حبايبي انا خلصت المخاوير الحين ادور على جلاليب للعروس في الشارجه و دبي
ومحلات العبي
بغيت اسألكم محلات إلي في السوق الجديم مال العبي مثل جلاتو خنجي هل تقليد ولا الاصلي ؟؟؟
ابغي رايكم كم افصل عبي وجلاليب علما اني بعيش في بيت اهل زوجي …
بالنسبة للجلابيات روحي سوق القديم في الشارقة بتحصلين عند راجو وفي محل مقابله في الزاوية جلابياتهم حلوه وبعد خياط جابر اللي في حلوان يخيط عدل تقدرين اتودين له الموديل ويضبط لج بس هو شوي غالي اللحين كبر راسه عشان جي روحي خياط الغرباء اللي في ام خنور وايد يضبط خذي رقمه من البدالة واسأليه عن الموقع لأني ما أعرف كيف ادليج خخخ المهم هذا اللي اذكره في الشارقة وبالنسبة لدبي روحي فريج المرر وبالضبط عند خياط الصيري يسوي مخاوير وجلابيات فراشة وغيرها جلابياته حلوة الصراحة نصيحة روحي عنده وفي خيايط حواليه خذيلج جوله وروحي سوق عكاظ في دبي عندهم جلابيات ولاتنسين عندنا في المنتدى بنات يبيعون جلابيات حلوه خذي منهم امممم وبالنسبة للعبي روحي عجمان عبيهم حلوه وبعد مركز سارة وبوهيل في دبي وفي محل راقي في مركز بن سوقات مال وحدة مواطنه عبيها حلوة واايد بس غالية شوي يعني انتي نوعي وشوفي ميزانيتج فصلي مثلا 5 عبي للطلعات والعزايم و2 للأعراس والجلابيات على حسب شوفي انتي كم مخور مسويه وعقب خذي الجلابيات صدق اتذكرت في خياط في الخان اسمه كاجو عنده اشياء حلوة وفي حذاله خيايط خذيلج جوله هناك …
هذا اللي اذكره اللحين واي شي انا في الخدمة…
الله يتمم لج على خير ويرزقك بالذرية الصالحة ان شاء الله