اهلين بنات
انا ربيعتي بتعرس جريب ان شاء الله
وبغيت اعرف شو لهدايا اللي تنصحوني اهديها
يعني شو الماركات..الاماكن..افكار
لاني في سالفة الهدايا اخبص..
في اماكن الاقي اشياء حلوة وجاهزة (لاني ما احب اجمع واسوي حركات ..يطلع مو حلو..)
والعرايس شو يفضلون..لان غاليا عندها معظم الاشياء والعطور already زاهبة..
منتظرة ردودكم
ومشكورات مقدما…
شوفي الغاليه … مكياج عطور و قمصان نوم لا تاخذين …
إذا حبيتي .. خذيلها ساعه حلوة أو خاتم حلووو … يعني شيء عليه القيمه لأن ها الأشياء اتم وياهاااا ووو بتتذكرج ابهن .. و تقدر تستفيد من وراهن… ولو حبيتي شيء مميز .. خذيلهااا سوير مثلا … يعني و البادجيت اللي حاطتنه في بالج 
و الله يسعدهاااا و يسعدج أختي
مثل ما قالت فافي..
عطور ومكياج يفضل ماتاخذيلها لأنها تعتمد على الذوق الشخصي اكثر شي.. وممكن ما تستخدمهم وهي عرووس يعني أكيد ماخذه ع ذوقها
خذيلها شي يكون ذكرى منج .. ويتم ..والأفضل ما يكون لبس وشنطة .. لأنه بي يووم بينفرن ..
خذيلها
ساعة ..طقم .. خاتم .. اسوارة
وممكن غذا هي سارت شقة أو بيت روحها تاخذيلها قطعة ديكورلبيتها
إن شاء الله أكون ساعدتج … والله ييسر لج
والسموحة
المشاركة الأصلية كتبت بواسطة Fafi 
شوفي الغاليه … مكياج عطور و قمصان نوم لا تاخذين …
إذا حبيتي .. خذيلها ساعه حلوة أو خاتم حلووو … يعني شيء عليه القيمه لأن ها الأشياء اتم وياهاااا ووو بتتذكرج ابهن .. و تقدر تستفيد من وراهن… ولو حبيتي شيء مميز .. خذيلهااا سوير مثلا … يعني و البادجيت اللي حاطتنه في بالج
و الله يسعدهاااا و يسعدج أختي
المشاركة الأصلية كتبت بواسطة أم أسما مثل ما قالت فافي..
عطور ومكياج يفضل ماتاخذيلها لأنها تعتمد على الذوق الشخصي اكثر شي.. وممكن ما تستخدمهم وهي عرووس يعني أكيد ماخذه ع ذوقها
خذيلها شي يكون ذكرى منج .. ويتم ..والأفضل ما يكون لبس وشنطة .. لأنه بي يووم بينفرن ..
خذيلها
ساعة ..طقم .. خاتم .. اسوارة
وممكن غذا هي سارت شقة أو بيت روحها تاخذيلها قطعة ديكورلبيتها
إن شاء الله أكون ساعدتج … والله ييسر لج
والسموحة
مشكورات خوتي على ردودكن الطيبة
من ردودكم افكر اخذ لها ساعة (او خاتم)…لو سعة شو الماركة اللي تنصحوني فيها؟ …(مب بالعادة اشتري ساعات الصراحة ) (والمكان بعد)
ويزاكن الله كل خير
اخذيلها ساعة طقم حقها و حق ريلها … سيري برجمان بتلقين عندهم
او ساعة – خاتم نفس ما قالو الخوات او ترومين تاخذيلها مندوس من محلات الهدايا وتاخذين شنطتين – قميصين نوم – بجامتين – نعال ( الله يكرمج) – مخورتين – ساعه – خاتم وتغلفينهم ..
والله يوفقج ..