ما اعرف شو اسوي..اوقات احس بالذنب واوقات اقول من حقي؟؟؟ رعاية الاطفال

بصراحه ما اعرف من وين ابدأ…بصراحه انا تعرضت لخيانة زوجي لي ومن يومها الشك مزروع في مخي
ما اقدر اطلعه من راسي…ومن فترة عرفت الباس وورد مال ايميله وتميت بين فترة والثانية اشوف الايميلات واشوف اللسته تبع الشات ماله..والحمدلله طلع بريء…وهني حسيت بالذنب فلت يمكن ظلمته..
والحين جلبت ع التيلفون بين فترة والثانية اشوف المسجات والاتصالات..ادري انه مب من حقي بس انا اخف ع ريلي اخاف انه يبا وحده غيري او حتى يكلمها لمجرد التسليه..وانا عندي ولد منه..والله بنتحر مب كفايه علي تجملت خيانته لي وسامحته لكن مانسيت..واللي فور دمي اليوم وانا يالسه اشوف تيلفونه لقيت من بين المسجات ربيعه فالدوام مطرشله صورة بنتين يالسات ع مؤختهن ((بشكل مغري)) والمسج الثاني كان لبنت متحنيه لين اردافها من فوق وايدينها لين ظهرها..يعني قمة الاغراء..هني انا عصبت بس طبعا ماخبرته اني فتحت تيلفونه..لانه بيعصب وبيحشر الدنيا..واللي خبلبي اكثر ان ريلي الحبيب مطرشنها حق ربعه وتعالوا شوفوا التعليقات؟؟؟؟

بصراحه ليتني ماشفت ولا حتى قربت من التيلفون احس بعمري صاكه فيني الدنيا …ما اريد ريلي يكون من هالنوع كل مسج طرشه حق ربعه وخاصة فيها صور بنااات…اعرف اني غلطانه والله بس شو اسوي خلاص تعبت..مع انه والله العظيم حنون وياي وكريم ومامقصر علي بشي يمكن نختلف في وجهات النظر بس نحب بعض وخاصة بعد ما وصل ولي العهد..

ماشي غير انج تستغفرين دوم وادعي ان الله يهديه

وانتي لا تقصرين وياه

واذا عن البنات والصور خله يسوي اللي يسوي فالنهايه انتي الج الاجر

واذا عنه هو حطي شي ف بالج قولي انا ما بقصر وياه وهو عنده رب بيحاسبه

وادعي كل يوم كل يوم ان الله يهديه ويبعده عن رفقاء السوء

الله يهديه و يسخركم لبعض …~

::

الله يسخره لدينه ولج وايسر امورج ياارب