هلا خواتي …اشحالكم …شو الاخبااار
ياريت تفيدوني وين ممكن احصل كوش ليلة الحنه …
ياريت تفيدوني
الشيخه و الله ماعرف بشـو اشور عليج ..~
بس نحن ما نييب كوش في ليلة الحنـا .. ترى العروس تكون متغطيه و تتحنى
لكن مب ع الكوشه .. كناا نييب احيانا في الملج الي في البيت .. و السموحه منج .!
الف مبروك مقدما
انا حق ليلة الحنا سرت خذيت قطعه خضرا مع ذهبي على لون الثوب اللي بلبسه بس عشان اكسر اللون دخلت معاه الفوشي الوردي
وانتي بروحج تقدرين اتنسقين الكوشة يعني كرسي يكون عندج في البيت غطيه وحطي عليه كوشونات استايل هندي اللي يكونن مطرزات
واذا حبيبتي سيري المينا وخذيلج من الفنارات عشان يبين شكلهن تراثي
والله يتتملج على خير
اتعرفين انا شوه سويت ف ملجتي
يبت طقم من الميلس وحطيته ف الصاله عشان يكون مختلف عن الطقم الموجود
واشتريت طقعه شرات المخمل بيج فااتح طول الستاره .. وخذت قطعتين تور بيج + بنفسجي ع عنابي تقريبا نفس لون فستاني
وخيطيت المخمل ع الستاره ونزلت منها قطع التور يعني اربعه نازلين من النص وعقب فرقتهم وخليت اثنينه ها الصوب واثنينه ها الصوب
وسويت 3 باقات من حدائق روز كل باقه فيها 10 وردات بيج وبنفسجي وعقلتهم وحده ف النص ووحده ع اليمين ف مسكه التور ووحده ع اليسار بعد ف مسكت التور
يعني ترومين بروحج تبدعين … واذا مب فايقه على عوار الراس سيري حدائق روز 