صرآحه هآلجزء آحس اآني وآآآيد معتزهـ فيه ومستآنسه وآنا آكتب عنه
لآنه انبنى من آيادي 5 مشتركات // آجتمعنآ .. تعآونا .. آتفقنآ .. وكنآ آيد وحده حتى نتمم موضوع يكون فآله خير على آلجميع ..
حددنا آفكآر ومقترحآت يديده .. تحمسنآ وتشجعنآ وثبتنآ لعمآرنا آنه نحن شرات ما حددنا بقنآعتنا نقآط نتحدى فيها انفسنآ رآح نقدر نجتآزهآ ونلتزم فيها بنجاح .. بإذن آلله .. =)
على عنوآنــآ (( آلـرشاقــه و آلجمـــــآل )) حبينآ آن نجمع آلرشاقه مع آلجمال ( آلاهتمام آلشخصي ) فموضوع وآحد..
آلكل يعرف آنه آلدايت يترك لآثار سلبيه من جهه الشعر وآلأظافر وآلبشره ..
ولهسبب راح نهتم بهالأمور مع آلدايت حتى نكون وصلنآ للجمآل آلمكمل للرشآقه وما نسمح لشي يخرب علينآ آنوثتنآ …
رآح نعتمد على :~
✿ شرب الماي بكثره على الآقل لتر ونص في آليوم لآنه عامل آسآسي لنزول آلوزن..
✿ شرب المنبهات مره وآحده في اليوم او الامتناع عنها في اليوم ,, لأنها تسبب الامـساكـ + فقر الدم ..
✿ اكل الفواكه كـ " سناكـ " مرتين في الاسبوع على الاقل .. لـأنه مهم كفيتامينات للجسم وفالغالب الكل ينسآه ..
✿ الرياضه راح تكون على الاقل 3 ايام فالاسبوع ..
✿ الفري دي راح يكون يوم || الجمعه || ..
راح نعتمد على :~
✿ بنخلي يوم " الخميس " كـ يوم ( حمام الزيت ) للشعر وراح يكون كل اسبوع ,, ويؤجل ليوم ثاني عند الضروره ^^ ..
في كل اسبوع راح يكون عدنا مرآكز >>>
ملآك شووق( الوزن الحالي : 59 الهدف : 50 )
شموخ (الوزن الحالي : 61.3 الهدف : 50 )
صمتوووووووه (الوزن الحالي :82.7الهدف: 70 )
Cuta (الوزن الحالي :79.5 الهدف: 69 )
ميمي الشقية (الوزن الحالي :71.5 الهدف: 56 )
طبعا عدنا تقارب مبين :~
ملاك شوق × شمووخ
و محد قدي × صمتوووه
وهالشي راح يزيد التنافس الاخوي والشريف مبينهم وانا الحكم =D
بنفس آلعزيمه رآح نستمر بإذن الله =)
طبعـــا الرابحه الكبرى فالجزء الثـــاني كـــانت اختي
محدقدي
وخسررررت من وزنها 4 كيلوووو ماشاء الله
✿✿لحظـه مع صــمتـــــــــــــووووه ..~
امممم قل ايام الجامعه كنت اسوي رجيم س ما التزم فيه وبعد ماطلعت طنشت الموضوع وزاد وزني متى بديت معرف بس التزمت اكثر من سنتين تقريبا عزمت وقدرت والحمدلله نزلت 10كيلو وان شالله انزل غيرها وها كان تحدي بيني وبين نفسي اول وعقب بيني وين اخواني والحمدلله ضعفت اكثر منهم وكانت فرحتي يوم الكل يقولي وااايد ضعفانه س الس ضايقني يوم يقولون مو حلو عليج الضعف يوم متينه احلى بس هالشي ما خليته ياثر فيني لاني مقتنعه بنفسي ومثل ما يعجبهم وانا متينه راح يعجبهم وانا ضعيفه ونهايه ارضاء الناس غايه لاتدرك اهم شي اني راضيه عن عمري*,*
