عزيزتي حواء
ما رأيك في السكن مع الأهل بعد الزواج .. ؟؟
كثيرا ما تقوم بين العريس و العروس مشاكل خطيرة
سببها إصرار العروس على السكن في بيت منفصل ..
و إصرار العريس على السكن مع بيت أهله إذعانا منه لأوامر والديه ..
فما الذي يجعل المرأة برأيكم ترفض السكن مع أهل الزوج ؟؟
و ما الذي يجعل أهل الزوج متمسكين بابنهم و اصرارهم على أن يسكن هو و زوجته معهم .؟؟
وما هي إيجيابيات وسلبيات كلا الحالتين :
في حال السكن مع الأهل أو السكن المنفصل ؟؟
اطيب تمنياتي لكم بحياة هانئه
أنتظر تفاعلكم و دمتم سالمين
السكن مع الاهل :تدخلات مستمرة و الزوجة ملزومة بلبس معين و بوقت معين و بأكل معين وما تاخذ راحتها و فيه ايجابيات للي تحب تخالط الناس او عندها عيال ممكن اهل زوجها يساعدونها
السكن المنفصل: يعلم الزوج يعتمد ع نفسه و يكون ريال البيت بدل الاعتماد على اهلهو الزوجة تاخذ راحتها في اللبس و الطلعة و تكون ست البيت و ملكة
المشاركة الأصلية كتبت بواسطة Cobon 
السكن مع الاهل :تدخلات مستمرة و الزوجة ملزومة بلبس معين و بوقت معين و بأكل معين وما تاخذ راحتها و فيه ايجابيات للي تحب تخالط الناس او عندها عيال ممكن اهل زوجها يساعدونها
السكن المنفصل: يعلم الزوج يعتمد ع نفسه و يكون ريال البيت بدل الاعتماد على اهلهو الزوجة تاخذ راحتها في اللبس و الطلعة و تكون ست البيت و ملكة
100% كلامج كبووون
هم مب ناقصين خلهم يتعرفون على بعض اكثر ويتفاهمون ويستوعبون بعض ويستوعبون الحياة الزوجية ومسؤولياتها عشان حياتهم تستمر،، بس الاهل احيانا تدخلهم يكون فيه ضرر اكثر من ايجابياتهم
وبالذات الحرمة العروس ، ،عندها ملابسها اليديدة وقمصان نومها و وحركاتها متى بتتهنى لو هي يالسة في بيت اهل ريلها،، !!!
اما في هي في بيتها بتاخذ راحتها اكثر وبتكون للزوج والزوجة حرية اكبر
انا مع البيت المنفصل،، 100% وبالذات من بداية الزواج مب عقب الزواج ب5 سنوات يوم هم طفروا من بعض وشبعوا سلبيات
حتى لو ياخذ لها شقة،، عادي، ،المهم سكن منفصل من البداية
انا مع اصرار البنت ان تسكن في سكن منفصل سواء يبني بيت و لا حتى ايجار
بس بعد مراعاه ظروف الزوج الماديه يعني هو وين يقدر ياجر خله ياجر المهم مكان يناسبهم
وانا انصح اي بنت نصيحه والله تنازلي عن الكوشه الي 40 الف و عن الفستان الي 30 الف
عشان تقدرين تحصلين سكن منفصل يلمكم ويريحكم .. تراه الريال موب بنك وانتي بعد فكره باجر .. باجر احسن من ليله عرس وتروح وكمن وحده بتمدح و الكل بيذممممم ..
ثانيا ايجابيات بيت اهل الزوج :
1- ما بتحتاين خدامه .. خجامتهم تكفي وتوفي وتوج يديده ترومين على الترتيب وغيره
2- الاكل جاهز مايباله معابل وطبخ امه ما بتقصر
3- بيت في حوش وفيه جاراج حق سيارتج وما بتتلعوزين دورين باركن ههههههه
4- الياهل يوم بتيبنه عندج حد مطنمه تحطينه مع الخدامه يشرف عليهم عمتج عمج تخت ريلج مرت اخو ريلج البيت ما يخلا
السلبيات :
1- محسوووب عليج كل شي ..
2- ملتزمه بلبس ومواعيدهم وعاداتهم وكل شي يمر في بتهم يمر عليج
3- بتنخبصين بالمشاكل اذا هم عايله فيها تفكك
4- ريلج بي وبيرقد عقب وحياتج كله بيتيلس مع اخوانه جنج قنفه
5- بيطلعج بس بعد موب ع كيفج على حسب قواعد البيت
السكن المنفصل ايجابياته :
راحه نفسيه
اعتماد على النفس
تقدرين تعيشين اجواء حلوه ورقص وغنا وسامري ع كيف كيفج ههههههههه
المشاكل الي بتصير بينج وبينه بس بتم في بتيتج محد بيعرفها
بتطبخين الي تبينه
السلبيات :
المسؤوليه كلها عليج بالترتيب و الطبخ والنفخ
اليهال الازم بتمين تحاتينهم او تنزلينهم حد عند من اهلج اذا انتي موب موجده
المدارس لازم بتحاتين منو بيوقف وياهم الصبح اذا انتي تدرسين ولا داومين
جي يعني اشيا تنظيمبه فقط
ضروري السكن المنفصل عسب الاثنين ياخذون راحتهم و يتعرفون ع بعض
لا حد ايى ع راسها و يقول دخلت و طلعت و راحت و رجعت و اشترت و سارت بيت اهلها و سافروا و ماتوا و ادفنوا و لابسة سويرة براند و لابسة فان كليف اليوم
و شاري لها باقة ورد و كل جمعة تروح تتعشى ف دبي مول
لو ع قد حالها ف اللبس —–> لا تلبس ولا تكشخ لولدنا
لو كشيخة ——————-> فلست ولدنا
لو تلبس مستور ———-> ستايلها ستايل مطاوعة وما تعرف تكشخ
لو تلبس جلابيات ملونة—> وايد متكلفة و تلبس ملون يدام اخوان ريلها
ياختي السكن في بيت اهل الزوج مصيبة
حتى لو هم زينين و طيبين تصير مشاكل و حساسيات
وانتي ما شاءالله كل مواضيعج تضرب عالوتر الحساس
شوفي خيتي انا جربت الاثنين
اول ماعرست سكنت عند اهل ريلي فتره وصراحه اعتبرها طويله ،،
بس بعدين الحمدلله استقريت بروحي ،،
هو الموضوع حرام نشوفه بالشكل السلبي لان بعض اهل الريل
ينحطون عالجرح يبرا ،،
عشت معاهم الحمدلله ولا شفت منهم اي شي غلط
ولا يتدخلون بحياتي ولا انا ادخل بحياتهم ،،
بالعكس انا الحين احمد ربي اني اول ماعرست سكنت عندهم
لان هالشي فادني ومعاهم صراحه حسيت اني بين اهلي وناسي ،،
مع اني غريبه عنهم بس الحمدلله عشت معاهم عيشه طيبه
وكنا يوم اييون حمياتي نسهر مع بعض ضحك وسوالف ،،
بس فالنهايه اكيد لازم اطلع لاني ماكنت اقدر اخذ راحتي بالكامل ،،
و نفس الشي عندنا زادو اليهال تبارك الله ،،
كملت 5 سنين خلاص حسيت اني ابا اعيش ف مملكتي الخاصه
طبعاً مب كل بنيه ينطبق عليها كلامي ،،
لان ام الريل او خواته مرات يكونون شر اعوذ بالله
الوحده ماتصدق متى تطلع من عندهم وتفتك ،،