اسمحولي بنات أسألتي بتكثر هالأيام لني عروس وبعرس جريب ان شاء الله (ربي يتممه على خير) واعرف محد بيساعدني غيركم ربي يجعلها في ميزان حسناتكم
أول شي بخبركم انه أنا انسانة احب البساطة وميزانيتي محدودة
وخططنا انخلي العرس في نهاية شهر 6 لهالسنة 2024 (ان شاء الله أحصل حجز بس)
أبغي اتخبركم عن الصالات أوالقاعات أو الفنادق اللي تعرفونها حلوة ومرتبة (والاكل حلو اهم شي) حق الاعراس وياريت من اللي فيهم عروض (في عيمان أو الشارجة أو دبي)
وخبروني عن وين أحجز أحلى الخيم والمطاعم (بوفيهات) في حال ما حصلت حجز
وأبغي أتخبركم عن العبي؟ وين أفصلهم؟ أنا فكرت أفصلي عبي موديلاتهم خفيفة وكم من عباية فيه شغل شوية للمناسبات، وين أفصل؟ بس ماباهم يكونون وايد غاليات (يعني مابى فوق ال2017 للعباية) انا بفصلي اشوية لنه العيد بيكون جريب بعد العرس وبفصلي للعيد بعدين
وسمعت عن وحدة اسمها أمل الحمادي من عيمان اتفصل عبي حلوة.. اللي جربت شغلها أو تعرف رقمها ياريت اتخبرني.
وعقبال كل البنات ان شاء الله
وجزاكم الله خير
بخصوص القاعات احلى شي من الاكل والقاعه حياة رجنسي (الجديم)
و اظن اذا عندج حد فالبلديه يسوولج خصم انتي اسألي بعد
وفي وحده من البنات كانت حاطه القاعه اللي في ابراج الامارات .. اظن تكنسل عرسها وهي دافعه العربون فإذا ماحصلتي شوفي البنت …. اذا ذكرت اسمها بقولج .
وبخصوص العبي مادري ان شاء الله البنات يفيدونج ..
و اذا تبين شي ثاني فالج طيب ..
كنز مدفون وملكة القلو ماتقصرون حبايبي .. بس انا بغيت شي في الشارجة وللا دبي وللا عيمان لني انا من الشارجة ماقدر عالعين وراس الخيمة
بنات بليز ساعدوني
و اذا تبين عبااه للمناسات انا عندي عبااه للبيع رووعة و مميزة مقاس سموول/ميديووم
اذا تبين تشووفينها راسليني