اممم بغيتكم تساعدووني يا بنات رااك وزائراتهااا ..
ريلي من فترة مضغوط من دوامه فحبيت احجز ليلة ففندق اهنه فراس الخيمة .. مابغي اضيع الوقت فالدرب من جهة ويعني نجرب فنادق امارتنا من جهة ثانية ..
المهم .. انا فكرت بالكوف روتانا .. فلة ع البحر ويا مسبح خاص ..
فالحين بغيتكم تخبروني هل بتناسبنا ولا ؟؟
اولا .. انا بخذ ولدي وياي وعمره ٥ شهور .. فهل يوفرون سرير خاص للبيبي ولا ؟؟
ثانيا .. للي جربت هل المسبح مكشوف ولا نقدر ناخذ راحتنا ؟؟
ثالثا .. عندهم دي في دي ولا ؟؟ يعني لانا ما بنطلع فلازم نسوي اشيا متنوعة عشان ما نمل
رابعا .. الي سارت وتتذكر شو بالضبط موجود فالفلة ؟؟ يعني في تفاصيل تهمني مثل البويلر عشان اسوي حليب حق ولدي ..
تحسون ان جو الكوف بيناسبنا ولا ؟؟؟؟
نسيت اضيف شي .. انا سمعت ان اكلهم غالي والسيرفس مش ولا بد .. ماعرف صح هالكلام ولا بس ما تفرق وياي من هالناحية .. لاني مابا شي منهم لا اكل ولا غيره .. مفكرة اخذ اشيا خفيفة ويانا تغنينا عن اكلهم ..
ومشكوريييين