ولدي الرضيع ما ياكل الموالح ساااعدوووني لعشاق السياحة

السلام عليكم يا بنات

انا اخت صمت الزمن .. اشتكي من مشكله و اختي قالت اكتبي مشكلتج في سيدات الامارات و هم ما بيقصرون معاج

يا بنات و يا مهات

ولدي ما شاء الله عليه كمل الست شهور

المشكلة ما ياكل الموالح .. سويتله بطاطه مهروشه مع روب ما عجبه حتى الروب بروحه ما كلاه

لااازم يكون فيه سكر او طعمه حلو عشان ياكل

عطيته تفاح ما كل .. ياكل مهلبيه و جيلي يعني اللي فيه سكر

امي سوتله عيش و جزر و بطاط ما كلااااه .. يمكن كل قبشتين بالغصب

شو اسووووووي معااااااه ؟؟؟؟

حبوبة المفروض أول شيء تبدين معاه بالخضرة، لأن يوم ياكل شيء حلو لسانه بيتعود عليه،،
لازم تعودين ولدج و تغصبينه،،
الين ما يتقبل،،
صبري عليه تقريبا أسبوعين، وحاولي يوميا تعطينه خضرة الين يتقبل،،

في البدايه اكيد بتتعبين وياه طبعا الين ما تعودينه بس غريبه ليش ما بديتي اتعودينه انه ياكل خضروات من الشهر الخامس

الله يهديه ويهديك..كيف تعطيه جيلي؟؟؟؟ للكبار مضر فكيف الصغار..(أنا فهمت الجلي ما غيره..).أساسا السكر ممنوع قبل السنة لأن البنكرياس ما يقدر يتعامل معاه هذا غير تأثيره على أسنانه لما تطلع..خلص ما تعطيه سكر وأكل حلو ابدا..جيبي الخضار أو العيش أو السيريلاك..اهرسيه مع حليبك أو الحليب ماله..الحليب أصلا حلو..بيعجبه..هذا غير إنه حيكون طعم مألوف ومتعود عليه…أعطيه سيريلاك أرز أو قمح…أو إذا تعرفين تحضريه في البيت..رز مهروس..الحبوب طعهما حيادي ما فيها نكهة زي الخضار فسهل يتقبلها خصوصا إذا مخلوطة مع طعم هو متعود عليه مثل الحليب…بعدين جربي الخضار نوع واحد كل مرة…و خليه يتعود عليه كم يوم و بعدين جربي نوع ثاني…و إذا شي ما تقبله..نطري أسبوع و جربي مرة ثانية..يبالها طولة بال…بعدين الأشياء اللي يتعود عليها ممكن تخلطيها مع بعض..الروب أجليه شوي لين التاسع..جربي البطاطا الحلوة..القرع..جزر..البازيلا (شيلي القشرة)..وإذا بغيتي تعطيه فواكه اطبخيها بشوية ماي عشان الحلا يخف..والأفضل أجليها الحين لين يتعود عالخضار…الله يهديه و يصير ياكل إن شاء الله….وسامحيني لكن انقهرت ..ما أحب يصير جي مع ولدي ولا مع غيري

مشكورين و جزاكم االله خير و ما اتقصرون

سويتله بطاط ما كلاه و قام يصيح من اليوع .. ما ياكل و يقعد يصيح من اليوع الله يصبرني و يصبرنا جميعا

عطيـــــــــه سريلاكـ بالرز ..
حلو طعمهـ .. عطيهـ