السلام عليكن ورحمة الله وبركاته
حبيت انزل موضوع الخص فيه الاسئله اللي ادور في بال اغلب الحوامل والامهات
علا وعسى الله ايقدرني وافيد حد ولو بجزء بسيط
طبعا الاشياء اللي بذكرها تنفع للصيف والشتاء
بالنسبة للربى في البرد الله المستعان الام والياهل يتلعوزون هب بس الام تبين الصدق
نبدا بالنسبة
للملابس
* دايما حطي شيلة البيت على راسج ابدا لا اتمين بدون الشيله اذا كنتي حرانه افتحيها اشوي واذا لأ لفيها عادي
* دايما حطي شيلة البيت على راسج ابدا لا اتمين بدون الشيله اذا كنتي حرانه افتحيها اشوي واذا لأ لفيها عادي
* لا تنسين الصروال وانتي براحتج عن نفسي احب الصراويل مال اول قوم بو قرضه وقرضتين وغيره خخخخخخخخخخ واحب الساده لانهن مريحات وايد هب اللي عليهن تطريز وغيره
* الدلاغ بعد بس اذا كنتي من النوع اللي يعرق وايد وما اتحملينه خلاص تمي بالشبشب الفرو
السبوح
لا تتسبحين كل يوم خليها يوم وترك واذا انتي من النوع اللي يعرق وايد واليوم اللي ما تتسبحين فيه امسحي اماكن العرق بس بالصابون والماي على خفيف وحطي بودر علشان اتحسين بالانتعاش
بالنسبة للصيف اتسبحي عادي كل يوم اذا تبين بس شرط لا اطولين في الحمام ولا تغسلين شعرج اول الايام
بالنسبة للصيف اتسبحي عادي كل يوم اذا تبين بس شرط لا اطولين في الحمام ولا تغسلين شعرج اول الايام
عقب السبوح لا ترضعين الياهل ابدااااااااا لازم تاكلين او تشربين والاكل افضل اي شيء حتى لو رطبة ولا سحه ولا اي شيء وتقدرين اذا كان ايصيح تاكلين وترضعينه تراه عادي وسهل مع التعود خخخخخخخخخخ
لا تتسبحين باي وقت افضل وقت الصبح الين الظهر واذا كنتي وايد مشغوله وما تقدرين ولكن حاولي على العموم اذا ما قدرتي فاجلي السبوح حق قبل الرقاد استحبي وارقدي علشان اتمين دافيه
قللي من استخدام المكيف قد ما تقدرين واذا بتغلينه افضل
اتودني في ماي وملح في البداية وعقب تقدرين اتضيفين للماي اشوية مره واحيانا غيري خصه في الايام الاخيره مره بابونج مره خزامى
الاكل والشرب
عموما عقب الاربعين ولا فيها دامج اترضعين لا تشربين منبهات (شاي اخضر شاي احمر حليب شاي قهوة بانواعها)
خصوصا قبل الرقاد لان الطفل بياذيج وذى وما بيرقد والسبه المنبه اللي سار في جسمه عن طريق حليبج
خصوصا قبل الرقاد لان الطفل بياذيج وذى وما بيرقد والسبه المنبه اللي سار في جسمه عن طريق حليبج
خلي عندج كمية من الفواكه برع الثلاجه علشان ما تجيسج بروده وتكون بدرجة حرارة الغرفه
خلطه حلوة لاي وقت عقب السبوح مثلا ولادرار الحليب وعدم الامساك وعلشان عظامج واتمين دفيانه ولبرودة ما تنتقل حق الياهل
مقدار متساوي كل من لوز فستق كاجو جوز زبيب وفواكه مجففه تقدرين تستغنين عنها بس وااااااايد مفيده منها مشمش تين زبيب والكميات حسب الرغبة طبعا
امزجيهم مع بعض وحفظيهم في غرشه وهني وعافيه
وعلى فكره اللي عندها عيال ما ياكلون خليهم ياكلون من هاي الخلطه وان شاء الله ما فيهم الا العافيه
امزجيهم مع بعض وحفظيهم في غرشه وهني وعافيه
وعلى فكره اللي عندها عيال ما ياكلون خليهم ياكلون من هاي الخلطه وان شاء الله ما فيهم الا العافيه
