بالنسبة للمواضيع الي اشوفها كل يوم تنزل فالمدونة وشكاوي بعض البنات من المنتجات الي شروها من بعض التاجرات او الي سمعوا عنها فالقسم وجربووها وبدل ما اتييهم بنتايج ايجابية يتهم للأسف بالعكس
انا عندي تجاربي الخاصة ولأني الحمدلله ما اامن بتجارب الناس بالذات في مثل هالامور لأنها بتعكس مظهري فالنهاية
يمكن يتني فترة من الفترات ويهي كان فيه حب شباب وعندي اماكن تقدرون اتقولون عنها دهنية بس الحمدلله من عقب ما جربت بنفسي هالمنتجين والي استغرب من بعض التاجرات يبيعونها بدبلات سعرها بالذات اول منتج بحيث وصلوا سعره الى 60 و80درهم !!!!!
معنه سعره متفاوت فالمحلات بين 13درهم و8دراهم فالجمعيات وكارفور وهالشي خلاني اندم عالماركات الغالية الي خذيتها عالفاظي بدون فايدة
اول منتج الي هو كريم جولي الليلي والنهاري ,,منتج صح انه رخيييص لكن قيمته فيه حرام انه كل من شافني قال شو بلاه ويهج؟؟عبالهم اني امسويه جلسات خاصة عسب انظف ويهي من الحب والزيوت في منطقة الخشم واليبه ,,حتى امي كان عندها نمش صوب اخدودها وخاز من ورى هالكريم معنها كانت بس تستخدم الليلي وانا في بعض الاحيان انسى احط لكريم النهاري
لحظة اشوي هاي صورة المنتج
بس ملاحظة:لا اتخافين منه لأنه بينشف لج ويهج فليل او من تصبحين لأنه بداية العلاج جذا,,مكان المنطقة الدهنية تبدى تنشف,,انا صارلي نفس الشي بس احينه الحمدلله ^__^
المنتج الثاني انا الصراحة شفت اخوي وخذت منه السر الي ورى جمال بشرته الله يبااااارك وييهه صافي شرات البيبي ولأنه توا شاب فبدايته عمره 22سنة الله يحفظله شبابه ,,لحيته خفيفه وماشاء الله وييه طالع بريء وصافي حتى من بين اللحية والشنب
سألته عن هالشي وقال كريم فير اند لافلي @_@ انا استغربت بس احينه ايقنت سبب وجود هالكريم عند كل اخواني الشباب ماشاء الله عليهم ,,واتأكدت انه هالكريم مب دعاية بس
لحظة هاي صورة جماعية للمنتج
اخواني الشباب يستخدمون الي عجهة اليسار اول واحد الوردي
اما انا عن نفسي استخدم هذا^____^ريحته واايد حلوة واحطيه حق الصبح لأنه واقي شمس بنفس الوقت
الحمدلله رب العالمين حتى زبايني الي ايوني البيت يسألوني عن بشرتي احينه ^______^ما يدرون عن البلاوي السوودة الي كانت قبل هههههه
عالعموم ما بطول عليكم
اختي الغالية جربيهم وادعيلي ^_______^والي تنجح ان شاء الله تجربتها ماباها غير انها تدعيلي بالخير والستر فالدارين
صدقج والله المشكله نحن يووم نشووف شي غاالي
نشترييه نتحرى بنبيييض بسسرعه ماايندرى انه اخر شي بينعق ..
اناا اشتريت صاابونه للتبيض من المنتدى استخدمها اسبووعين ولا شفت نتاايج
والله معقوقه الحيينه ..وندمممت ..
والله فير اند لفللي كنت استخدمه من سنتيين بس ودرته يوم شفت المنتجات الثاانيه مع انه مقعووله وااضح ..
وان شااء الله برد له ..
وتلقيين 4 من 10 منتجات الغاليه صدق تبييض البشره وتنعمها ..
والسسموحه ..
