شحالكن بنات..عساكن الا بخير
انا كنت قبل مسويه ريجيم فترة
..الحمدلله ماعندي سمنه بس من خلصت جامعه ويلست فالبيت زاد وزني بس ضمن المعدل الطبيعي..
امس قست وزني لقيته 50من بعد ماكان 45
..وطولي 152..
معدل الوزن الطبيعي لي من42.75 الى 57..انا حابة اوصل 42.75
كنت حابه اشارك ويا وحده بس ماردتلي خبر ..فقلت ببدا بروحي..واللي حابه تشاركني حياها
تشجعني واشجعها
انا بديت من امس
وهاذا التقرير
اليوم: الاثنين 5/11/2016
نشيت قبل الفير عالساعة4..الساعة 4 ونص شربت كوب صغير كرك
الساعة 6 ونص الصبح مشيت 50 دقيقة+ تمرينين للخصر كل تمرين 30 مرة+ تمرين للبطن 15 مرة
وعقب شربت نص لتر ماي
الساعة 8 تريقت..شندويش جبن (صمون صغير +شريح جبن لايت) ونص كوب خلطة الكرشة(شاي اخضر+نص ليمونه+خاشوق صغيرة سكر+كمون)
الساعة 11 كلت تفاحة سناك وشربت نص لتر ماي
الساعة 1 ونص تغديت خاشوقة عيش ابيض +تونة..انا خلطهم مع بعض فبين كميه العيش اكبر
وشربت خلطة الكرشه
عقب فترة شربت نص لتر ماي
العصر عالساعة 4 شربت كوب صغير شاي احمر كسناك
ولين فتر العشا شربت لتر ماي..
عالساعة 6 ونص المغرب تعشيت..حبتين بسكوت صغار ماصورتهم مع كوب صغير حليب
خلال اليوم كامل شربت لترين ونص ماي
ملاحظات:..مرة ثانيه راح ااخر الريوق لاني وايد يعت الصبح
حابه مع الايام ابدل الصمون بالخبز الاسمر..
اذا في حد عنده ملاحظات او نصايح على يومي ياريت تفيدوني ومشكورين
………………….
نحن صرنا بنتين
بنت الكثيري
الطول:152
الوزن :50
الهدف:42.75
عكس قانونه
الطول 155
الوزن:64
الهدف الاول:58
ادعولنا بالتوفيق..ونوصل الاوزان اللي نبيها بالصحة والسلامة
حاولي تستبدلين الصمون بتوست أسمر،، بيشبعج لأطول فترة
اليوق حاول ما تأخرينه،، المفروض تتريقين خلال أول 3 ساعات من أول ما تنشين
و شووووو بعد؟؟
و كلي سلطة على الغدا والعشا
كلي روب فليل مع أو بعد العشا يساعد على نزول الوزن عشان وجود الكالسيوم فيه
والصبح اشربي حليب قليل الدسم واذا تحبين حطي معاه نسكافية
آخر نصيحة،، استبدلي السكر العادي بسكر تروبيكانا
والله يوفقج يا رب
انا احس وزنج حلو بالنسبة لطولج بس انتي لا تيوعين عمرج شذه كلي عادي بس خففي وسوي رياضه
فديتج حبيبتي انا عاطية عمري يوم فري كل اسبوعين لان عقب اسبوعين يثبت وزني باكل الخضر واليابس ماعليج
ومابتم ي على طول بس اوصل الوزن الللي ابيه بثبته وباكل عادي بس بستمر عالرياضة..مشكورة على مرورج منورة الموضوع
موفقة
يميع ان شاء الله..مشكورة عالمرور
بالتوفيق عزيزتي
حاولي تستبدلين الصمون بتوست أسمر،، بيشبعج لأطول فترة
اليوق حاول ما تأخرينه،، المفروض تتريقين خلال أول 3 ساعات من أول ما تنشين
و شووووو بعد؟؟
و كلي سلطة على الغدا والعشا
كلي روب فليل مع أو بعد العشا يساعد على نزول الوزن عشان وجود الكالسيوم فيه
والصبح اشربي حليب قليل الدسم واذا تحبين حطي معاه نسكافية
آخر نصيحة،، استبدلي السكر العادي بسكر تروبيكانا
والله يوفقج يا رب
مشكووووووووووووووووووووووووووورة
نصايحج وايد قيمة ببدا اطبقها من باجر.. اليوم بطلع وبشتري الاغراض..مشكور حبيبتي وايد فدتيني
وزني 64 وطولي 155
ان شاء الله اول لييين ا58 كهدف اول..