مشكـلتيـ مخوفـــتنيـ واللــه,, بغــيتـ حلولــكمـ بجــدية ..!! لتربية طفلك

حبيباتي انا عندي مشكلة وبغيت منكم الحلول جادة وبدون اي ردود تغث بلييييز

.

حبايبي,, انا صارلي فوق السنة معرسة,, وعندي طفل عمره 4 شهور تقريبا.. مشكلتي تقريبا بدت عقب

ما خلصت الاربعين.. مشكلتي اني صايرة ما احب الجنس ولا احب ريلي يجرب مني ولا احب (……) اتوقع انكم فهمتو علي..

مستغربة من نفسي هل هالشي طبيعي عقب الولادة ولا؟

عطوني حلول شو اسوي ف هالحاله؟ خصوصا اني ملاحظة على عمري اني ما احب اكشخ شرات قبل ولا البس لبس اغرائي شي جذي..

من زمان ما جددت حتى ف ثيابي من ناحية البجايم لقمصان النوم للمخاوير ما ادري شو سالفتي..

جدا متضايجة من هالموضوع عطوني حلول بارك الله فيكم؟!!

حتى لو نادرا تعدلت و لبست جلابية حلوة ف البيت ولا حطيت ميكب خفيف ما يعلق على شكلي ولا يقول ان عجبه ولا لا؟؟؟؟

++++

المشكلة الثانية

من يوم عرسنا وريلي كله لاصق فيني ما يطلع من البيت.. نادر ما يطلع ويا ربعه ويوم يتصلون فيه يتحجج فيني انا لدرجة يقولون له

محد عرس غيرك انته!!! كله قاعد في البيت وياي وما يطلع وياهم.. اخافه يمل جذي ابغيه يغير جدوله خلاص.. يقعد ويانا شوي

ويطلع عند ربعه بعد عادي مافيها شي.. ابغي طريقة حلوة عسب اقوله يغير جدوله ويطلع ويا ربعه,, بس ما اعرف كيف افاتحه بالموضوع

اخاف يتحسس مني يقولي ما تبيني ولا شي جذي؟؟؟؟؟؟؟؟؟؟؟

هالمشكلتين شاغلين بالي وااايد وبالاخص الاولى,, بس ابغي ردودكم ع المشكلتين..

بانتظار ردودكم حبايبي,, بدون ردود تغث بلييييز