شخباركم..؟
أنا بديت مشوار التخفيف من سنة ولله الحمد نزلت 18 كيلو
كنت أمارس الرياضة: أيروبكس – سيكل – سباحه
لكن بشكل غير منتظم
وتغيرت مقاساتي الحمدلله
والآن أعاني من موضوع الترهل في منطقتين:
الذراع + الأفخاذ << بالذاااات الأفخاد
أنا أصلا كان فيه الترهل من قبل بس الحين زاد عليه..
بديت أكتئب من الموضوع وأنا يوم أكتئب أطنش المشكلة
ولكن من أسبوع قررت إني أحل المشكلة
لين متى بتم جيه..؟!!
فقررت أمارس رياضة 3 مرات أسبوعيا
+
أدور على مكان يسوي مساج شد للجسم
أختكم <<اللي هي أنا
بدت مغامرتها أمس وسجلت في مركز الـ VLCC
في الـ اب تاون في المردف
تفاصيل الفحص المجاني:
استقبلتني وحده من الموظفات وكانت شاميه
خذت طولي 167<<ما ادري ليش قصرت، طولي 168..!!
ووقفتني على جهاز ودخلت الطول والعمر والاسم
وبعد كم دقيقه انطبعت ورقة
خذت الورقة ويلست معاي في حجره
شرحتلي المعلومات اللي انطبعت وكانت عن:
نسبة الماء في الجسم: اوكي الحمدلله
نسبة البروتين في الجسم: اوكي الحمدلله
نسبة الدهون في الجسم: صدمة..!! عندي 34 كيلو فااات…!!!!
وفي رسمة على الورقة تبين وين الدهون متمركزه في جسمي:
في الأرداف والفخوذ أكثر شي
والأذرع
المهم..
قالت نحن عنا عرض
10 جلسات تخسيس
3 جلسات تكسير دهون
2 جلستين شد للجسم
بـ 2300 خلال 38 يوم
يتضمن موعد مع اخصائية التغذية
وموعد مع وحده تنصحني شو انواع الرياضات اللي تناسبني
وقالت بياخذون مقاساتي قبل ما نبتدي
وقالت لازم ريجيم ورياضه عسب تكون النتيجة اوكي
والحين اتريا اتصال منها عسب تحدد لي الموعد رقم صفر مثل ما تقول
هذي حكايه اول يوم تسجيل
وبرد اخبركم عن المستجدات في هالموضوع
اهم شي الصبر هب بعد جلستين ثلاث تقولين مليت
المشاركة الأصلية كتبت بواسطة بنت-بوظبي 
اهم شي الصبر هب بعد جلستين ثلاث تقولين مليت
إن شاء الله بلتزم
لإني خلالالالاص.. مليت من الجلد المترهل..!
ما يهمني أضعف الحين كثر ما يهمني أشد جسمي
لأني فعلاً أعاني من هالشئ
ادعولي يا جماعة
^_^