مشكلتي مشكله |( اثار حرق من التشقير – تصبغات البشره – <: ابي حل ساعدوني ازياء موضة

السلام عليكم
بنات حبايبي …بدخل ب الموضوع

ابا حبوب خاصه للوجه للانه عندي تصبغات اعاني منها .. اذا عندكم وصفه طبيه من دكتور او دكتوره اقدر استفسر عنها قبل لا استخدمه؟؟

عندي مشكله بعد ما شقرت ويهي احترق ويهي من حرارة البودره الزقاء من ويلا مع اني ما لقيت احسن عنه ذيج الفتره يخليالشعر لونه ابيض ويبقى شهر تقريبا لين ما يرجع لون الشعر وايد كنت معتمده عليه ..

. لاكن حاليا بشرتي مختلطة وحساسه وفي جفاف في الخدود وتتقشر وفيه حبوب شوي في الخدين وكانو حمر وكانت اكبر غلطه اني حطيت الكريم فوق الحبتين اللي كانو محمرات وصار لي مثل بقعه حمرا وحين مر على السالفه 4 ايام ولين الحين احمر

جربت ماي الورد البارد و جربت مرهم مضاد الحيوي المركز … بعد ما منه فايده واستخدمت الكرتزون الحمد الله صار شوي افتح وخف لاكن فيه بقعه حمرا خفيفه اذا عندكم كريم او مرهم يخفف من ها الشيء بسرعه

لاكن قلت بستغنا عن بدوره ويلا الازرق بس شو احسن مشقر للبشره الحساسه ؟؟

سمعت عن خلطه من الكريمات طبية تخلطونها للتبيض وتفتيج بشرة الوجه والجسم انا الحمد الله بيضا لاكن على صفار ابي اتفتح ويهي مش نفس لون رقبتي و صدري ابيض لاكن بطني شوي اسمر و ريولي بيضا لاكن لونين وبين الفخذين بني … ابا ابيض تراني اسوي حمام مغربي بروحي الحمد الله … لاكن وايد سمعت عن الخلطه ونسيت شو الكريمات وحده من البنات كتبت طريقه من دكتوره تفتح
اللي جربت ممكن تفيدني وكم مقدار كل كريم .؟ ابي الخلطه لو سمحتو وهل فادكم او لا

لا اله الا الله
الله يشافيج يالغاليه من هالحساسيه
بخبرج عن تجربتي مع مرهم ميبو
اخوي احترق بماي بطارية السيارة الله لا يوريج ايده كيف صارت
الصيدلي قاله حط مرهم ميبو وماراح يظل اثر للحرق
انتي جربيه و مارح تخسرين اذا مانفعج ما ضرج
أما من ناحية التشقير ماعرف غير بلوندر
انصحج تسيرين دكتور مختص بالحساسيه
اعرف عيادة في عيمان الكل يمدح فيها وانا بصراحه تعالجت من حب الشباب عندهم
اذا حابه تعرفينها خبريني

ان شاء الله بجربه عندي ميبو للاثار مب للحرق الوردي … الصراحه جربه لاكن مفعوله بطئء .. ويباله وقت .. وصبر
والله يعافي اخوج يا ربي نار السياره وايد حار اخس عن الماي الجدر …

هذا للان دكتور عطاني كريم رتن أ وحين ومن يوم سنه 2024 ما رجعت اراجعه .. يبالي ارجع لاكن ظروفي حاليا ما عندي وقت احجز موعد … انا من بوظبي فديتج ومشكوره على نصيحتج اشوف بعد تجربة بقية البنات ..

خليج من الخلطات وغيره
سيري عند دكتور بشره شاطر
ليش هالاهمال
الريتن ا مقشر
تحملي تحطينه
خاصه هالايام والشمس حاره
واول شي تسوينه هالايام واقي الشمس
احمي بشرتج المحترقه من الاسوداد لان الالتهاب+الشمس =اسوداد

وبقولج سالفة ثنتين قراب مني واستوالهم نفس الشي
الثنتين كانوا يستخدمون كريمات فيها نسبة تقشير
وتعرضوا للشمس
ويهم الثنتين استوا اسوووود
وساروا عند طبيب وصفلهم كريمات تخوز هالطبقة السودا
الاولى الححمدلله خاز عنها
الثانية ياحليلها يبلها وقت اكثر لين الامور ترد لويها

تحملي ثم تحملي تستخدمين اي شي على بشرتج
سوي تقشير الفواكه المركز عسب تفتكين من الحروق والآثار الجديمه

احسن نوع للتشقير من بوتس

هي ادري انه رتن أ مقشر الانه كان عندي حبوب والحمد الله خف لاكن عندي بعض الاثار ف كنت اسمتر عليه ايام ووأوقف لاكن قبل اسبوعين ظهر لي حبوب ما ادري من شو يمكن تلخبط في هرمونات او من الدروه وكنت احط فوق الحبه بس ف صار حاولينها احمر وبنفس اليوم قلت خلني اشقر … وصار اللي صار ..

عندي واقي شمس 30+ ما استخدمه كل يوم الاني قاعده في البيت بس اذا ظهرت

يحليلهم صح كلامج مع الشمس البقعه تسمر … ربي يعافيها … شكلي بروح عند دكتور ما فيني اتلعوز ..

مشكوره فديتج