اعتقد من العنوان مبين شو استفساري ؟؟
بنات انا وايد محتاره حاليا ولدي كي جي 1 ف ويس قرين ومرتاحه فيها لان قريبه مني يروح ويرد سياره بس ناويه ع السنة الياية اسجله باص
بنات الشارجة بليييز افيدوني شو احسن من حيث كل شي التعليم : التدريس والمدرسات والمنهج والواجبات والباص كل شي لا تخلون شي
لان عندنا صغارية من الاهل ف الشويفات ويمدحونها من حيث ان تعليمهم قوي ومافي واجبات الخ
وانا اقول ادخله من البداية عسب لا يتغير عليه الجو لما يبدا ف الجد وبعد انا اخاف عقب ما اعطيه حقه فالدراسة لان عندي غيره كم بدرس
اللحين ابا نصيحتكم وشوركم ؟؟؟ اخلية ولا انقله؟؟؟
وسؤال ثاني شو افضل المنهج البريطاني ولا الامريكي لان اللي اعرفه ان ويس قرين بريطاني والشويفات امريكي
.
.
افيدوني جزاكم الله الف خير
المشاركة الأصلية كتبت بواسطة شهرزاد30 
كيف يعني بروحه يعني منهج خاص فيهم ؟؟
المشاركة الأصلية كتبت بواسطة ماسة شرجاويه هيه اختي… دشي موقعهم بتشوفين المنهج اسمه SABIS اعتقد يتبع مدارس الشويفات في لبنان
والاغلبيه في الرساله .. واللي في الابداع العلمي البريطانيه يمدحونها وايد ..
.
.
كلهم يقولون ان المنهج البريطاني اقوى من الامريكي
وانا امس تميت اسال عن منهج الشويفات وصدق قالوا لي هو منهج مختلف عنهم مثل مدارس لبنان مثل ما قالت الاخ شهرزاد30
بس يتم السؤال ايهم افضل ههه لوول
انا سويت سيرج فالنت وقريت ان الشويفات وايد مشدده مول ما تعطي فجة للياهل ومافي اكتفتي ولا نشاطات وهالشي انا احسه خنقة ومب حلو كيف بينمون مواهبهم
وف نفس الوقت اقول خل يلعب فالبيت من يرد من المدرسه طول اليوم لعب لازم في وقت للجد ^^ اعيش تناقض واقنع نفسي
بس ايجابياتها بالنسبة لي ان مافي واجبات يردون مخلصين كل شي انا لاني احاتي ما اعطيه حقة