نزول المشيمة والاجهاض..!:( لصحتك

السلام عليكم ورحمة الله وبركاته..

صباح الخير خواتي..

خواتي انا في الاسبوع 13 من الحمل يعني في نهاية الثالث وكم يوم ان شاءالله واخل الرابع..

قالت لي الدكتوره المشيمة نازله وايد وفيها دم بس كان اسلوبها جاف وماشرحت لي شو الموضوع وهل فيه خطر وما عطتني فرصه اسأل واقول اللي بخاطري ..

وقالت نزول المشيمة احيانا بعيد الشر يسبب اجهاض وعسب نتجتبه بإذن الله لازم حبوب تثبيت وابر ..

والراحة طبعا وانا عندي بنوته صغيره صعببببه جدا علي

خايفه واحاتي وافگر طمنوني الله يطمن قلوبكم دنيا واخرة..

ادعولي بالحمل السليم الثابت يارب العالمين..!

والله انا بجريه فديتج ما عندي خبره
ان شاء الله ماعليج شر بس اهم شي الراحة
و اكيد عطتج حبوب الدوفستون للتثبيت
ليش ما تغيرين الدكتورة؟
انا ماحب الدكاتره اللي اسلوبهم جاف وما يعطونج حقج حتى لو كانت شاطره ما ترتاحين ولا تطمنين

ان شاء الله خير اختي … نزول المشيمه امر طبيعي وترد ترتفع عقب بس اذا انتي ريحتي وانسدحتي وارفعي ريلج وانتي منسدحه وابتعدي عن المشي الزايددد وشغل البيت فتره .. او سوي كل شي بهدوءءءء وبطء المهم ماتعبين عمرج .. وابتعدي عن الكعب ..
والله يطمن قلبج بحمل ثابت وسليم
واذا قالولج محتايه ابرة تثبيت ودوا خذي لاتترددين بيساعدج ان شاء الله بس الاهم والمهم الراحه

ﻻ ان شاء الله مافيج الا العافيه

نزول المشيمة ممكن تسبب ولآدة قيصرية فقط

اشريي ماي زمزم وحطي ايدج ع بطنج وآقري سؤرة الطارق

وكرري آية انه على رجعه لقادر 10 مرآت ،

وحاولي تتمين عند آمج فترة لآزم الرآحه التآمه التآمه

مول ماتتحركين ، وخلج دوم منسدحه وحآطه مخده مرتفعه

تحت ريلج ، وان شاء الله يرد وضعهآ طبيعي

يزاكم الله خير خواتي..

بليز اللي مرت بنفس حالتي اطمني:

نفس مشكلتي تقريبا اللي كنت اعاني منها والسبب المشيمة https://forum.uaewomen.net/showthread.php?t=1173239 شوفي موضوعي ان شاء الله تستفيدي منها

شفت الموضوع حبيبتي.. اللي فهمته كانت عندج مشكلة في قياسات البطن .. انا الحمدلله قالت قياسات البيبي تمام الحمدلله بس المشكلة في المشيمة نازلة..! وانتي كنتي بآخر شهورج الحمدلله للاسف انا في اولها..!

عموما يزاج الله حير حبيبتي