ان شا الله انا وريلي والعيال ناوين هالويك اند والاسبوع الياي ريلي اجازه فنبا انسير مكان نغير جوو
تقريبا سرنا كل الاماكن الفجيره وخورفكان ودبا وراس الخيمه وسرنا العين ومبزره ودبي
ريلي اقترح علينا حتا بغيت اعرف شو مزاياها وفيها اماكن حلوووه
نحن ندور الطبيعه اكثر نحب المكان البسيط شرات فجيره وراك
ياليت تساعدوني لو تعرفوون اماكن ثانيه لاتبخلووون علي لاني محتاره
وسلامتكم
وان شاء بتدعيلي عقب ما تشوفينه
بس قوليلهم نبا مكان خاص و مطل ع البحر .. احلا ….
وهو نظام شاليهات وعلى كم الليله !!
والله اني كرهته من كل قلبي ولا أفكر أطبه مره ثانيه حتى لو ببلاش ><
شو اللي خلاني أكرهه .. بخبرج …
المكان جميل من حيث التنسيق والأثاث .. لكن النظافه لج عليها ..
الغرفه اللي خذناها كانت الزوليه وسخه و اتصلنا فيهم وياني العامل و نظفها !!
و بعدين ما فيه مناظر حلوه تتمشون وتستمعون فيها …؟؟ كل الفندق مسااااااااااااااابح !!
والبحر نفس الشي كله مظلات و كراسي متسدحين عليها المفاصيخ !!!
باختصار الفندق مب مخصص لنا نهاااااااائيا …!!! هو بس لاستجمام الأجانب !!
و الازعااااااااااااج الله لا يراويج الازعاج اللي عشناه هاك اليوم ><
والله انه من استوت الساعه 8 ونص ما ادري 9 بدوا الحشرررررررررره ..
فرقه موسيقيه في النص وكل شرفات الفندق تطل عليها و طبعا كله أجاااااااانب ورقص و شرب عافانا الله ><
و ما سكتوا لين جريب الفير ؟؟؟ والله اننا رقدنا ونحن راسنا بينفجر من الازعاج .. و كلمنا اداره الفندق وقالوا هذا نظامهم ولازم دوم يسوون فعاليات لجذب السواح !!
غير جذه الشي اللي خلاني صج أكره المكان ..انه أغلب الاستاف مصريين .. وتخيلي والله ونحن داشيين ع طول الممر اللي ندش منه كله بااااااااارات !! أول مره أشوف فندق باراته في الممر اللي يودي للغرف !!
وغير ها العامل اللي كان ساير ويانا يوصل الأغراض يقول حق ريلي جان تبا بنات ترى شي واااااااايد هناك في المرقص ويأشر على المكان ☻ جيييييييييييه أنا شوووو احذاله طووووووووفه مثلا ؟؟ صج عصب بي بس زين ريلي رد عليه وقاله الله يعزني عن هالأماكن ^^
الشي الوحيد اللي حلو المطاعم و مكان لعب الأطفال …
بصراحه مول ما حبيت المكان …. بعكس المريديان و أوشيانيك فيهم مناظر طبيعيه الواحد يقدر يسير ويتمشى ويا أهله فيهم .. صح حتى هناك مسابح بس فيه أماكن تمشي بعد حلوووووووه و بعيده عن المسابح .. وحتى مسبح الأطفال منفصل و في قسم خاص بألعاب الأطفال و مسكر كامل ,,و حلووو
وانا لو مكانج جان مسحت فيه الارض المصري شو طوفه جدامه
واوشيانيك وايد غاوي