بنات منو جرب مركز سيليكور لليزر
انا صراحه من اكثر من 3 سنوات اسوي ليزر عند سميحة بس اعتقد الجهاز ما نفعني لان الشعر بعد شهر يطول ويكون اسود و في اماكن خف منها بس مو هاي النتيجه اللي ابيها وشغله وايد ازعجتني من مركز سميحه ان الفلبينيات اللي يسووا الليزر يحرقون وصراحه هالفتره مصخوها صاروا وايد يحرقون ويقولوا حطوا ميبو لانهم عارفين سواد الويه اللي مسوينه خلاص ما بروح عندهم … ما علينا اللي جرب مركز سيليكور يخبرني ومنو احسن طبييه عندهم هناك واي فرع في دبي زين واللي تعرف مركز احسن عن سيليكور بعد تخبرني
انا ادري ان المفروض نحصل افضل جهاز مناسب لبشرتنا مو احسن مركز بس انا سمعت انا هالمركز عنده عدة انواع اجهزة وانا شاء الله احصل الجهاز اللي يناسب بشرتي علما انا بشرتي بين الحنطي والاسمر بس مو سمرا انا…..
اول جلسه عندهم احترقت الصراحه واللي ما عيبني انه يستعملون جهاز ليزر لقص الشعر وهذا بروحه يحرق احس الويه ما يستحمل ها كله … ومن بعد الجلسه ما يحطون كريم مضاد وهذا غلط لازم كريم المضاد على طول يفركون فيه الويه
بس النتيجه ممتازه للشعر يعني انا من زمان اسوي الشعر اسبوعين ويرد يطلع واكثف بس هم الحين من شهرين ماطلع والزين اللي فيهم اني عادي اسوي الاعاده بعد شهر
والحين خاز عني الحرق لكن تمت بقعه صغيره وقاعده استعمل مقشر علشان يشيلها وهم قالولي اذا ما خازت البقعه نحن بروحنا بنسويلج جلسه نخوز البقع مجانا …
انا شعري مو خفيف ياليته خفيف كنت ما سويت ليزر مول بس بعد جلسات الليزر مع سميحه خفت بعض المناطق بس الشعر يتم يطول بشكل اكثر عشان جيه ابي اغير واروح مركز ثاني
بنات اتريا ردودكم
( أُلَلًهًمِ أِنِتّ رّبّيً لًأِ أِلِهَ أَلُأِ أَنًتُ ، خٌلُقُتًنُيّ وّأِنّأِ عّبّدّڳَ ، وِأُنًأٌ عًلِى عّهًدُڳِ وَوّعًدًڳً مِأَ أِسٌتُطٌعُتِ، أِعُوٌذُ بُڳَ مٌنّ شَرٌ مُأًصِنّعّتٌ ، أًبٌوّء لّڳّ بٌنًعِمُتُڳّ عُلًيّ وًأُبُوِء لًڳَ بًذِنٌبَيً فَأِغٌفَرٌ لُيَ ، فَأَنِهّلِأِيّغِفِرِ أُلّذَنٌوَبٌ أُلِأُ أٌنُتً )