رابط الموضوع الاول ..
https://forum.uaewomen.net/showthread.php?t=570780
اولا مفروض علي اشكر وبشده كل الاخوات الي طرشو لي رسايل
دعموني بدعواتهم قبل رسايلهم 
والله ثم والله اني احس ان حالي في تغيير للاحسن من ( دعوه صادقه)
ما ادري طلعت من قلب منو !!
ولا من لسان منو
ولا من خاطر منو .. وربكم العزيز الي فوق يمهل ولا يهمل .. استجابهـــا ..!!
الحمدلله على كل حال ..
الحمدلله على كل حال ..
الحمدلله على كل حال ..
انا نسيت المدونة .. !! اسفه هذا الصدق!! نسيته مؤقتا ..
بعد الانهيار الي صابني كان هو أول مصب صبيت فيه جلّ الغضب والندم والقهر ..
والحمدلله كان أفضل مكان استقبل كل ما جاءه بقلب ويدين مفتوحتين .,,!!
وماصرت ادخله مؤخرا نظرا لانشغالي بظروف الحياه اليوميه ..
بس اليوم دخلت بدون نك .. احوط فالاقسام ونسيت الموضوع الي حطيته!!!!
ونسيت انه
للحين موجود.. !!!!!لان الي صار بالنسبه لي
( مــاضـــي وانتهــــى )
محاولاتي كانت شبه مستميته لجل اطبق الي قلتوه
والي كنت احسه ( لازم اوقـف وياه )!!!!!!!!!
بس للاسف باءت بالفشل الشديد ..!!!!
الريال الشهم الرجولي قضى المرض عليه (سبحان الله)
القـوه للـه بس .. مب للبشر ..!!
غدا انسان شبه ميّت داخليا وخارجيا ..
مستسلم استسلام تام للوضع ولكلام الدخاتره انه ( بيموت)
وماراح يعيش اكثر عن الي مكتوب له يعيشـه ,,!!!
حاولت مره
2
3 مرات ..
اعترفت له اني احبه وبفديه بروحي 1 .. مرتين .. 10 مرات !!
دقيت اصيح واونّ ودست عالقـلب والكرامه وحتى الراس ..
مره .. 2 ..1000 مره ..!!
لكن لا مجيب ..
لأن ماشـي نصيــب .,.
الحل الوحيد هواني .. اتركه هو واهله والله يحفظهم ويشفي ولدهم ..
ويخفف مصابهم ..
عدّوني غريبه … وابعدوني … الله يسامحهم على كل حال ..
المستجدات /
1- استلمت ورقه طلاقي .. الحمدلله على كل حال
(((((وعسى ان تكرهو شيئا وهو خير لكم ))))
2- سافر يعالج ربي يشافيه ويحرسه ويحميه ويكون في عونه
وعون أهلـه ..
التغييرات الي حاولت اغيرها في حياتي لجل انسى و ا ع ي ش /
1- قدمت اوراقي عسب اكمل دراستي الجامعيه ,
2- اشتركت في نادي للرياضه مع العلم ان وزني بالخمسين ..
بس لجل اتسلى واقضى على كل وقت فراغ عندي
3- زادت علاقتي مع ربي وسجادتي .. ودرت مخدتي الليليه
الي كنت امسي واصبح عليها بالدموع والندم والحسرات ..
4- رديت لاماراتي بوظبي الحبيبه .. ورديت ارمس ربيعاتي واوطد
علاقتي فيهن اكثر ..
5- احس اني رديت بنوته ..من أول ويديد .. بمنعى الكلمه ..
رديت لبراءتي في التفكير وطهارتي في الـ حكم ..
انا مب زعلانه احين ع الي سووه فيني .. ولا ندمانه ع احلى 4 سنين عشتها ..
يمكن الاستغفار السبب في هالتسامح؟؟؟؟؟؟؟؟؟؟
يمكن الصلاه السبب في هالتفكير السليم والوعي ؟؟؟؟
يمكن دعواتكن انتن ودعوات كل شخص يدري بحالتي فهالراحه النفسيه
وسكينه البال وهالاطمئنان ؟؟؟؟؟؟؟؟؟
اخواتي .. .شكرا .. جدا جدا . .. بحجم السمـاء وعمق المحيط .. و وسع الصحراء ,,
شكرا لطيب تلك القلوب ونقاوتها ..
شكرا لطهر تلك الاقلام و رقتهـا ,,
والشكر الاول والحمد الجزيل الحسن لك ربي ان جعلتني مسلمه
مؤمنه بقضائي راضيه بنصيبي .. عابده ساجده لك وحدك ..
محبه عاشقه لك وحدك .. قبل غيرك ..
دعواتكم بالثبات ..
اختكم في الله
وايد زعلت على اللي صار .. بس كل شي له حكمهـ وربي يعوضج خير غلايه ..
الله يهنيج في الحياه اليديده
يمكن خيره و أن شاءاللــه ( خـــيره ) ..
لاني وقت المصيبه دوم ادعي
( ربي اجمعني به ان كان لي خيرا معه .. )
( ربي اعد شملنا ان كان نصيبنا مع بعض )
( ربي انت تعلم وانا لا اعلم .. اكتب لي الخير من حيث لا احتسب )
ما دعيت ربي يجمعني به غصب عن الكل وابتلش عقب بمصيبه ثانيه
واندم .. واندم لاني انسانه تتمسك برغباتها فقط
الله الي يعلم بالغيب .. وادرى بمصلحه المؤمن في كل الحالات الي يمر بها ..
سواء خير او شر مثل ماهو يتوقع <<< هالكلام يصبرني ويعزيني ..
ونعم بالله ..
والحمدلله .. الحمدلله .. الحمدلله ..
دعواتكن بالثبات ..
و
شكرا على مروركم النقيّ
كل شخص في هالدنيا ياخذ نصيييبه .. وانا احييييج من كل قلبي على قوووتج وتحديج لهلأزمه
والصبر مفتاح الفرج ورب العالمين افرج عليج والحمدلله رب العالمين ..
تحياتي لج
المشاركة الأصلية كتبت بواسطة mazyo0na 
كل شخص في هالدنيا ياخذ نصيييبه .. وانا احييييج من كل قلبي على قوووتج وتحديج لهلأزمه
والصبر مفتاح الفرج ورب العالمين افرج عليج والحمدلله رب العالمين ..
تحياتي لج
امين ويوفقنا جميعا ..
مثل ماقلتي الصبر مفتاج الفرج..
انا ما احسهــا فرجت علي للحين !!!
انا اجااااااااااااااهد واقااااااااااااااااااااااااوم وبفضل الدعاء
وكثر الاستغفار وملازمه القرآن والصدقه وقيام الليل.. احس التغيير في النفسيه
للافضل!!!!!
وما انكر اني عرضت نفسي للاستشاره النفسيه ..
حتى مايتضارب معاي العقل والقلب اكثر!!!.. والحمدلله على كل حال
الحمدلله النتائج مرضيه ..مريحه .. مفيده ..
والله ييسرها علينا وعليكم
ويفرج همومنا ويشفي مرضانا ومرضى المسلمين
شكرا ختيه عالتواصل لاهنتي ..
قادر على احياء العظام وهي رميم
قادر ولا يعجزه شي في السماء و الأرض …..
قادر على ان يشفيه في لمح البصر ….
