مندي خفيف وسريع للسحور لمحبي العيش طبخ الامارات

مندي خفيف ما ياخذ وقت خاصة للي متعوده تطبخ السحور فوقت متأخر مثلي وللناس اللي يفضلون وجبة العيش ع السحور مثل ريلي ماشاء الله عليه
المقادير :
دياي حسب عدد هال البيب — عيش بعد حسب عددكم — بهارات حب (هيل -جرفه-مسمار-فلفل اسود )
حبة ماجي إختياري — زعفران منقوع فالماي — بهارات ناعمه للدياي (فلفل حمر-كركم -سنوت)#ترومين تستخدمين اي بهارات ثانيه#
الطريقه :
الدياي:
قطعي الدياي نصين بالجلد او من غير جلد باختيارج وفوريه ويا حبة الماجي بعد باختيارج وملح طبعا
بعد ما ينضي الدياي طلعيه مالماي وادهنيه بشوية من ماي ال زعفران وبزريه بالبهارات المطحونه المخلوطه بالكاتشب والثوم المطحون المجفف(تحصلينه فالجمعيات)وشوية زيت زيتون واشويه فالفرن

الحين طريقة العيش ::
خذي البهارات الحب وحمسيهن فالزيت عدل ضيفي العيش بعد ماتصفين الماي منه وحركيه ويا البهارات
ضيفي ماي الدياي الساخن (اذا برد سخنيه) للعيش وخليه يفور لين ما ينضي العيش وعقب صبي ماي
الزعفران عليه فالوسط
فهالوقت يكون نضي الدياي طلعيه مالفرن وحطيه فوق العيش