مدرسات الكمبيوتر,,…..شخباركم ويا مشاريع الطالبات؟ التدريس الاماراتي

السلام عليكم و رحمة الله و بركاته

شحالكم؟ شخباركم ويا الاجازة؟ ان شاء الله مستانسين

انا عن نفسي أصبت بخيبة أمل في هذي الاجازة..و السبب مشاريع الطالبات

و الله صدمة!..مادري اذا كل المدرسات ماشية امورهم ويا هالمشاريع اللي كلها كوبي و بيست من النت

ابا احصل طالبة وحدة كاتبة التقرير بأسلوبها, ماشي

حتى ما يكلفن على عمارهن يغيرن كلمة وحدة, يقولولنا علموهم التعلم التعاوني و التعلم بالمشاريع انزين هي اصلا فهمت شي من المادة العلمية؟!

و اللي يقهر بعضهم يدورون الموضوع بالانجليزي و يقدمولي ترجمة حرفية يوم قريته قلت في خاطري مادري اضحك ولا اصيح

المشكلة في مادة الكمبيوتر 80 من ال 100 درجة عالمشاريع, يعني البنت نسخت كل شي و حصلت ال 80!!

ابغي حل لهالمشكلة, ادري اني اذا كلمت الموجه بيقولي هذيلا طالبات مدارس و عادي ..

انا حطيت اصفار و هذا مب حل بما ان المشروع له وزنة لازم تخصص حصص نعلمهم ان في شي اسمه حقوق الملكية الفكرية. لازم نعطيهم report formatting..مب كل وحدة حاطلتي حجم الخط 20 و كلمتين في الصفحة

ما يعرفون شو يعني صيغي الكلام بأسلوبج و لخصي..الصراحة الوضع جدا محبط

ياليت مدرسات الكمبيوتر او اي مدرسات مواد ثانية يفيدونا بتجاربهم

ليش الكمبوتر عليه درجات ومشاريع

السلام عليكم هلا اختي بقترح عليج اقتراح انا مش مدرسه بس كنت طالبه فالكليه وكانوا يطبعون لنا ريبورت مشابه للمشروع المطلوب ويخبرونا بحجم الخط وطريقة الموضوع لكل فقره وكم فراغ بين الفقره والثانيه لون الخط وطريقة العناوين وترقيم الصفحات وكيف نكتب الصفحه الرئيسيه ونوع الخط والمقدمه والخاتمه وكل هذا نطبقه على موضوعنا كنا نمسك الريبورت ونطبق عليه خطوه خطوه وكان جدا سهل نتبع الخطوات ونكتب الموضوع من عندنا والله يوفقج ويسهل عليج

مشكورة عالرفع

و نجاح و رسوب بعد حبوبة

امبلا كانوا فالكلية يعطونا تمبلت و نحن نتبعها في الفورماتينج
اذا عندج اياها طرشيها لي
و تسلمين عالرد