منو الدكتورة الشاطرة الحينه للولادة واي مستشفى تغذية صحية

مرحبا
حبيت اتخبركن بس عن الدكتورة الشاطرة الحينه للولادة واي مستشفى ينمدح؟؟
لاني احترت صراحه انا فتحت ملفي بالزهراء وسرت مرتين للحينه عند نفيسه .. اونها خبره بس البنات ما يمدحونها يقولون خرفت لاص وبعدين تسوي خياطه وايد والشق كبير… مدحولي ان ان سي اعتقد الي عند صحارى عند بابيتا هنديه يمدحونها بس هذي ما تسوي خياطه .. ومدحولي اميره بالزهرا ورباب.. وعليا المنصوري بس عياده وانا ابى مسشفى.. اخترت.. يقولون غرف ان ام سي واسعه والزهرا لا.. خبروووووووني احترت..

الدكتورة عليا عندها عيادة بس تولد في ميد كير والحديث ويمدحونها الا مولدتنهم ما شاء الله عليها

منو قال ان الدكتورة نفيسة ما تعرف تخيط انا ولدت عندها صج انها كانت سريعة يوم تفحصت بس والله وقت الولادة تشجع وتوقف وياج صج ساعدتني وخياطتها ما في احسن منها كانت كل يوم تمر علي تشيك على الخياطة وعلى صدري اذا طلع حليب واذا عندي اي مشاكل بصراحة فنانة وعطتني موعد بعد 10 ايام عسب تشوف الخياطة
الدكتورة اميرة يمدحونها بس ما ادري وقت الولادة كيف ربيعتي بتربي الشهر الياي عندها وبشوف افتح عند نفيسة ولا اميرة

مرحبا خواتي، أنا ولدت عند نفيسة فالبكر وأميرة فبنتي، الثنتين فنانات وايد والخياطة مال الزهرة ما عليها كلام، أسبوع وتختفي ومادري كيف طاحت الخيوط، بس شو كانت مشكلة نفيسة؟ أنها ماتقولك تفاصيل وماتشرح اذا فيش شي لكن أميرة هادية وتاخذ راحتها وياك، والغالية ترا حجم الغرف مايهم كثر خبرة الدكاترة وعنايتهم فيش، اذا هذا أول بيبي توكلي على الله وسيري عند أميرة، والله أنه ودي اربي هالمرة هناك لكن انتقلت الورقا فدبي وتعرفين الزحمة، الله يسهل عليش حبيبتي

شكرا حبوبات.. يزاكن الله خير