خلطه ثانية وااااااااايد مفيده بعد بالاضافة الى الفوائد اللي فوق بعد وايد زينه حق الظهر
الزموته حب والخسخس وجار مغز حد ايقول هي نفسها حبوب البطيخ الاصفر بس انا اقول حق القراشي او الهندي وهو اييب لي وعدس الماش والمثيبه (الماش طبعا تيبينه وتغسلينه وتهنهنينه تحمسينه يعني ويوم يبرد اطحنيه)
طبعا الكميات تتفاوت يعني اتقللين اشوي من الزموته لانها وايد حاره مثلا ربع كاس زموته كاس ماش كاس جار مغز نص كاس خسخس ربع او نص كاس مثيبه حسب الرغبه
وتخلطينهم في غرشه وتاكلينها في اي وقت
وتخلطينهم في غرشه وتاكلينها في اي وقت
لا تكثرين من الاعشاب لانج بتتعبين وتودرين كل شيء وبعد خير الامور الوسط
مثلا الصبح وفي الليل عليج بكاس حليب ساخن واكلي كم فردة رطب ولا سحه مع هاي الخلطه (هاي الخلطة بعد ايام الدوره زينه) مع الحليب الساخن
خليها جاهزة (المقادير حسب حراره الشيء من الكمون والفلفل الاسود والمثيبه والزجبيل البودره والقرفه واليانسون والحلبة واطحنيهم وحطيهم في غرشه في حد ما يحب يطحن الكمون والحلبة ولمثيبه يحبون ياكلونها اكل فكل حد واللي ايريحه) وحطي اشوي من الخلطه في السحه مثلا واكليها واشربي عليه الحليب
اليوم اللي ما لج نفس فيه حق خلطة الاعشاب مثلا اللي مع السح والحليب
اشربي شاي اعشاب مثلا بس بعد نصيحه لا تكثرين من الاعشاب يعني كل مره وعشبه بسسسسسسس
وتقدرين تستخدمين اللي في الجمعية بالاجياس مثل اجياس الشاي بس كل مره وعشبه ولا عشبتين
علشان ما تتعبين وبالتالي يتعب الياهل معاج اذا بترضعينه طبيعي
اشربي شاي اعشاب مثلا بس بعد نصيحه لا تكثرين من الاعشاب يعني كل مره وعشبه بسسسسسسس
وتقدرين تستخدمين اللي في الجمعية بالاجياس مثل اجياس الشاي بس كل مره وعشبه ولا عشبتين
علشان ما تتعبين وبالتالي يتعب الياهل معاج اذا بترضعينه طبيعي
مثلا هالمره شاي لمثيبه مره شاي كمون ومره شاي النعناع ومره شاي الزعتر ومره شاي الحلبببببببه لا تنسونها وايد مفيده واذا على الريحه لا تكثرون منها
اكلي كل شيء وانا اختج لا تخلين شيء في خاطرج واذا ما لج نفس اغصبي نفسج
ما اقولج اكلي الين ما تستوين فيله ولا متينه لألألألألألألألألألألألألأ
اكلي كل شيء بس باعتدال
لا تقولين ها ايسوي ريحه وها ايسوي غازات وها ايمتن وها ايضغف وها ما ادري اشو ايسوي لألألألأ
الاعتدال في الشيء زين
الحالة النفسية
وفي النهاية احب اذكرج بالرضاعه الطبيعية وحضن الطفل ومناغاته والكلام معاه لها التاثير الكبيييييييييير والايجابي في شخصيته وحياته في المستقبل
ابدااااااااااان وخطير بعد لا ترضعين الياهل وانتي اتصيحين او زعلانه او متكدره او امحرجه عضبانه يعني
يوم بتيين ترضعينه عقي كللللللل شيء ورا ظهرج وتمي لاعبيه وناغيه وكلمية وحبيه وعقب ما تخلصين رضاعه بكيفح دقي راسج في الايدار حتى خخخخخخخ
ايقولج حليب الزعل والحزن والغضب ينزل مثل السم في جسم الياهل وعقب ايتم ايصيح وما نعرف اشو فيه
اذا حسيتي انج هب قادره تفمين صياح طفلج او اشو فيه لا تسكتين اسالي الاكبر عنج وديه الدكتور بس لا اتمين كاتمه في نفسج
