منو تعرف وصفة لـ….؟

الغالية سوي هالوصفة انا تعيبني ويا البرياني :
حطي في الخلاط قوطي لبن أب ونعناع وفلفل اخضر حار حسب الرغبة وعقب صبي هاللخلطة على كمن قوطي روب الصفا وحطي شوية ملح واخلطييه بالخاشوقة وبالعافية . نعناع احط زيادة عشان يستوي اللون اخضر شوي

فلفل مقطع صغير مدقوق

كزبرة مقطع صغير مدقوق

طماط مقشر ومقطع صغير مدقوق

ترومين تحطين بصل .. ونفس الشي تقطعين البصل وتدقينه

خل وشوية ماي .. أو إذا تبين من غير ماي

وملح

خلطة المندي والبرياني .. اللي يقدومونه في المطابخ الشعبية

والله اشتهيته ..حاااااااااااار

فيه خلطة يمنية وايد حلوة اسمها شتني
طماطه وشوية بقدونس وشوية كزبرة وثوم شوي وملح وفلفل حار اخضر واحد
تخلط المقادير مع بعض في الخلاط بشكل متقطع يعني لين ماتتقطع كل المكونات وتوضع في وعاء وتقدم بجانب الطعام

الغالية بعد طريقة ثانية غير عن الاخوات تقلين البصل شوي وتحطين عليه ثوم وفلفل اخضر حااااار حسب الرغبة وشوية كمون وملح وطماطم مضروبة في الخلاط وشوية صلصة طماطم وماي شوي خليه لين ما تغلظ الصلصة وبالعافية

تبين صلصة طماط إختى من أمسات مسويه خلطه تحريته صدق والله إنه خلطه مندي وكانت مسويه فيه طماط وفلفل أخضر حار وداقوس تباسكو وأمازون بس صدق يجنن حق المجبوس والمندي والبرياني عجيبه الخلطه

اللي اسويه ::

ثووم (فصين او 3 ) افرمهاا واحمسهاا بزيت لين تتشقر ..

واكون خالطه بالخلاط الكاس (3- 4 حبات طماطم ) + م معجون طماطم + فلفل حار (الكميه حسب الرغبه) ..

واصبهاا فوق الثوم واخليها تطبخ ليت تغلظ وتنشف مويتهاا واذا انشفت زدت المويه بس موب مره بحيث تصير شوي غليظه موب سايله مره ..
واضيف الملح حسب الرغبه

وبالعافيه ..