اليووم كتبت بنت يرانا عن اخر الاخبار قالتلي حطي هذا في منتداكم قلتلها انزين
https://forum.uaewomen.net/showthread.php?t=549230
هذا رابط الموضوع
السلام عليكم ورحمة الله وبركاته
اكييد تذكرووني هذي انا الي ريلي عذبني وهلكني وراواني الويل بسبة بنت ومب اي بنت بعد بتعرفون الحين هاي شو
انا رديت بيت عمي وتميت ويا ريلي اسويله كل شي اطبخله ادلعه ازقره حبيبي بس مايفيد يقولي كلمة حبيبي اباها تطلع من لسان الريم وبس انتي سيري ولي
والله العظيم هلكني وطفربي وكرهني عيشتي ضربني وكسرني وانا اقوله حرام عليك ليش تسوي فيني جي
سويتله كل شي سويت المستحيل بس بعد مايحبني تفكيره كله في هايج
فلانه وفلا طفربي بفلانه
انا ماقدر استحمل العيشه وياه لوحتى ولد عمي خطب البنت وانا مادري ولا حتى قوم عمي يدرون
عقب مايا من عندهم خبر عمي وامه وكل حد درا بالسالفه وعصبو طبعن وقالو بنت عمك المسكينه شوذنبها تعيشها في عذاب
ولا بعد فلانه طلعت بنت عايله معروفه ماقدر اقول اسم العايله طبعن وطلعت من عمره ومديره في بنك بعد
وانا المسكينه الي سيده من خلصت الثنويه يلست في البيت ولا درست ولا شي وعرست
وفلانه مكمله دراستها وماخلت بلاد مادرست فيها وفوق هذا كله بنت اغنيا
شفتو الفرق ؟؟
قولو الحين منو الاحسن ؟
اعرف انكم بتقولون انتي ليش تغارين منها جي لا انا ماغار انا منقهره من ريلي السخيف والوقح
استغفر الله
ضاربني كمن مره يوم رجعتله وفي مره دزني عالطاوله وايدي تعورني لين الحين
يوم يسالوني اقولهم طحت من على الدري
ولا احس اني ضايعه
في هالدنيا
ونسيت اخبركم انه ريلي كان له علاقه بفلانه قبل لايتزوجني انا
والحين سار يخطبها من ابوها
قلتله يافلان اذا انته ماتحبني خلني اسير بيت اهلي واعيش معززه مكرمه وطلقني احسلك
سرت اسوي فحوصات وطلعت حامل بس هو قالي انا باخذ راي فلانه فديتها جان تبا ولدج ولا لا
بلى عليكم شوهالانسان ؟؟
يبا يشاورها اذا تبا ولا لا واذا تبا تقدر تاخذه
وقال بعد اونه فلانه تحب اليهال وايد وفي خاطرها تربيلها بيبي فيمكن تاخذ الولد ان شاء الله
انا وايد خايفه
ولد عمي استوا مينون مب صاحي وايد متخبل على هذي الريم
وقال بعد بشاور فلانه بقولها اذا اقدر اطلقج ولا اخليج بذمتي واعذبج
ليش انا لعبه حقهم ولا شو بضبط؟
ساعات اضحك عليه وعلى اسلوبه
الحين هي خطيبته وعمي عصب في البدايه بس يوم سمع انها بنت عايلة فلان سكت وقالولي الشرع حلل اربع
وابوي معصب ويباني اطلق منه وشال خاطره من اخوه
سبحان الله حتى اقرب الناس لنا استولنا عدوان
وهذي اخر الاخبار
ما اريد اقولج اطلاقي لانة كل واحدة حرة وتعرف تختار الله يعينج
بس لو انا في مكانج مستحيل اتم دقيقة وحدة وليش ارضاء بذل وانا بنت ناس
في الاول والاخير هذي حياتج وانتي حرة
هالمجرم لازم تطلقين منه صراحه اهانج وايد وين كرامتج انتي خلي يولي لاااااه
المهم لاتتهاوشين وياه لا يضربج ها مينون ممكن يذبحج شردي بيت اهلج والحمدلله انه ابوج واقف وياج شو تبين بعد؟؟؟؟
عساه بالف خيبة تطلقي منه وافتكي
المشكلة فيج
والله منصدمة منج
وبعد تقوليلة حبيبي وتطبخيلة وما ادري شو
وللعلم
ولدج ما يروم ياخذه الا اذا عرستي
بس دوم انج ما عرستي يتم ولدج على ذمتج
بس انا مستغربة ليش جي منكسره
ليش حاطة راسج تحت التراب شرات النعام
حبيبتي قوليلة لو مديت ايدك علي في شي اسمه شرطة
وولدي من حقي الا اذا عرست
واذا ما طلقتني بخلعك
وبخلي الناس تقول بص اهوه الراجل المخلوع خخخخخخخخخ
قوليلة اني اتصلت بمحامي وعرفت كل حقوقي (صدقيني هالجملة بتخلي شعر ايده يوقف )
واذا هو ما سوى حساب انج بنت عمه فليش انتي شايلة الهم
هو اللي بدا والبادي اظلم
استغفري
استغفري
استغفري
صلي القيااااام
صلي لج صلااه الحاجه
ادعري ربج
وقوي علاقتج فييه
والله والله انه ما بيضيعج
بس انتي استعيني بالله الي خلقج
وكتب رزقج ونصيبج مع ه الانساان
ه الزواج اختبار لج يشوفج بتستعينين فمنو
ربج يبا يسمع صوتج وانتي تدعين له وتطلبين عونه
الله ما خلقنا عشاان يعذبن !!
الله خلقناعشان نعيش ونعبده وانعمر ه الارض
وانعيش بأمان ..
استعيني بربج وشوفي شو يكتب لج
واذا قررتي قرار لا تنسين تستخيرين
وهو حتى لو خذها ما بيستانس وياها لأنها علاقتهم غلط بغلط حراااااااااااااااااام
مستحييل يستانسوون بحياتهم..
وانتي اصبري اصبري وربج ما بيجازيج الا الخير
كاانت قبل تبا يطلقها بس عقب اونها فكرت وقالت مابا اخرب بيتي
كيفها شي راجعلها ماتيبها النصيحه