انا بدخل ع طول فالموضوع
خواتي انا بكمل من زواجي 3 سنوات وانا زوجه ثانيه لزوجي وعندي بنت عمرها 8 شهور من 3 شهور استوت مشكله بيني وبين ريلي وكبرالموضوع بيني وبينه والله يهديه ع اي شي يسير يقول لاهله والحين دخل موضوع اهلي , مايعرف يتفاهم بنيى كله يقولي انته ياهل ومايتفاهم وياج , خواتي الحين بيكمل شهرين مايا عندي ولا يسال عن بنته ,وانا يالسه فالبيت اهله , هوه ماقصر ضرب ضربني , عمري ماسمعت كلام حلو منه من عرست لين الحين , كله كلام يعور قلب , فرق بينى 10 سنوات وهوه ريال ملتزم ,والله يا خواتي اني واااايد تعبانه , اقوله وفرلي سياره مايرضى وهوه يوم اقوله ودني مايرضى يقولي دوري حد يوديج , والله تعبت من حياه , لدرجه خربت علاقه بيني وبين اهلي , خلاص قمت افكر فالطلاق , الي يعورلي قلبي بنتي , والله ما اعرف شو اسوي , ماعندي حد ينصحني
علاقة توصل ل جي مايدري هذا مب متحمل مسؤولية اخاف اقولج
تركيه واخاف اقولج تمي عنده .. بتختلف اراء الالناس حسب طبيعة كل شخص … بس لو كنت مكانج وشفته زودها بروح عند اهلي او اي حد من اهله بيوقف معاج ويوقفه عند حده
غير جي لازم انتي تحددين شو تبين لازم تاخذين موقف وان قررتي استخيري ربج عقبها الامور بتمشي .. والله يهدي بالكم ويهديه يارب
بس انتي اساسا ما حكيتيش شن المشكلة الي صارت بينكم وكبرت ؟!!
مرات مشكلة بسيطة ومرات انتي غلطانة ومرات سوء فهم من الطرفين
بس بكل الاحوال اهماله ليك والضرب والكلام السلبي كلها اسباب
تؤدي للطلاق ، بس فكري اكثر بظروفك الاسرية و الاجتماعية
وربي يكتبلك الخير ياااااااااااااااااااارب
استغفر الله بعظهم حتى اليهود احسن عنهم .. فارقتهم .. بس متخفين ورااا قناع الدين
ااااه اعرف قصص تشيب الراس وشفتها بعيني ,, والابطال ناس اونهم مطاوعة
ماعلينا .. حبوبة .. دام اهلج دخلو بالموضوع سلمي السالفة لابوج واخوانج يصلبونه .. يوم انهم مب قد الزواج ليش خذج ؟؟
الله يعين بس
بإذن الرحمن ﻟ گل ♡ ..
♡ مهموم
♡ مسحور
♡ مريض
♡ من يريد النجااح
♡ من يريد السعاادة
♡ من لم ينجب
♡ من يريد الزوااج
♡ من فقد شيء كاان يميزه
#ابداا الان و اجني ثماارهاا قريباا ..!
بعد الفجر : اقرا الى ايھہ 58
بعد الظهر : اقرا الى ايھہ 118
بعد العصر : اقرا الى ايھہ 176
بعد المغرب : اقرا الى ايھہ 233
بعد العشاء : إلى اخر السورة
و بهذا التقسيم تستطيع قراءة السوره
.. گل يوم بيسر و سهولهہ ♡
اول حطي حلول و جربيها
راعي شخصيه زوجج و شوفي طريقه التعامل مع هذي الشخصيه و اللي يصير وياج دوري له حل
ان مانفع .. استخيري .. اذا تشوفين الطلاق الحل النهائي والله بيسر لج الافضل ..
و ادعي له بسجودج الله يسخره لج و يهديه ..
و ااذا عن البنت ترا الافضل تعيش بين امها و ابوها .. بس لو بيعيشون بمشاكل ممكن يسبب لها اشياء نفسيه و تتعقد من ورا مشاكلكم اريح لها لو عاشت وياج بهدوء وبدون مشاكل و بعدها صغيره يعني مابيفررق عندها و بالتعود .. اذا هوه بالشهر مايسال و لا ياكم يعني انتي و بنتج معلقين !
فكري عدل قبل و شوفي كيف بتكون حياتج عقب الطلاق و فكري بكل النواحي لاتخلين شي يفوتج عسب ماتندمين ..
الله يسر لج امرج ..
لانه اللي ملتزم بتعاليم الدين مستحيل يمد ايده ويضرب حرمته والمتلزم هو احسن شخص يعامل حرمته
لما ضربج المفروض ابدا ماتتهاونين وتكلمين ابوج واخوانج لانه مب شي هين
وخليهم يأدبونه ويراونه العين الحمرى
بس نحن مانقدر ننصحج بالطلاق لان ماعرفنا شو المشكله وخصوصا بينكم بنت
عليج بالصبر والدعاء
بخصوص سياره عادي منو قال لج كل ريال موفر حق حرمته سياره او يوصلها وين ماتبا الا اذا كان متفيج
ومب كل ريال يقول كلام حلو
هالاشياء صح تضايق بس الشخص ممكن يتغاطي ويصبر عنها لين الله يفرجها
خصوصا اذا كان ريلج فيه صفات حلوه اكيد له محاسن مستحيل انسان كله عيوب
يمكن يكون ريلج قلبه طيب بس عصبي ،، او يوفر لج كل احتياجاتج ؟؟ او غيره
يعني قارني محاسنه و عيوبه شوفي شو اللي يطغى ع الثاني
بعدين اظن فارق السن بينج و بينه اثر عالتواصل والتفاهم اللي بينكم
المهم نصيحه خلي حد من اهلج يكلم اهله بخصوص انه يرجعج وتعرفين مصيرج وياه
ونفس الوقت اذا كان مقتدر ماديا خل يكلمونه اهلج يوفر لج سياره او دريوليه لو مب حاب تسوقين ولو هو مب قادر يوصلج