حابة أضيف مجلس لبيتنا وشورايكم بفكرة الخيمة ألي دارجة هذي الأيام
رأي الناس المجربين..
1)شورايكم فيها؟..هل هيه مريحة وعملية؟
2)هل تتأثر بالأمطار؟ (يعني هل يدخلها الماء فترة سقوط المطر)
3)عنكم فكرة عن محل يضبطه بطريقة مرتبة و نظيفة(لأن مريت البداد و لكن..؟؟ مش نفس ما كنت محطية في بالي) .
4) هل أسوي فيها جلسة وحدة (مجلس فقط)أو جلستين(مجلس + غرفة طعام).
رأي الناس المجربين..
1)شورايكم فيها؟..هل هيه مريحة وعملية؟
اليلسه فيها حلوة ومريحه وواد عمليه…
2)هل تتأثر بالأمطار؟ (يعني هل يدخلها الماء فترة سقوط المطر)
لا الحمدلله مول ما دخل فيها اي مطر لانهم يركبون لج عازل للرطوبه وللمطر
3)عنكم فكرة عن محل يضبطه بطريقة مرتبة و نظيفة(لأن مريت البداد و لكن..؟؟ مش نفس ما كنت محطية في بالي) .
نحنا مسوينها ف محل اسمع خيام السعوديه اعتقد في الذيد … شغلهم رائع ومضبوط لانهم خبره في هالمجال ويسوون لكل امارت الدوله ..
4) هل أسوي فيها جلسة وحدة (مجلس فقط)أو جلستين(مجلس + غرفة طعام).
والله نحنا سوينا يلسه مع مغاسل وحمام تكرمين … ولو سويتي الميلس ويا غرفة الطعام بيكون احلى واحلى
اتمنى اكون افدتج …
شجعتيني
و محلات ترس في الذيد مروا هناك و طبوا و اتخيروا 