اتذكرت معاناتي في ورق العنب
عندي سؤال
عن ورقة العنب دوم يوم اسويها
العيش داخل الورقة يذوب ويصير ماي والورقة ماستوت
شو اسوي عشان اخليه مستوي
مرة زدت عليه زيت بس الحاله صارت مدهنه زيادة عن اللزوم
في حد عنده وصفه تساعدني يعني اغلي الورقة قبل مالفها وحطها في القدر؟؟
انتي تحطين العيش في الماي قبل الطباخ ؟؟ اذا كنتي تحطينه حطيه شوي مال دقايق مب كم ساعه وشو النوع اللي تستخدمينه يمكن النوع غش ..
وبعدين ورق عنب يوم تفوحينه اول شي خلي النار عاليه يمكن ربع ساعه يوم تشوفين الماي تبخر خفي عليه وايد
وخليه عشر دقايق ..
انا عن نفسي ماحب استخدم العيش المصري احب استخدم عيشنا العادي احس طعمه احلى
ان شا الله قدرت افيدج
انا استخدم العيش المصري
بس يمكن المشكلة عندي في ورقة العنب
لاني ماغليتها بالماي بالاول
بس
اي ورق عنب تستخدمون
انتي تستخدمين ورق معلب ولا فرش
المعلب عندج كاليفورنيا والعلالي نوعية زينه
والورق ما يباله غلي
على طوول طلعي من العلبة ولفيه
وان شاء الله يضبط معااج
دعواتج يالغالية
عقب يوم تلفينه استخدمي كاليفونيا لان العلالي امره يتقطع في اللف..،
ويمكن انتي تحطي وايد صوص (ماي) عقب اللف يوم تحطينه في النار في النهاية..،