اكثر موضوع حرجني انا بنسبالي ماهتم ادا اسمع من اذن واطلع وما اهتم للناس شو تقول بس مره تاثرت من واحد عراقي هو حد من اهله اضن كان يبي يشتري هديه لامه جلابيه ومعرف قياسها فكنت صوبهم قالي ابي اعرف كم سايزج لان امي نفس متنج انا ما سويتله سالفه ونظرت له نظرت احتقار استغرب مني وقالي انا اسف ما قصدت بس صدق اي اعرف السايزج قلتله السايس ورحت عنه ومن هاك اليوم صدق كرهت عمري وقلت لازم انزل هالوزن والحمدلله
✿ ✿ لحظـه ملآك شــــووق ..~
بديت الرجيم تقريبااا من سنه وشوي. بديت أول شئ بالتخفيف عسب أهلي دومهم يقولون لي ممتنة ومرات اخوي كان يقول لي ملوكه شوفي خدودج بتنطر من المتن وأهلي يوم ايون بيتنا ما يقصرون يقولون لي ممتنة وأخر مره نسيبي قال لي خواتج يطولون وأنتي تقصرين. من هني عزمت أسوي رجيم كنت اخفف أكلي وكل مره أسوي شئ من خلطات وغيرها. بديت أول شئ بالملفوف أحره واحطي ع كرشتي الحلوة فخفت شوي بس أهلي ما كانوا يقولون لي إني مضعفه بالعكس يقولون ممتنة وأختي تقول لي نحن لو عرستي ما بنحصل لج فستان مقاسج. وانحبطت وودرت الرجيم والملفوف وعقبها بديت خل التفاااح أحطي ع جسمي واسوي رياضه بس ما فاد لان أنا متني كله فخاصرتي وكرشتي كأني وحده حامل فشهر الثامن. وتميت ع هالحال من خلطات الثوم و الشاي الأخضر وغيره يعني ما خليت ولا خلطه ألا سويتها واستخدمت شورت نيوترشن خذا مقاس اكس لارج وكان ما يدخل فني كنت وأنا وخواتي الثنيتين نضارب عسب نسكره ههههههه. وخواتي كانوا يقولون أنتي ما بتضعفين بتمين جي . وكل مره ايون يقولون فلانة ضعفت من ما تسوي رياااضه وكل مره جي. وأنا أتم احن ع أهلي عسب ايبون لي اله المشي بس ما كانوا مقتنعين كانوا يقولون لو بتضعفين بتضعفين بدون آلات وغيرهااا. ومره الأيام وفترة من فترات كان عندنا عرس ولد أختي فأهلي كانوا محصلين فساتين إلا أنا كل ما اخذ شئ كرشتي الحلوة تبين كأني حامل. وخلص العرس والخطاطيب ما يو يمكن ع بالهم أنا معرسة وحامل ههههههههههههه
بس تميت احن ع أهلي وكنت مجمعه بيزات وقلت لهم يشترون لي الاله. ف بالأخير اقتنعوا واشتروهااا لي تقريبا من شهر والحمدلله أنا شديت حيلي وخواتي يقولون لي أنا مضعفه وملابس للي كانت ضيجه علي شوي توسعت. والشورت الحين البسه بروحي الحمدلله ع كل حااال وان شاء الله بستمر جي لين ما أوصل لهدفي 55 لين يوم ميلادي بعد 6شهور إن شاء الله وما بنحبط بتم جي ع نظام الأكل الصحي.
