شحالكم عساكم إلا بخير
https://forum.uaewomen.net/showthread.php?t=668816
امممم بنات شي وايد منكم قرا موضوع حرمة اخوي الجديم
المهم نحن ما خبرنا اخوي فضلنا السكوت وعن المشاكل ونحن نعرف اخووي ما بيسوي شي
وطبعا هي ما تغيرت يدام اخوي ملاك ومن وراه "خآينه " !!
آلمهم
اخوي اللي هو ريلها من سنه تقريبا سافر فرنسا غصبن عنه من طرف الدوام
المهم هي استانسسسسسسسسست وايد لان اخوي محد وقامت تطلع وترد وقت ما تبي وامي لا ترمس
ولا تقول شي
اول شي اخوي راح يمكن مال 4 شهور وتم عندنا شهر وفي هالشهر اهي كانت قاره في البيت
بعد ما سار اخوي ردت لحياتها الخاصه مره ثانيه
مره كنا نحن يالسين في الصاله نسولف ونرمس فجأه شفنا الباب انفتح إلا واخوي ويا شنطه واغراضه
كان مسوي لنا مفاجأه ومحد في البيت كان يعرف انه ياي حتى حرمته
حرمت اخوي اعتفس ويهها وكان ينبان عليها انها متضايجه لان اخوي يا وما بتروم تاخذ راحتها
وتطلع وترد
وكل اللي يالسين لاحظ عليها
المهم مرت الايام واخوي تم عندنا اسبوعين ورد فرنسا مره ثانيه
واهي ردت لحياتها بس خففت طلعاتها هالمره لان اخوي الثاني كان مصلبنها ويحاسبها على الطلعه
واليايه وقال لها حدج 10 تكونين في البيت دامج ساكنه عندنا تحترمين البيت اللي انتي ساكنه فيه .
وحرمت اخوي هاي عندها عمتها ساكنه في الشارجه ف كانت اتسير عندها كل اسبوعين او 3 واتبيت
هناك يومين هي وعيالها وياها
الشغاله تقول انها يوم تسير هناك ما تقر في البيت 24 ساعه برا وماترد الا ويه الفير وعمتها هاي تستر عليها وماتقول لها شي .
المهم كان يوم الخميس قالت بسير عند عمتي وشلت عيالها وسارت هناك واخوي الثاني شل حرمته على اساس بيسيرون راك بيبتون عند اهل حرمته .
طلع اخوي ما شاء الله عليه ذكي يبي يراقبها ويعرف وين تسير وين تيي لان " حالفه على القران يدام ا
أخوي وقالت والله ان ما عندي حد بس خاوي ما صدقها .
لمهم اخوي سار حجز شقه هو وحرمته في الشارجه وهي طرشت مسج لأخوي على اساس انها
وصلت بيت عمتها .. فأخوي سار وراقب البيت
وعلى الساعه 8 شافهم يظهرون من البيت هي وبنت عمتها ( للعلم بنت عمتها نفس طينتها )
ركبوا السياره وساروا وحده من مولات دبي واخوي وراهم
وقفوا في الباركنات نزلت حرمت اخوي من سيارتها هي وبنت عمتها ويايين بيركبون سيارة واحد !!
هني اخوي جن جنونه زقرها بصوت عالي كل المول سمعوا وسار عندها وضربها ضررررررررررررررب
وهي من شافت جيه المووضوع بغت تنتحر وتعق روحها من الباركنات من الطابق الثاني
اخوي زخها .. و الناس اتصلت بالشرطه و الشرطه يت وودوهم المركز وفتحوا بلاغ " قضيه جنائيه "
واخوي بغى ينسجن لولا تدخل واحد من اهلنا في السالفه وكلم ناس وماخلو السالفه توصل للمحكمه
المهم احين هي محبوسه في البيت بس من الدوام للبيت وامي وايد متضايجه خايفين يصير بها شي وسبت هالمخلوقه
ومب ناويين يخبرون اخوي اللي هو ريلها بسالفه هاي على اساس اونها بتوب > مب هي قالت بتوب مرتين ولا تابت ؟
وامي تقول خل نتريا ريلها يي ويطلعون من البيت وابوي مب طايع .. يقول عيالهم منو بيهتم فيهم ؟
وانا كاسر بخاطري ريلها لانه ما يعرف عن شي وحتى لو عرف يمكن ما يسوي شي بس بعد لازم يعرف .. والساكت عن الحق شيطان اخرس ..
احين ما ندري نقوله اختي تقول ما نبي نقوله وهو هناك نخاف يستوي فيه شي ولو اتريناه لين ما يي هو باقي له وايد
مال 3 شهور يمكن يعني السالفه بتطخ ولو عرف بيقول ليش ما رمستوا من قبل .. وقوم امي وابوي يقولون لاا واخوي يقول حتى لو عرف ما بيسوي شي شو الفايده ؟
خبرونا شو نسوي نقووووووول ولا لا ؟
ملاحظه : بنآآآآآآآآآآآت اهي ما تقدر انها تسير عند اهلها لانهم من بلدة ثانيه مب هني في الامارات
وبخصوص الناس .. بنت عمتها ما قصرت نشرت الخبر كل مكان ومافي حد ما قالت له وما عقت السالفه على راسها لا .. قالت انا ما يخصني بهالسالفه وهي اللي كانت مواعده
وحتى يوم اتصلو في الشرطه .. التحريات اللي سار لهم كان واحد من اهلنا >< << يعني سبحان الله ربكم يبي يفضحها !!!
وبنات الشغاله اتقول ان بناتها يعرفون بسوالفها بس ما يرمسون لانها محذرتنهم وبناتها صغار اكبر وحده صف رابع واصغر وحده 5سنوات
قويــــــــــــــــــــــــــــــــــــــــه
الله يعين أخـــــــــــــــــــــــــوج
وآلله آحس شعريه شآآب ..
لآ لآ من رآآآيي آنكم مآ تقولوله .. خلوه حليله يكمل آلدورة مآلته بلآ مغثه وحرقة قلب ..
وآن شـآء آلله من آيي حد يرمسه بآسلوب وآعي ومتفهم ..
آآآخ آلله يعينه وآلله >< >< ><
صععععععبه وآآآآيد ..
احسن شي علشان لاتبتلشون خلوا عيال اخوج عندكم
وهي الله حافظها خل تروح بيت اهلها وخل لاتبلشون روحكم فيها زياده
يعني لو باجر طلعت مع واحد او سوت بروحها شي بطيح السالفه على راسكم
ريلها اخوكم هو اول واحد بيزعل عليكم
خل تروح بيت اهلها هم اولى بتاديب بنتهم ومهدوا السالفه ويا اخوج بانها زعلانه
او مسويه مشاكل وقاعده عند اهلها
الله ايسر اموركن