.//. مشكلة ولدي الرضيع و الامساك الفضيع .//. سياحة الامارات

بنات ولدي الحين فاخر الشهر الثالث

وتقريبا من دش الشهر الثالث بدت وياه مشكلة الامساك

اول مرة تم 6 ايام بدون ما يسوي شي .. بتقولون لي ليش صبرتي عليه هالكثر؟؟ فيه دكتور الله يسامحه قالي عادي البيبي ااذا ما سوى كاكا 5 ايام

وسرت للدكتور حجازي وعطاني تحميلة جلسرين و عطاني مسهل البطن دوفالاك

من عطيته التحميله مشاه بطنه و رديت اعطيه الملين دوفالاك بس مول ما فااده

ولين يومكم هذا يتم 3 ولا 4 ايام ما يسوي شي فاضطر اعطيه تحميلة عسب يطلع الي فبطنة

فديته اسمع يون و يتعصر ..

جربت وياه كللللللللللل الطرق… عطيته ينسون و غيره ما نفع .. مسحت بطنه وتحت سره بزيت الزيتون ما نفع .. يبت عود مال الاذن و حطيت فيه زيت زيتون ودخلته شوي ما نفع .. سويت له عجوة فماي و شخلته ما نفع ..

حتى سرت لدكتور ثاني عطاني ملين ثاني بعد ما نفع وحسيته وايد هالدواء على بيبي فوقفته

انا ماباه يتعود انه ما يطلع شي فبطنه الا بالتحميلة

بتقولون يمكن ما يكفيه الحليب .. انا منتظمة وايد فسالفة الرضاعه والحمدلله ما يصيح من اليوع الا نادرا؟؟

حد استوت له نفس مشكلة ولدي؟؟ وكيف عالجتوها