السلام عليكم ورحمة الله وبركاتة
هلا خواتي
اشحالكم
…………………………………
طبعا نحن من يوم كنا في الروضة انحب 3 حصص ونترياهم بفارغ الصبر بس عشان نرتاح
من المذاكرة والواجب والكتابة
والحصص هاي كانت
الموسيقى <<<<<< الله يرحم مدرسة الموسيقى لازم تكون متينة وتعزف بيانوا واتكون مصرية ونحن نضارب عشان نشل المثلث الرنان والبعض بين طبل واوكرديون والباقي يصفقون.
وكله نفس الكلام …. تا تافاتيفي تاتي…. ههههههههههه
حصة الرسم وكانت حصتين <<<<<<< حد يكون فنان ورسام ويبا يخلص بسرعه عشان يراوي الابله
وحد نايم وحد يسولف
حصة الرياضة <<<<<<< والابله لازم تكون شبه متينة وتلاعبنا وما تلعب ….(( قهر))
هذا عاد على ايامنا ايام الثمانينات والتسعينات
اني الحين لعيالنا فديتهم فد وفد
يحبون هالحصص ويستمتعون فيها وايون البيت ويطبقونها يا سلام عليهم
انا عندي بنتين وولد
البنت والولد يحبون الرسم وايد والرياضة
وبنتي الصغيرة هوايتها الرياضة… وتنازعنا في البيت اذا ما لعبنا العصر وماذكرتنا
لازم تقوللنا يالله ماما ويالله بابا وقت الرياضة
ونتوزع اللي يلعب في GIM واللي يلعب في الصالة طبعا انا وكتاكيتي الثلاثة في الصالة ومعانا مدربة
عايشين الدور الحمدالله.
حبيت افاجأ بنتي الصغيرة بلبس الرياضة مال المدرسة
ورسمتلها على فانيلتها
بس ما بقوللكم الشخصية
لانكم كلكم اتعرفونها
واباكم عقب ما تدعون لي ولعيالي وابوهم اتقولولي شو رايكم في الشخصية ومنو هاي الشخصية
اتركم مع الصور:
لا تنسون الدعوى الطيبة والصلاة على رسول الله……
فمان الله
ماشاء الله عليج عيني عليج بارده
واااااااااااااااايد حلوه الرسمه بس نسيت اسم البنوته مع اني اعرف الرسوم هذا وكنت اتابعه بس نسيت خخخخخ
حتى موضوعج الاول عن السيده ملعقه واااااااااااااايد حلو
نتريا يديدج حبوبه
(^^.)
ههههه اتذكرت شكلها بس نسيت اسمها >< ههههههه
مال رسوم جديم اوووف نسيت والله هههههه
الله يخليلج عيالج وابوهم ان شاء الله ويسعدكم يارب
ويرزقني بكتاكيت حلوين يونسوني انا وريلي
(^^.)
الصراحه رسمج روعه وحلو ماشاء الله عليج
الله يخليلج اعيالج ويخليج لهم ويحفظ ريلج لج انشاء الله