اذكرج انه الحاله النفسيه تلعب وايد دور في شخصية الطفل يعني لا تعصبين ولا تصرخين ولا ولا ولا ليش عاده ما شيء بيتصلح ولا بيعتدل من الصريخ والضرب الا بتفقدين اعصابج وبتييبين لعمرج الامراض وتساقط الشعر وشحوب البشره وغيره
خليج هادية كثر ما تقدرين بتشوفين ها الهدوء بينعكس في حياتج وعلى ريلج وعيالج واللي حواليج
حاولي تستوعبين وتفهمين اي مشكله تواجهينها علشان تقدرين احلينها بطريقة ايجابية
الرياضة والكرشه
عموما هاي الاشياء اللي ذكرتها الخلطات والاعشاب اغلبها فيها الاشياء اللي تخوز الكرشه
وحاولي دايما تيلسين وانتي رافعه ظهرج
لا تشربين وانتي واقفه
حاولي تربطين بطنج ولا تضغطين وايد وصدقيني احسن شيء شيل الصلاة ولا قطعة ساري طويله قطن ولا شيل البيت الجديمه خيطي كم شيله مع بعض من الطرف ولفي بها بطنج قبل الرقاد ولا عقب السبوح
لا تشربين وانتي واقفه
حاولي تربطين بطنج ولا تضغطين وايد وصدقيني احسن شيء شيل الصلاة ولا قطعة ساري طويله قطن ولا شيل البيت الجديمه خيطي كم شيله مع بعض من الطرف ولفي بها بطنج قبل الرقاد ولا عقب السبوح
صدقيني الضغط الزايد على البطن بالمشدات وغيره اترهل عضلات البطن على المدى البعيد وتاثر على الرحم
الرياضة تقدرين اتسوينها عقب لا تستعيلين على عمرج خصه الرياضة العنيفه سويها عقب الولادة ب 3 اشهر والافضل 6 اشهر
اهم شيء اتسوينه عقب الولاده ب اسبوعين مثلا تمارين كيييييجل اشوي اشوي بدون ضغط
واتسوين عقب الاربعين تمرين الضغط الخفيف يعني وانتي طايحه على ظهرج ترفعين ظهرج اشوي بس هب ترتفعين تماما لأ وتردين اطيحين
وبعد التمرين الثاني وانتي طايحه على ظهرج ترفعين ريولج وتخلينها زاوية قائمة
المهم تمارين خفيفه بسييييييييطة ما فيها ضغط مع الوقت بتحسين بالفرق
الرياضة تقدرين اتسوينها عقب لا تستعيلين على عمرج خصه الرياضة العنيفه سويها عقب الولادة ب 3 اشهر والافضل 6 اشهر
اهم شيء اتسوينه عقب الولاده ب اسبوعين مثلا تمارين كيييييجل اشوي اشوي بدون ضغط
واتسوين عقب الاربعين تمرين الضغط الخفيف يعني وانتي طايحه على ظهرج ترفعين ظهرج اشوي بس هب ترتفعين تماما لأ وتردين اطيحين
وبعد التمرين الثاني وانتي طايحه على ظهرج ترفعين ريولج وتخلينها زاوية قائمة
المهم تمارين خفيفه بسييييييييطة ما فيها ضغط مع الوقت بتحسين بالفرق
والرضاعه الطبيعية لها اكبر الاثر في المحافظة على الجسم وتعدل النفسية سبحان الله
ها اللي ايحظرني واتمنى اي وحده عندها ملاحظة او اضافه فلتتفضل مشكوووووووووووووره
مشكوره يا اختي على المعلومات المفيده وان شاء الله راح انفذها …
مشكوره على هل معلومات
يا موضع كل شكوى ، ويا سامع كل نجوى ، ويا شاهد كل بلوى ، ويا منجى موسى والمصطفى محمد صلى الله عليه وآله وسلم ، والخليل إبراهيم عليهم السلام أدعوك دعاء من اشتدت فاقته وضعفت حركته وقلت حيلته ، دعاء الغريب الفقير الذي لا يجد لكشف ما هو فيه إلا أنت يا أرحم الراحمين ، لا إله إلا أنت سبحانك إني كنت من الظالمين
تسلمين اختي على المعلومات الحلو ه
يعطيج العافية على هاي المعلومات الحلوة أختي أم سالم
بارك الله فيج
مشكوره على هل معلومات ^^
مشكوره على هل معلومات ^^