصبح في الحوي
سبحان الله حاولت تعقه بس مارامت الله فوق
المهم الاخت بعدها في المستشفى يتريووونها تقول من منو الياهل عشان يتخذووون اجراآتهم
والله يستر
السموحه طولت عليكم وبخبركم بالتفاصيل اليايه بعدين
جان ماتتبلا عليكم الحينه
الله يفكنا من شرهم
الله يعينكم …
اونها مسلمه وجي تسوي ….الله المستعان