✿ ✿لحظـه مع محد قـــدي ..~
الصراحة سبب الدايت اول شي ريلي أضعف عني
ثانيا قالوا لي إذا ماسويتي دايت معرضة للسكري
✿ ✿ لحظـه مع شمــووخ ..~
دافعي كان زياده وزني بشكل ملحوظ في فترة بسيطة ,, كنت مستسهله البدايه لاني كنت جاده في النزول وكان عندي دافع قوي ( العرس ) ،، واموري كانت موفقه الحمدلله من ناحيه النزول ،، شعوري لما نزلت اكيد كنت مستانسه من نفسي واكيد من اطاراءات اللي حوالي وحاولت قد ما اقدر احافظ على وزني …
الموقف المحرجه وايد والله ،، منها الملاحظات المزعجه مثل متنتي ،، شكلج زايده وايد ،، شكلج اتغير ،، حتى اخوي قال لي مرة انتي بالذات من بين خواتج ما توقعت تزيدين هالكثر شكلج زايده 10 كيلو
طموحي اني ارد وزني مثل ما كان ببدايه الخمسين ،، ما فيه شي مستحيل بالارداه والاصرار ،،
✿ ✿ لحظـه مع cuta..~
انا بنت انولدت 6 كيلو يعني من البدايه من شفت الدنيا وانا ( متينه ) ومن صغري وانا اتحسس من موضوع المتن ولو ان الكل كان يحسسني انه شي عادي بس من طفولتي وانا تصير لي مواقف ويا البشر محرجه + جارحه لاحساس طفل =(
اتذكر من كان عمري 7 سنوات رحت الحديقه وحبيت العب لعبه خشبيه صاحب اللعبه نغز اختي واختي فهمت نغزته وقالتلي ان اللعبه مكسوره والحقيقه انه خاف اركب اللعبه ههههه ,, حزت فخاطري اشوف الكل يلعب وانا بس اطالع سبت متني >< ,, بديت اكبر واكبر والبنات قامو يلبسن وانا مب قادره اخذ راحتي فاللبس .. كل سنه وزني فتزايد مستمر
لين ما وصلت لمرحله الثانويه واستوى وزني 104 .. اهلي انصدمو وما قدرو يخلوني فهالحاله .. خاصه اني انفجرت صياح فلبيت من موقف صارلي فالمدرسه وانا في اول ثنوي .. يت ابله وقفت يمبي وقالت للبنات شوفوني يمبها ما ابييين شوفو الفرررررق وكانت تزقرني ( يالدبه ) على اساس المزح .. كانت تقولهم كيوتا طيبه وما تزعل وانا ابتسم لها ومن داخلي امووووووووت خاصه من سوت فيني هالحركه والبنات ناقعات ضحك =(
رحت البيت وقعدت اصيح لامي .. حزتها ودتني عند دكتور نيوترشن وقد ماكانت هالامور حازه فخاطري قد ماكانت حافز لي لعناد الابله والبنات واضعف .. الحمد لله ماشاء الله باربع شهور ويا نيوترشن قدرت انزل 32 كيلوو
واستوى وزني في بدايه السبعينات مع العلم ان طولي 169 وكانت صدمه للجميع والكل صار يسألني كيف والابله صارت تقول لكل البنات انا عقدتها لين ما ضعفت ههه ..
وعقب رديت من وزني ورديت انزل وارد وانزل وعلى هالحال هههههههههه
بتعاونا ونصايحنااا لعض
ربي يحفظكم خواتي
بالتوفيـــق يالغوالــــي ر=
سمحولي حبايبي ما ادخل وايد والسبب الدوام واكون مشغوله طول اليوم بس لا تخافون مستمره على الدايت والرياضه
انا هدفي الاول 69 وهدفي الاخير 55 وان شاء الله اوصل للهدف باسرع وقت
وكل وحده ان شاء الله توصل هدف اللي تتمناه
إن شاء الله نكمل مسيرتنا أنا مستانسة لأنكم وياي خواتي والله لايفرق بيننا
ماعليكم بنعذر أي وحدة تتأخر المهم تكون ويانا وتسولف ونعرف أخبارها
عقبال ما نوصل للهدف المطلوب يااارب
أنا باقي لي 10 كيلو وإن شاء الله وياكم بحقق أحلى وزن
بخليكم الحين ,,,,,جاء وقت الصلاة
القاكم بعدين