بنااات ابا اعزم ريلي على مطعم بمناسبة عيد زواجنا وابا مكان مسكر يعني كبينه بس ماعرف اي مطعم ممكن تفيدوني
اباه في بوظبي
واذا عندكم افكار ممكن تساعدوني
يعني ف الهدايا والترتيب
انا محتاره ماعرف شو اييب
عندج فندق شانغريلا في بوظبي ..
فيه مطعم واايد راقي وهادىء في نفس الوقت ..
مره تعشيت فيه مع ريلي واكلهم حلو بعد انصحج فيه ..
ان شاءالله بنات بوظبي بيفيدونج..
ليش ما تعزمينه ليلة في قصر الامارات ؟
عن تجربه وايد روووعه …
صيني اسمه ماندرين ………manren
عن تجربة رهيييييييب واكله واااايد لذيذ
بالنسبة للاخت الي خبرتج بفندق شنغريلا …المطعم البوفيه حلو بالفعل وراقي وخدمته ممتازة بس مفتوح ممكن اتحصين كورنرات بس بعد مكشوف واكله حلو
وفي الشنغرلا بعد فندق جلسة رهيييييييييييييبة بس بعد مكشوف بس الحلو فيه( محد يشوف الثاني ) من الظلمة ما اعرف المطعم بس هو المطعم الفرنسي على ما اعتقد يعني اطلبي الحجوزات هناك واسالي عنه
جلسة حلوة ورومانسي بس الاكل ( استغفر الله ) خخخهههههههههههههه موب حلو موووووووول لا مقبلات ولا طبق رئيسي ولا سويت والاكل محدود يعني يقدم كل يوم طبق معين فقط
عندج مطعم بيعيبج بعد اذا سرتيه اكله واااااااااايد لذيذ وجلسته رومانسية فيه كورنرات مريحة موب مسكر بس في اماكن تقدرين تاخذين راحتج فيها …هذا المطعم بالشيراتون بابوظبي اللي عدال مستشفى الكورنيش سوري انا وايد ضعيفة بحفظ الاسامي بس المطعم اول ما تدخلين الشيراتون فوق الدرج اطلعي وخذي يسار مطعم كبيييييييييييييييييير وواسع وبليل وااااااااايد رومانسي وجلسته حلوة
وفي مطعم كتبت عنه واعتقد قريتي عنه شاماس برازيلي وخبرتكم طريقة التقديم وفي مكان كورنر مريح وممكن محد يشوفج
وطبعا لو تبين شي مميز مميز مميز ما الك الا ( شجاع) اليخت اللي داخله بوفيه على الشخص اعتقد 200 درهم
تحجزينه من فندق لي مريديان………..موب ميريديان………لي ميريديان اللي عدال سينما المارية
اليخت يطلع كل يوم للغدا والعشا والعشا الساعة 8 المسا ……..اليخت راااااااقي والاكل ( جيد) بس الجلسة رومانسية من الخاطر بس شوية مكشوف …طبعا هو يخت مكيف واثاثه فخم …بس انتي وحظج يا زحمة يا ما اتحصلين مخلوق واحد
اذا ما ناسبج شي من هالمطاعم ….راسليني ….اعرف مطاعم ثانية بس تعبت من الكتابة
والسموحة
عندج مطعم في الشيراتون اللي يم مستشفى الكورنييش كل اربعا بوفيه ماكولات بحريه الصراحه مطعم راقي ومريح
وعندج بعد مطعم بس مااذكر شو اسمه في الشنغريلا هذا بعد غييييييييييييييييييييييييير وراقي واكله وايد حلو
والمطعمين مكشوفين يعني تقدرين تشوفين الناس والناس تشوفج